سؤالين عن بيجو 301 فى العدادات و الزجاج

**m.basha** · 03-09-2013 07:53 PM

السلام عليكم كنت عايز اسال اللى معاه العربية الزجاج الامامى بينزل كله مرة واحدة بدوسة على الزرار و لا لاء و ثانى حاجة فى التابلوه بتاعها انا شوفت مؤشر البنزين كده زى شرط زى شحن الموبايل فهل بيكتب فى التابوه اللى باقى من البنزين بيمشى كام كيلو و لا ايه و شكرا

**Ahmedshalaby** · 03-09-2013 08:03 PM

وانا عازم أزود سؤال فيه ناس بتقول ان فيها كروز كنترول اللي هو مثبت السرعة و ناس تانية بتقول مفيهاش و ممكن يتركب لها في التوكيل ب ٦٠٠ جنيه
باريت حد من الملاك يأكد لنا الكلام دا

**Haitham G** · 03-09-2013 08:34 PM

لأ لازم تدوس على الزرار للأخر يعنى مفيش اوتو و فعلا هى زى الهوندا السيفيك مؤشرات للبنزين و لو العربية هاى لاين بيبقى فيها شاشة البيانات وفيها كمبيوتر رحلات بيقولك الاستهلاك مثلا اللتر يمشيك كام كيلو والمسافة اللى مشيتها ومتوسط الاستهلاك غير كده الشاشه اللى عند العدادات مفيش فيها الكلام ده وشوف كلام باقى الاعضاء

**amrelsaqqa** · 04-09-2013 01:17 AM

المشاركة الأصلية كتبت بواسطة Haitham G

لأ لازم تدوس على الزرار للأخر يعنى مفيش اوتو و فعلا هى زى الهوندا السيفيك مؤشرات للبنزين و لو العربية هاى لاين بيبقى فيها شاشة البيانات وفيها كمبيوتر رحلات بيقولك الاستهلاك مثلا اللتر يمشيك كام كيلو والمسافة اللى مشيتها ومتوسط الاستهلاك غير كده الشاشه اللى عند العدادات مفيش فيها الكلام ده وشوف كلام باقى الاعضاء

كلام مظبوط

**medori** · 04-09-2013 10:48 PM

المشاركة الأصلية كتبت بواسطة m.basha

السلام عليكم كنت عايز اسال اللى معاه العربية الزجاج الامامى بينزل كله مرة واحدة بدوسة على الزرار و لا لاء و ثانى حاجة فى التابلوه بتاعها انا شوفت مؤشر البنزين كده زى شرط زى شحن الموبايل فهل بيكتب فى التابوه اللى باقى من البنزين بيمشى كام كيلو و لا ايه و شكرا

زى ما هيثم قال، هى مفيهاش وحدات رفع فبالتالى لازم تفضل دايس لحد لما تقفل أو تفتح زى ما انت عايز و لازم تقفل الازاز قبل ما تنزل من العربية

عداد البنزين digital فعلا و مفيهاش عداد حرارة و فى trip computer فى الhigh line بيوضح المسافة المتبقية و average & instantaneous consumption, trip distance، اعتقد انة مش موجود فى الفئات التانية

**medori** · 04-09-2013 10:50 PM

المشاركة الأصلية كتبت بواسطة ahmedshalaby

وانا عازم أزود سؤال فيه ناس بتقول ان فيها كروز كنترول اللي هو مثبت السرعة و ناس تانية بتقول مفيهاش و ممكن يتركب لها في التوكيل ب ٦٠٠ جنيه
باريت حد من الملاك يأكد لنا الكلام دا

هى مجهزة للكروز كنترول بس مش راكب فيها و بيركب فى التوكيل فعلا فى حدود 600 - 800 جم، لسة هتأكد من السعر بالظبط لما اروح التوكيل يوم السبت إن شاء الله

**amrelsaqqa** · 04-09-2013 11:00 PM

المشاركة الأصلية كتبت بواسطة medori

هى مجهزة للكروز كنترول بس مش راكب فيها و بيركب فى التوكيل فعلا فى حدود 600 - 800 جم، لسة هتأكد من السعر بالظبط لما اروح التوكيل يوم السبت إن شاء الله

ياريت يا باشا تسأل بقدر الامكان كل حاجة من اللى في الهايلاين ممكن تركيبها في البيزلاين ولا لا
يعنى مثلا المسند والمرايات الكهربا ومقابض الابواب او تجليدة البابين الاماميين كلهم لو لازم يتغيروا بالكامل ، والكاسيت البلت ان والسنسورز والفوج لايتس والسماعات والنيكل اللى ع الجوانب تحت الازاز ، وايه اللى ينفع يتركب وايه لا .. والاسعار طبعا :)

**medori** · 04-09-2013 11:20 PM

المشاركة الأصلية كتبت بواسطة amrelsaqqa

ياريت يا باشا تسأل بقدر الامكان كل حاجة من اللى في الهايلاين ممكن تركيبها في البيزلاين ولا لا
يعنى مثلا المسند والمرايات الكهربا ومقابض الابواب او تجليدة البابين الاماميين كلهم لو لازم يتغيروا بالكامل ، والكاسيت البلت ان والسنسورز والفوج لايتس والسماعات والنيكل اللى ع الجوانب تحت الازاز ، وايه اللى ينفع يتركب وايه لا .. والاسعار طبعا :)

ههههه حاضر يا عمرو، انا كان عندى حاجات كتير اصلا عايز اسأل عليها، كدة بقو كتير أوى، ربنا يكرمنى بس بمهندس استقبال يكون زوق عشان واضح كدة انى هزهقو فى عيشتو

**amrelsaqqa** · 04-09-2013 11:37 PM

المشاركة الأصلية كتبت بواسطة medori

ههههه حاضر يا عمرو، انا كان عندى حاجات كتير اصلا عايز اسأل عليها، كدة بقو كتير أوى، ربنا يكرمنى بس بمهندس استقبال يكون زوق عشان واضح كدة انى هزهقو فى عيشتو :c_laugh[1]:

يلا خليهم يشتغلوا ، مش هم اللى عايزين يبيعوا :d :d

هههههههه تسلم ياباشا ، معلش بنتقل عليك :)