الموضوع: مشكلة فى طاقم الكهرباء ( الموبينة والمشط )

السلام عليكم ورحمة الله وبركاته


المشكلة كنت راجع امبارح من الشرقية الى حلوان والعربية بهدلت أمي


فى أول المشوار لاحظت عداد الار بي ام المؤشر بيجري يمين وشمال فجأة

بعدها بــ 10 كيلو العربية بطلت ووقف بالصدفة قريب من ميكانيكي قاللي السلانسية عاوز يتظبط

مشيت بعدها بــ 5 كيلو نفس المشكلة العربية بتترجرج وبتبطل وعداد الار بي ام اتهبل عمال يلعب يمين وشمال .

أدور العربية واكبس بنزين تمام اشيل رجلي العربية تبطل

شكيت فى المشط الالكتروني غيرتة ولاكن نفس المشكلة واتحرق تاني

شكيت فى الموبينة وكانت المفاجأة لقيت الموبينة طافحة شحم

المهم والحمد لله كان معايا موبينة ومشط غيرتهم والمشكلة اتحلت والحمد لله رجعت البيت بعد تعب وعناء بسبب الحر الشديد كان الله فى عون الاولاد الصغيرين


السؤال هنا ياتري المشط اتحرق وغيرتة مع الموبينة القديمة واتحرق تاني

ياتري الموبية حرقت المشط بعد التغيير


بالمصادفة كان معايا مشط تاني غيرتة مع موبينة تانية احتياطي

السؤال الاهم ..... الـــ 2 مشط والموبينة كانو مستعملين جبتهم مع العربية ومعرفش حالتهم بالظبط ولا سبب تغيرهم ياتري اغير الموبينة والمشط تاني ...

وياتري الموبينة ممكن تتصلح وخصوصا انها اول مرة تعمل الحركة دي

وياتري اشتري مشط ومبينة جديدة ماركة ( فيكا ) مع العلم اني مغير المشط 3 مرات فى اقل من سنة بنفس النوعية أو أجيب الاصلي استيراد احسن وفين افضل مكان اجيب منه

أرجو الافادة ومنتظر أراء الزملاء وكل عام وأنتم بخير