بالله عليكم أفيدونى بسرعة

**Hossam Elsabey** · 06-10-2013 09:55 PM

يارت يا جماعة تفيدونى

انا نفسى فى الاوبل فيكترا ونويت انى اشترى واحدة ان شاء الله الفترة دى
فمعروض عليا عربية 1600 سى سى موديل 99 مانيوال حالتها كويسة جدا ومطلوب فيها 52 الف
بس سالت واحد متخصص فى قطع غيار الاوبل قالى سعرها بالكتير يكون 42 الف

وفى عربية تانية نفس المواصفات برضو بس محتاجة سربنتينة تكييف ومروحة للتكييف ومطلوب فيها 46 وممكن تقع على 42 او اقل

انا مقلق من العربية التانية عشان حوار التكييف ده وياترى لو اخدتها وغيرت السربنتينة والمروحة الحوار ده هيكلفنى كام تقريبا وهل التغيير يبقى لازم يفك تابلوه العربية ؟؟؟

شاكر ليكم

**a_mokhtar** · 06-10-2013 10:10 PM

رأيي حاول تخلص في أول واحدة على 50
بالتوفيق إن شاء الله

**ayman hamdy** · 06-10-2013 10:29 PM

ياريت تفاصيل فبريكة ولا رشة كم كيلو التكييف شغال ولا لا اي بي اس شغال ولا لا
وكدا نقدر نقوللك السعر كويس ولا لا وعموما خليك فى الاولى بس السعر عالى دة سعر عربية فبريكة

**Amrgamal1** · 07-10-2013 12:22 AM

خليك في الاولي لو نضيفه علي 48 مثلا

بالنسبه للسربنتينه دي قدام في وش العربيه هتفك الاكصدام و المصفحه اللي بعد الاكصدام بس وهتلاقي المروحه و السربنتينه

**saddam** · 07-10-2013 12:44 AM

صديقي المواطن
قولا واحدا لو الثانية أنظف تاخد أم من غير تكييف وإنت تعملو على إيدك ومش حيكلف ومش حتفك طابلوه ممكن يفك جزء لغسل الكويل لقوة الهواء ولا تقلق التكييف جديد بالكامل بالتركيب مش حيزيد عن 3200.فإنت تصلح بتاعك بأقل من 2000 جنيه كمان
ودمتم للنضال

**Hossam Elsabey** · 07-10-2013 02:04 AM

المشاركة الأصلية كتبت بواسطة a_mokhtar

رأيي حاول تخلص في أول واحدة على 50
بالتوفيق إن شاء الله

الف شكر لردودكم جميعا

يا استاذ a_mokhtar

المشكلة ان المبلغ المطلوب مش معايا كله
بالاضافة لان كلام الراجل بتاع الاكسسوار ان العربية دى أخرها 42 الف هو اللى قالقنى أكتر ده بالنسبة للعربية الاولى

يا استاذ ayman hamdy

العربية فابريكة بس راشة نضافة عشان كده صاحبها طالب فيها 52
والعربية التانية راشة بره برضو .. وشايف سعرها مناسب بس زى ما قلت لكم اللى قالقنى موضوع فك التابلوه ... لو مش هيفك التابلوه عشان يغير سربنتينة التكييف ومروحة التكييف يبقى تمام ..

aldesha989

ماهو يا باشا عشان كده انا انضميت لمنتداكم عشان استفيد من خبرات كافة الاعضاء فى اى مشكلة او فى الاختيار

saddam
لو فعلا مش هيفك التابلوه زى ما حضرتك بتقول يبقى ان شاء الله هتبقى اللى تكييفها مش شغال

**Hossam Elsabey** · 07-10-2013 02:07 AM

طيبي استفسار تانى يا جماعة

لو حبيت أكشف على العربية قبل ما أخدها أروح بيها فين عشان أكشف عليها
علما بانى مش من القاهرة ومش عايز اسافر اكشف عليها فى البلد وتطلع فيها حاجة ماخدتش بالى منها
ياريت تنصحونى بمركز متخصص يكون قريب من وسط البلد المكان اللى بنزل فيه يعنى العتبة وكده

وياترى ايه اللى هيكشفوا عليه فى المركز والتكاليف تقريبا هتكون كام؟؟

**romiobasha** · 07-10-2013 02:52 AM

المشاركة الأصلية كتبت بواسطة hossamelsabey

الف شكر لردودكم جميعا

والعربية التانية راشة بره برضو .. وشايف سعرها مناسب بس زى ما قلت لكم اللى قالقنى موضوع فك التابلوه ... لو مش هيفك التابلوه عشان يغير سربنتينة التكييف ومروحة التكييف يبقى تمام ..

هو ايه علاقة التابلوه بالسربنتينه يمكن تقصد "التلاجه"
لو تلاجه غيرناها قبل كده فى فكترا من غير ما نفك التابلوه

**Hossam Elsabey** · 07-10-2013 07:09 AM

المشاركة الأصلية كتبت بواسطة romiobasha

هو ايه علاقة التابلوه بالسربنتينه يمكن تقصد "التلاجه"
لو تلاجه غيرناها قبل كده فى فكترا من غير ما نفك التابلوه

انا ما اعرفش بصراحة اماكن اجزاء دورة التكييف بتبقى فين فى العربية فعشان كده سألتكم

ولو تسمح توضحلى الفرق بين التلاجة والسربنتينة يبقى جزاك الله خيرا

-

الموضوع: بالله عليكم أفيدونى بسرعة

LinkBack

أدوات الموضوع

عرض

-

-

-

المواضيع المتشابهه

مقارنة شاملة بين وحوش أوروبا ..أفيدونى بالله عليكم

بالله عليكم أفيدونى فى مروحة الفورد

بالله عليكم أفيدونى فى مشكلة كبيرة فى شراء أوبترا 2008

أفيدونى بالله عليكم بخصوص فيرنا 1600cc

بالله عليكم أفيدونى فى الأكسنت 2000

الكلمات الدلالية لهذا الموضوع

المفضلات

المفضلات

ضوابط المشاركة