الموضوع: تجربة سيئة مع توكيل كلاريون بميدان سانت فاطيمة

المشكلة كالتالى
كاسيت السيارة الخاصة بى و هى اوبل فيكترا 2008 يعمل بكفاة كاملة بكل امكانياته و ازراره عدا زرار (بكرة) التحكم فى حجم الصوت حيث انه اوقات يعمل و اوقات لا يعمل (بيعلق) و لازم اسنده لفوق حتى يعمل بدون تعليق (بسنده حتى يعمل)
يوم السبت الماضى 07-09-2013 ذهبت لتوكيل كلاريون بشارع النزهة بميدان سانت فاطيما و قمت بتسليمهم الجهاز و سألت عن متوسط التكلفة فقالوا 190 جنيها تقريبا ( و هذا قبل بدأ التصليح اساسا) و بعد ساعتين قالوا انتهينا و عند التجربة مازال العيب كما هو بالظبط
طلبوا ان اتركه ليوم الاحد وافقت و رجعت يوم الاحد و قالوا انتهينا من تصليحه و عند التجربة نفس الكلام ( لسه بيعلق)
طلبوا اتركه للاثنين وافقت و ذهبت لهم يوم الاثنين و قالوا انتهينا منه و عند التجربة امام المحل كان شغال فدخلت و دفعت الفلوس و روحت ركنت و تانى يوم الثلاثاء الصبح بجرب لقيت نفس المشكلة بيعلق
بعد الشغل ذهبت مرة اخرى فطلبوا تركه ليوم الاربعاء للمرة الرابعة فرفضت و طلبت ما دفعته فرفضوا و الجهاز حتى الان بنفس العيب تماما بيعلق و مازلت اسند الزرار لفوق حتى يعمل
قوالوا لى نرجع الفلوس لما تجيب الكاسيت نأخذ منه قطعة!!!!!!!!!!!!!!!!!
أى قطعة؟؟؟؟؟ هو لو كان تم تغيير اى قطعة كنت رجعتلكم تانى ليه؟ حتى لو ركبته زرار صينى كان اشتغل على الاقل اسبوع بدون تعطل!!!!!
طبعا هذا هراء و كذب و اضح جدا و انتقام منى لطلبى المبلغ المدفوع
اولا العيب حتى الان زى ما هو بالظبط حتى فى نفس الطريقة اللى كنت بعملها عشان اعرف استخدم الزرار (لسة بسند الزرار لفوق)
ثانيا لو غيرت قطعة زى ما بتقول هل سيصادف ان تتكرر نفس المشكلة بالظبط فى القطعة الجديدة
ثالثا متى غيرت هذه القطعة؟ يوم السبت ام الاحد ام الاثنين ام الثلاثاء و هل تغير قطعة كل يوم؟ ام استبدلت القطعة القديمة بقطعة جديدة بتعلق بردوا!!!!!!! كلام غير منطقى و لا يصدقه احد
رابعا انت اعطيتنى السعر قبل حتى ان تعرف ما ستفعله بالجهاز( لأنه لا يهمه ما سيفعله اساسا بالجهاز و كل ما يهمه المبلغ)
خامسا من الواضح بعد اربعة ايام ما فعله هو تنظيف الزرار و ما حوله بتكلفة 190 جنيه
سادسا المكتوب فى الفاتورة صيانة وليس تغيير قطعة
سابعا انا دفعت 190 جنيها فقط و الفاتورة صادرة ب 209 و طبعا مش فارقة معاهم علشان هما كده كده لم يتكلفوا شىء
لذا ارسلت لحماية المستهلك للمساعدة فى استرداد المبلغ الذى دفعته بالكامل دون ان يأخذو شىء من الجهاز (و ذلك سيكون انتقاما منى طبعا) لانهم لم يغيروا شىء اساسا وهذا لأننى لن استطيع ان اثبت انهم اخذوا شيئا ليقوموا بتعطيل الجهازعن قصد

قمت بالشكوى لحماية المستهلك و بعتلهم الفاتورة بتاريخ 10-09-2013 و الكارت اللى لزقوه على الكاسيت يوم 7-9-2013

اسف للاطالة و فى انتظار ارائكم

يعني الراجل عايز القطعة بتاعته ويديك 190 جنيه
وماله
اديله القطعة بتاعته وخد فلوسك
اصلا الزرار كده كده بايز
يبقي بايز بالقطعة الجديدة ومعاهم فلوسك
ولا بايز بالقطعة القديمة ومعاك فلوسك