الفرق بين بيجو 508 واسكودا

**adelsalama** · 26-08-2013 05:30 PM

يا جماعه ارجو توضيح الصوره عن تجربه انا والحمد لله كن بركب اسكودا جميه الفئات وبأكد جميع الفئات من A4 2006 الى suberp 2010 الكامله وفى مره شوفت البيجو 508 2013 واشتريتها اقسم بالله انى ماعملتش بيها اكتر من 1000 كيلو وبعتها وخسرت مبلغ محترم فيها على يوجد وجه مقارنه ابدا بين البيجو والسكودا غير ان البيجو تتفوق على السكودا فى option فقط لكن كعربيه وثبات وعفشه تحس انك راكب كده حتة ورقه مع احترامى لكل من بيحب البيجو بصراحه الفرق بينهم عامل كده زى الفرق بين النترا والسكودا او الباسات اكيد كده انتم فاهمين قصدى ايه واتحدى اى حد ساق البجو وقدر يتحكم فى العربيه البيجو على سرعه اكبر من 170 طبعا غير خفة وزن العربيه على الطريق بس لشهاده حق ماتورها جبار وقوة سحب وتسارع ممتازه بعد كده بقى ربنا يكون فى عون صاحبها وهناك بعض الاعضاء تمت مشاركتى معهم فى هذا الموضوع قبل ان اشترى 508

**Haitham G** · 26-08-2013 07:11 PM

انا راكب بيجو من ايام ال 504 اول مرة اسمع الكلام ده يمكن اقلهم ثبات عشان كانت GR مش GL مش كبالن ورا كنت بمشى بيها 160 ومعايا ال 405 كثبات مفيش حد يتكلم عليها وقفلت الأمبير ومعايا 308 وجبت بيها 215 وثبات اكتر من ممتاز هى بتبقى راحة نفسية للعربية و ان شاء الله لو حغير من بيجو حركب BMW او Mercedes و معرفش ايه المشكلة عند حضرتك بس انا ليا واحد معرفة ركب جميع انواع العربيات اللى تتخيلها ومعاه 508 دلوقتى بيشكر فيها جدا و اعرف واحد تانى معاه 307 هاتش باك ومعاه BMW الشكل قبل الحالى وقالى ثبات البيجو قريب قوى من BMW وليا واحد تانى صاحبى ركب عربيتى 308 هاتش باك وركب الفانتازيا وقالى زى بعض مفيش بينهم فرق فمينفعش انى اقول ال 508 ثباتها مش عارف ايه زى النترا حضرتك بتتكلم عن عربية اوربية مش لسة طالعة اول امبارح بلاش مبالغات يا جماعة

**koshakindnes** · 26-08-2013 09:22 PM

انا معيش العربية ال508 دى

بس بصراحة اول واحد اشوفوا يقول عليها كدا

دا كل الى الناس الى جبتها اكتر نقطه اكدت عليها اتزان العربية عالى جدا جدا جدا

والعربية مستحمله حتى ال hard drive

ممكن حرضتك بتقول بعتها على طول فا ماخدتش بالك منها كويس لان على ما اظن البيجو انعم من السكودا والله اعلم

**Ahmed Amin** · 27-08-2013 07:55 AM

أحنا معانا ناس هنا في المنتدي معاهم BMW 525 وباسات, وجابو بيجو 508 بعدها.
يعني مش جربو العربية 1000 كيلو بس زي مانت عملت وبتحكم عليها.!
وكلهم أأكدو أن العربية أدتهم نفس الراحة والثبات والأداء بتاع ال BMW والباسات ومفيش فرق ما بينهم,,

فمع أحترامي ليك كلامك غريب ومش منطقي, 505

ومعنديش شك إن ثبات ال 508 هيكون أقل خصوصاً إن عفشتها الخلفية Multi-link لو كان عندك علم بالموضوع دا,,
يعني مش زي الأوكتافيا اللي هيا torsion beam

وطبعاً بعد ما قريت عنها كويس أتاكدت أكتر من تجارب الناس المحترمين اللي جربوها معانا هنا ف المنتدي وأأكدو الكلام دا أنها ثباتها عالي,, وهيا حاجة مش محتاجة تأكيد,,

فأنت ممكن تبقي تقرأ أكتر عن نظام التعليق الخلفي بتاع الأوكتافيا وال multi-link بتاع البيجو وتعرف الفرق ما بينهم قبل ما تقول الكلام دا,, عشان يبقي الكلام منطقي بس.

**adelsalama** · 28-08-2013 06:12 PM

المشاركة الأصلية كتبت بواسطة koshakindnes

انا معيش العربية ال508 دى

بس بصراحة اول واحد اشوفوا يقول عليها كدا

دا كل الى الناس الى جبتها اكتر نقطه اكدت عليها اتزان العربية عالى جدا جدا جدا

والعربية مستحمله حتى ال hard drive

ممكن حرضتك بتقول بعتها على طول فا ماخدتش بالك منها كويس لان على ما اظن البيجو انعم من السكودا والله اعلم

العربيه ناعمه جدا وفعلا تستحمل hard drive بس فى السرعات العاديه بصراحه صاروووخ انا مش بعيب على الماتور او الفتيس انا بتكلم على الثبات فى حالة السرعه

**adelsalama** · 28-08-2013 06:13 PM

المشاركة الأصلية كتبت بواسطة Haitham G

انا راكب بيجو من ايام ال 504 اول مرة اسمع الكلام ده يمكن اقلهم ثبات عشان كانت GR مش GL مش كبالن ورا كنت بمشى بيها 160 ومعايا ال 405 كثبات مفيش حد يتكلم عليها وقفلت الأمبير ومعايا 308 وجبت بيها 215 وثبات اكتر من ممتاز هى بتبقى راحة نفسية للعربية و ان شاء الله لو حغير من بيجو حركب BMW او Mercedes و معرفش ايه المشكلة عند حضرتك بس انا ليا واحد معرفة ركب جميع انواع العربيات اللى تتخيلها ومعاه 508 دلوقتى بيشكر فيها جدا و اعرف واحد تانى معاه 307 هاتش باك ومعاه BMW الشكل قبل الحالى وقالى ثبات البيجو قريب قوى من BMW وليا واحد تانى صاحبى ركب عربيتى 308 هاتش باك وركب الفانتازيا وقالى زى بعض مفيش بينهم فرق فمينفعش انى اقول ال 508 ثباتها مش عارف ايه زى النترا حضرتك بتتكلم عن عربية اوربية مش لسة طالعة اول امبارح بلاش مبالغات يا جماعة

اولا حضرتك بتتكلم عند موديلات 504 و405 ديه موديلات يشهد لها الى الان انا مش بقول انها شبه النترا فى القياده انا بشبه فى المقارنه بنها وبين الباسات او سكودا وحضرتك كمتن بتقول تعرف حد يعنى مجربتش بنفسك علشان تقدر تحكم انا حددت عدم ثباتها فى حالة السرعه العاليه فقط ماقلتش ان عند 100او 120 بتعوم العربيه انا حددت موديل 508 على سرعة اعلى من 170 الي اتعود على قيادة الالمانى كويس يقدر يفهم كلامى كويس مع احترامى لجميع الاعضاء وياريت تقدر تقارن وتعرف الفرق بين صاج وتقل وقوة bmw و mercedes وبين فيبر البيجو وتجربة 1000 كيلو لا تعتبر فترة صغيره

**adelsalama** · 28-08-2013 06:38 PM

المشاركة الأصلية كتبت بواسطة LeitoSR

أحنا معانا ناس هنا في المنتدي معاهم BMW 525 وباسات, وجابو بيجو 508 بعدها.
يعني مش جربو العربية 1000 كيلو بس زي مانت عملت وبتحكم عليها.!
وكلهم أأكدو أن العربية أدتهم نفس الراحة والثبات والأداء بتاع ال BMW والباسات ومفيش فرق ما بينهم,,

فمع أحترامي ليك كلامك غريب ومش منطقي, 505

ومعنديش شك إن ثبات ال 508 هيكون أقل خصوصاً إن عفشتها الخلفية Multi-link لو كان عندك علم بالموضوع دا,,
يعني مش زي الأوكتافيا اللي هيا torsion beam

وطبعاً بعد ما قريت عنها كويس أتاكدت أكتر من تجارب الناس المحترمين اللي جربوها معانا هنا ف المنتدي وأأكدو الكلام دا أنها ثباتها عالي,, وهيا حاجة مش محتاجة تأكيد,,

فأنت ممكن تبقي تقرأ أكتر عن نظام التعليق الخلفي بتاع الأوكتافيا وال multi-link بتاع البيجو وتعرف الفرق ما بينهم قبل ما تقول الكلام دا,, عشان يبقي الكلام منطقي بس.

والله انا فاهم كلام حضرتك كويس جدا وعارف الفرق المقصود فى نوع العفشه كويس قوى لكن يا جماعة انا مش بعيب على العربيه لكى اجد الهجوم الجامد داه انا حددت نقاط معينه فى ظروف قياده معينه بمعنى حالات السرعه العاليه والمناوره وليس المقصود من كلامى السرعه العاديه او القياده الهادئه واتحدى اى شخص يقدر انه يقارن بين ثبات 508 و لbmw فى المناوره والسرعه ارجو ان يتم فهم المقصود من كلامى والى يأكد كلامى كميه العربيات المعروضه للبيع استعمال عندنا فى الاسكندريه معظم الى ركب 508 كان راكب سوبيرب او a5 لان التوكيل والموزع عندنا واحد ( نور الدين ) وهما نفس الاشخاص الذين عرضوا سيارتهم البيجو للبيع تانى بعد حاله الندم التى اصابتنا بعد النزول من اسكودا وللعلم البيجو فى القاهره ناجحه جدا بسبب ظروف القياده والزحام التى لا تتشابه مع طرق الاسكندريه وبالاخص طريق الكورنيش ومنحنياته

**Ahmed Amin** · 28-08-2013 06:57 PM

المشاركة الأصلية كتبت بواسطة adelsalama

والله انا فاهم كلام حضرتك كويس جدا وعارف الفرق المقصود فى نوع العفشه كويس قوى لكن يا جماعة انا مش بعيب على العربيه لكى اجد الهجوم الجامد داه انا حددت نقاط معينه فى ظروف قياده معينه بمعنى حالات السرعه العاليه والمناوره وليس المقصود من كلامى السرعه العاديه او القياده الهادئه واتحدى اى شخص يقدر انه يقارن بين ثبات 508 و لbmw فى المناوره والسرعه ارجو ان يتم فهم المقصود من كلامى والى يأكد كلامى كميه العربيات المعروضه للبيع استعمال عندنا فى الاسكندريه معظم الى ركب 508 كان راكب سوبيرب او a5 لان التوكيل والموزع عندنا واحد ( نور الدين ) وهما نفس الاشخاص الذين عرضوا سيارتهم البيجو للبيع تانى بعد حاله الندم التى اصابتنا بعد النزول من اسكودا وللعلم البيجو فى القاهره ناجحه جدا بسبب ظروف القياده والزحام التى لا تتشابه مع طرق الاسكندريه وبالاخص طريق الكورنيش ومنحنياته

هوا طبعاً الهجوم مش جاي من فراغ, ثبات الألماني مفهوش كلام ومحدش هيجادلك فيه,,

بس أنت مش جاي تقارنة بثبات عربية كوري عشان تقول الكلام دا اللي ممكن يقلق ناس كتير من العربية وأنت في الأساس مجرتش العربية غير 1000 كيلو متر فقط.!!!!!!

وطبعاً دا مش رقم يعتبر مقياس للتجربة, وسامحني بس أنا مش مقتنع أنك هتجيب بيجو 508 وتبيعها بعد 1000 كيلو,, بس دا رأيي الشخصي ومش بكذبك.!

فاللي أنا عايز أقوله أن عندك عربية زي ال 307 وهيا علي عفشة خلفية torsion beam
بتجيب 170 وبتبقي ثابتة زي الحجر علي الارض,, وممكن تجربها بنفسك مع حد أو هات حد بيركب ألماني طول عمرة وقوله قارن وهيقولك بنفسه أنو مش هيحس بفرق يذكر,,
ودا يرجع لأن تصميم ال torsion beam بتاع الأوربي غير الكوري, دي حاجة
والعربية كاوتشها عريض زي مخليها زي رجل البطة 205/55R16

نفس الكلام مع ال 406 وال 407 اللي عفشتهم الخلفية أفضل multi link زي ال 508 الجديدة, وزي ال BMW وال Mercedes
الناس بتجيب بيها 200 وكله بيقول إن ثبات العربية علي الأرض عالي, ومحدش محتاج يقول دا لأن العربية العادية بتجيب نفس السرعات وهيا ثابتة,, فأكيد المالتي لينك هيكون ثابت أكتر.

دلوقتي الناس اللي مالكة للبيجو 508 ومعروفة هنا في المنتدي, ومجربتهاش ل 1000 كم فقط زي ما حضرتك عملت, قالت ان العزل بس هوا اللي مش حلو أووي وأنك ممكن تسمع صوت هوا علي السرعات العالية فوق ال 150
بس محدش علق علي ثبات وأتزان العربية علي السرعات العالية, ولو كان في حاجة زي كانت قالت.

فعشان كدا أنا وباقي الناس اللي بتقول رأيها ومش بتهاجمك أن ال 1000 كيلو اللي حضرتك حكمت بيهم علي العربية مش مقياس,,
لأنك كدا بتتكلم زي اللي بيأجر عربية يوم أو أتنيم وينزل يقول دي وحشة ف كذا وكذا وكذا لمجرد أنو ركبها.!

وأخر حاجة اللي بتأكد لي أن كلامك مش منطقي, أنك مرة بتقول

انا مش بعيب على العربيه لكى اجد الهجوم الجامد داه انا حددت نقاط معينه فى ظروف قياده معينه بمعنى حالات السرعه العاليه والمناوره

وليس المقصود من كلامى السرعه العاديه او القياده الهادئه <<<

وبعدين تقول,,

وللعلم البيجو فى القاهره ناجحه جدا بسبب ظروف القياده والزحام التى لا تتشابه مع طرق الاسكندريه وبالاخص طريق الكورنيش ومنحنياته

هيا الناس بتمشي في أسكندرية علي سرعات عالية علي الكورنيش فوق ال 150 مثلاً عشان تقول وبالأخص كورنيش الأسكندرية ومنحنياته.!!

هوا الكورنيش بقي طريق سريع.! أو أحنا مش بنسوق عليه مثلاً.!!
ولا بتمشي علي السرعات العادية والقيادة الهادئة <<< اللي أنت ذكرتها من شوية في الأقتباس اللي قبل كدا,, واللي هيا حاجة معليهاش أعتراض منك ناحية العربية.!!

مع العلم أني أغلب وقتي في أسكندرية ومش من القاهرة,, وبجري علي الكورنيش,, والناس في القاهرة بتجري في طرق برضة زي صلاح سالم, الدائري, والمقطم ودا كله منحنيات.

وواضح كدا أنو موضوعك تسويقي للأسكودا,, أوتسويئ لسمعة ال 508
ودا اللي أنا حسيته من أول ما قريته,,

فأحب أقولك ربنا يوفقك,, سواء كنت قاصد دا أو لأ.
لأن تاني ال 1000 كم اللي أنت سقتهم مش مقياس للحكم علي العربية,
وأنا لو مكانك هعتبرها فترة تليين وتأقلم علي العربية, قبل ما تحكم علي العربية بالكلام دا.

تحياتي لك,