لو سمحتم عاوز نصيحتكم فى تغير ديسك واسطوانة لتويوتا ياريس - تعبت من الفتااايين

**mohammedly** · 29-08-2013 06:32 PM

لو سمحتم عاوز نصيحتكم , أنا عربيتى ياريس 2009 مانيوال و محتاج أغير ديسك و اسطوانة هما ماشين بس العربية بتترج منى فى الغيار الأول فى الطلعة و لازم أزود بنزين وتقل رجلى شوية قبل مارفعها من على الدبرياج فكدة متهيالى أنها ديسك واسطوانة بنسبة 60 %
المهم فى نلس بتقولى بلاش تشترى ديسك واسطوانة من التوكيل لأنهم أصلا فيهم مشاكل و تلاقى الديبرياج تقيل فهات أى نوع تانى زى value هيكون أحسن.
هو الكلام ده صح ولو فى أنواع ترشحوهالى هى أيه ومن فيين أشتريها

**Y a r i s** · 29-08-2013 11:12 PM

واللهي انا رأيي الحجات المهمة دي تعملها في التوكيل
وعلى فكرة دي حجات مستهلكة ... يعني ممكن تركبها ترجع بعد سنتين تلاته تغيرها اكنك. بتغير تيل فرامل. بالضبط. لذلك اشتري دماغك حته وحدة وغير في التوكيل وخلاص بس بلاش توكيل ابو رواش سيء للغاية وخدمتهم زفت .

**elmkaneeki** · 29-08-2013 11:33 PM

في واحد في حلوان بيجيب الاصلي وبأسعار حلوة اوي

**asemx1** · 30-08-2013 12:15 PM

المهم لو انتا عارف عفشجى بره نضيف جدا هينضفلك الفتيس والشوكه وهيغيرلك بليه الدبرياج وهيروقلك على الدنيا هتلاقيها بقت ناعمه جدا زى الزيرو

لو كنت فى المنصوره كنت وديتك لواحد بيعمل كدا اسمه ايمن راجح

اشترى دسك واسطوانه وبليه اصليين
والى بتركب عنده هاتله 2 لتر جاز وخليه ينضفلك المجموعه كلها