مشكلة حرق الزيت بعد تغيير طاقم الشنبر

**helmy001** · 20-03-2013 08:33 AM

عملت من حوالي ثلاث شهور تغيير لطاقم الشنبر الخاص بعربيتي (لانسر 99) وحسيت وقتها فعلا تغيير في سحب العربية وحرق البنزين وطبعا الزيت اللي كان بيتحرق بسرعة جدا من حوالي اسبوع لاقيت العربية فيها بوجية قاطع(متلتة) لما رحت للميكانيكي وفك البوجيهات لاقي حواليها وكمان مكان الحرق زيت قال ان العربية محتاجة طاقم شنبر تاني وان اللي ركب الطاقم المرة اللي فاتت محكموش كويس رجعت للميكانيكي اللي ركب الطاقم اول مرة قالي ان العربية مش بتدخن من الشكمان وعزمها كويس يعني دة مش شنبر وان دة ممكن يكون طاقم كاوتش صباب او دلايل وطلب اني ارجعها لما تتلت تاني وانا بصراحة مش عارف فين الصح وعاوز اخد رايكم

**اسامه نور الدي** · 20-03-2013 02:00 PM

الموضوع ده حصل عندي بعد طقم الشنبر بيجي 6 اشهر برضه العربيه رجعت تاكل زيت و في دخنه في بدايه الدواره بس هو اساسا طقم الشنبر لو اتعمل صح اخره سنه بالكتير و بعد كده تنساه بس في بعض الميكانيكيه مابتقفلش صح فبيلف الشنبر و يعرق زيت للبوجيهات ويسرب زيت للبساتم فيعمل دخنه عوضك علي الله في طقم الشنبر و امشي عليها شويه و ابقي اعمل طقم تاني او عمر الموتور احسن