الموضوع: تيوتاوي جديد 2008

المشاركة الأصلية كتبت بواسطة hossamsmsm

وعليكم السلام ورحمه الله وبركاته

ياباشا انا مش صاحب الموضوع . صاحب الموضوع هو اللى كاتب انه اشترى العربيه
وبالنسبه ليا انا فعلا بدور على 2010 جنوب افريقى
بس بلاقى كتير 2008 و 2008 بالفتيس ال mmt وعرفت من فترة من هنا فى المنتدى ان الفتيس ده بقى عليه ضمان مدى الحياه من التوكيل علشان العيب اللى موجود فيه هو عيب صناعه ولما بتروح التوكيل فى اى وقت بيعملوا تعديل بسيط فى الدبرياج بيتهيئلى والفتيس والمشكله بتتحل
بس كده هو ده اللى انا بتكلم فيه يبقى انا مثلا لو لاقيت حاجه 2008 او 2009 وسعرها كويس ومناسب ليا اشتريها واروح التوكيل اعمل التعديل
ولا استنى شويه وادور على 2010 وتكون حاله نضيفه بس المشكله معايا بس فى الفلوس مش اكتر
وشويه ولاقيت نفسى بفكر فى الكروز التوب لاين اعلى فئه 2010 و 2011
والعمليه اتشقلبت معايا خالص
بس انا بصراحه مرجح التويوتا وبالذات الجنوب افريقى

السلام عليكم
حضرتك الفتيس ده مكوناته مانويل تماما وكل فتره بيحتاج ظبطه كده فى الدبرياج كانوا بيعملوها من نفسهم فى التوكيل كل ما اروح اعمل صيانه وبدون اى تكاليف .... واختيار الفتيس المناسب يتوقف على استخدامك من حيث انك مثلا على الزراعى وبتحب تشد بسرعه وتاخد سكك كتيره وهاتكون عاوز عربيه تسعفك فانصك ب2010 لان لو معاك mmt على الزراعى وعاوز تعمل كده يا اما هاتخليه مانويل وانت تتحكم فى الغيارات او هاتخليه عادى وتشغل Es .. ولو حضرتك بتسافر كتير على صحراوى ومشى طوالى كتير mmt هايبقى كويس معاك لانه 5 غيار امامى وبيوفر شويه فى البنزين
بس بصراحه انا بعد ما سقت العربيتين ومن كام يوم كان عندى مشوار للقاهره وكنت ماشى على سرعه 180 و190 مستمر واحيانا 200 وكنت مشيت بالعربيه اللى فاتت mmt على 180 انا شايف ان الاتوماتيك العادى بيستجيب اسرع ولكن مقابل ان صوت المتور اعلى لان الفتيس ده 4غيار بس ..... ولو حضرتك تقبل منى نصيحه ... انصحك تستنى شويه حتى لو اتزنقت شويه فى الفلوس ممكن تصبر لحد ما تزبط نفسك بس بعد كده لما تجيب 2010 هاتحس انك ما انتظرتش على الفاضى وخليك فى 2010 وابعد عن mmt ووشه وريح بالك
وبالنسبه للكروز انا ما ارشحهاش لان مافيهاش مفتاح بصمه ولا 9 ايرباج ولا تصفيح اسفل الموتور زى الكورولا ده بالاضافه ان موتورها 105 حصان تقريبا زى موتور الكورولا الخليجى لكن الجنوب افريقى 122 حصان ( مجرد راى شخصى علشان محدش من مالكى الكروز يقوم عليا )

المشاركة الأصلية كتبت بواسطة bebo_bebo61

السلام عليكم
حضرتك الفتيس ده مكوناته مانويل تماما وكل فتره بيحتاج ظبطه كده فى الدبرياج كانوا بيعملوها من نفسهم فى التوكيل كل ما اروح اعمل صيانه وبدون اى تكاليف .... واختيار الفتيس المناسب يتوقف على استخدامك من حيث انك مثلا على الزراعى وبتحب تشد بسرعه وتاخد سكك كتيره وهاتكون عاوز عربيه تسعفك فانصك ب2010 لان لو معاك mmt على الزراعى وعاوز تعمل كده يا اما هاتخليه مانويل وانت تتحكم فى الغيارات او هاتخليه عادى وتشغل es .. ولو حضرتك بتسافر كتير على صحراوى ومشى طوالى كتير mmt هايبقى كويس معاك لانه 5 غيار امامى وبيوفر شويه فى البنزين
بس بصراحه انا بعد ما سقت العربيتين ومن كام يوم كان عندى مشوار للقاهره وكنت ماشى على سرعه 180 و190 مستمر واحيانا 200 وكنت مشيت بالعربيه اللى فاتت mmt على 180 انا شايف ان الاتوماتيك العادى بيستجيب اسرع ولكن مقابل ان صوت المتور اعلى لان الفتيس ده 4غيار بس ..... ولو حضرتك تقبل منى نصيحه ... انصحك تستنى شويه حتى لو اتزنقت شويه فى الفلوس ممكن تصبر لحد ما تزبط نفسك بس بعد كده لما تجيب 2010 هاتحس انك ما انتظرتش على الفاضى وخليك فى 2010 وابعد عن mmt ووشه وريح بالك
وبالنسبه للكروز انا ما ارشحهاش لان مافيهاش مفتاح بصمه ولا 9 ايرباج ولا تصفيح اسفل الموتور زى الكورولا ده بالاضافه ان موتورها 105 حصان تقريبا زى موتور الكورولا الخليجى لكن الجنوب افريقى 122 حصان ( مجرد راى شخصى علشان محدش من مالكى الكروز يقوم عليا )

الف شكر ياباشا وربنا يخليك على المعلومات الجميله ديه
بصراحه شرح اكتر من رائع وان شاء الله هستنى واشترى 2010 زى ما قولت

وبعيدا عن الموضوع حضرتك شخصيه محترمه جدا

المشاركة الأصلية كتبت بواسطة hossamsmsm

الف شكر ياباشا وربنا يخليك على المعلومات الجميله ديه
بصراحه شرح اكتر من رائع وان شاء الله هستنى واشترى 2010 زى ما قولت

وبعيدا عن الموضوع حضرتك شخصيه محترمه جدا

السلام عليكم
لا شكر على واجب
.. انا فعلا اتعلمت كتير من المنتدى ولازم ما ابخلش على اى واحد بمعلومه اعرفها
..ده من زوق حضرتك والله
واى استفسار تانى حتى بعد ما تشترى العربيه ونباركلك ان شاء الله انا تحت امرك