سؤال بخصوص لوجان اوتوماتيك ؟؟؟

**الشريف السيد** · 29-07-2013 08:40 PM

السلام عليكم ورحمه الله وبركاته
الصبح وانا بشغل اللوك بتاع العربيه مشتغلش وفتحت العربيه عادى بالمفتاح وجيت ادور العربيه مش بتدور شكل البطاريه نامت ولا ايه العربيه لوجان 2013 اوتوماتيك ومعملتش 400كيلو يعنى لسه جديده يا ترى تكون البطاريه نامت وعاوزة توصيله عشان تدور ولا ايه وهل ده حل ولا البطاريه اغيرها فى الضمان تكون باظت ولا ايه معلش معرفتى بسيطه جدا عن العربيات اشكركم وفى انتظار ردودكم

**reda elgohary** · 29-07-2013 08:43 PM

شوف وصلات البطارية السالب والموجب ، وشوف اليدينمو ،، ولكنى لا أعتقد أن المشكلة كبيرة ،، راجع أخر مطب أو صيانة عملتها ،، ان شاء الله بسيطة .

**الشريف السيد** · 29-07-2013 09:11 PM

شكرا لحضرتك اخى رضا ولكن السيارة جديده معملتش 400كيلو زيرو يعنى ممكن تكون البطاريه نامت مثلا ومن ايه ولو عملت وصله ودورتها هتحتاج اروح التوكيل يبصوا على البطاريه تكون عاوزة تتغير ولا سببب مؤقت وشكرا لحضرتك

**gebreel** · 29-07-2013 09:18 PM

اولا الف مبروك على العربية :)

ثانيا اتأكد من ان قواشيط البطارية مربوطة تمام و متركبة صح و انك مكنتش ناسي اي نور حتى لو نور الصالون والع

لو كلوا تمام اتصل على 16202 و اختار اعطال الطريق و قلهم على اللي حصل هيبعتولك مهندس بعربية يغيروهالك في الضمان بدون اي حاجة لو المشكلة في البطارية و لو قالولك هات وصلة و هاتها مركز الخدمة قلهم معرفش لأن ده حقك