مشكلة سير الدينامو فيلشيا 97

**mahham** · 18-07-2013 11:47 AM

السلام عليكم ورحمة الله وبركاته

أولا: كل عام وكل الأعضاء بخير

ثانيا: أتشرف بالإنضمام إلى المنتدى

ثالثا: مشكلتي في عربيتي (سكودا كومبي 1997) إني بأحبها جدا بالرغم من إني صرفت عليها حوالي ستة أو سبعة آلاف جنيه في سنة ونصف (كاوتش جديد وبطارية جافة جديدة ومساعدين أمامي وخلفي وشوية حاجات كدة) ودايما بأجيبلها قطع الغيار الأصلية ولكن المشكلة الحالية اللي باتعرضلها خلتني أبتدي أكرهها وأفكر أبيعها لما تكون في فرصة أغير

رابعا: المشكلة الحالية أكون شاكر لو حد عنده خبرة نصحني بحل ليها

الموضوع يتلخص في إن العربية قطعت لحد دلوقتي 5 سيور على الأقل (سير المجموعة دينامو - تكييف - طرمبة المياه)

واحد يقوللي المشكلة في بلي الشداد - غيرته والسير اتقطع قبل وبعد

واحد يقوللي طنبورة الدينامو - الدينامو القديم قطع سيرين تلاتة والجديد قطع سيرين لحد دلوقتي

الغريب في الموضوع إن السير ممكن يقعد ست شهور مافيهوش الهوا وفجأة وكأن الموضوع فيه سحر ألاقيه فوت ورحل واتقطع ومجموعة البكر والطنابير زي ما هيا ماتزحزحتش مللي وأي سير يركب مكانه يرحل ويقطع على طول

حد عنده أفكار يا جماعة؟ وكل سنة وإنتم طيبين

**أحمد جودة** · 18-07-2013 12:13 PM

أولا أهلا بيك فى المنتدي

ثانياً المشكلة اللى حضرتك بتعرضها اعتقد ان نوعية السير نفسها مضروبة أو السير مشدود أو مرخي زيادة عن اللزوم

وأ

**المنسي** · 18-07-2013 12:43 PM

ممكن يكون السير مشدود زيادة عن اللزوم او الطنبورة اللى بيلف عليها السير بتتسبب فى قطعه ممكن طنبورة المية او الدينامو او التكييف وممكن انت بنفسك تشوفهم وتختبرهم بانك تهوى المسمار اللى رابط على الدينامو شوية وتفك السير اللى راكب ولف بايدك على الطنابير شوف لو فيها خشانة جامدة ولا لا

**sakr_skoda** · 18-07-2013 05:39 PM

اعتقد ان مشكلتك فى ترحيل كمبروسر التكييف او الدينمو وممكن يكون فيه بوش فى الحجاتين دولا والسير لما بيتشد مبيظهرش البوش دا الى فى حركة السيارة او تعرضها لمطبات قوية....

فا حضرتك فك السير وحاول تحرك كمبروسر التكييف لو اتحرك معاك يبقى لابد من ربطه جيدا وايضا الدينمو حاول تحركة لو اتحرك ربط عليه تمام لان الجزئين دولا هما المتحركين فى موتور السيارة دون طنبورة طلومبة المية وطنبورة الكرنك....

لابد من تظبيط مستوى الطنابير بكل دقة ويتم الكشف على حارات الطنابيير ممكن تكون فية حارة مكسورة او متأكله تعمل معاك البلاوى دى الحارة دى فى اى طنبورة كم الأربعه....

الموضوع عاوز دقة وصبر وانتا على فكرة ممكن تعملها بنفسك ياريت تسيبك من الصنايعية بتوع حل اربط تمام ياباش........*

**طارق _عبد السلام** · 18-07-2013 09:54 PM

الطنابير عندك واحده مش مظبوطه بتعمل اجهاد على السير
راجع الطنابير

**mahham** · 25-07-2013 11:30 AM

شكرا ليكم يا جماعة

أنا غيرت الدينامو والدنيا بقت تمام دلوقتي

الدينامو اللي ركبهولي الكهربائي ماكانش بتاع العربية فنزلت الوكالة جبت واحد استيراد ظبط الدنيا الحمد لله

جبته ب 400 جنيه لو حد عايز يعرف المعلومة

شكرا ليكم مرة تانية

-

-

الموضوع: مشكلة سير الدينامو فيلشيا 97

LinkBack

أدوات الموضوع

عرض

-

-

-

-

المواضيع المتشابهه

مشكلة في لمبة الدينامو

مشكلة فى ال 128 (أعتقد الدينامو)

مشكلة بعد تصليح الدينامو

مشكلة في سير الدينامو

مشكلة فى شحن الدينامو

الكلمات الدلالية لهذا الموضوع

المفضلات

المفضلات

ضوابط المشاركة