استفسار عن تقسيط 301 مباشر من المعرض

**captianyamany2** · 12-09-2013 01:03 PM

السلام عليكم ورحمة الله وبركاته -
انا كنت عايز اسال عن معرض يقسطلي ال301 مباشر بدون دخول بنك
ياريت لو حد يقدر يفدني لاني دخت من التدوير علي معرض-----------وجزاكم الله خيرا

**lidosasa** · 12-09-2013 01:41 PM

أعتقد والله أعلم إن مفيش معرض بيقسط مباشرة كل التقسيط يتم عن طريق البنوك لكن كل الحكاية إن فيه معارض بتجمع هى الأوراق المطلوبة وتمضيك عليها وتبعتها البنك اللى بتتعامل معاه لإكمال الإجراءات ولكن أنا شايف إن الأفضل هو إختيار البنك اللى شروط التقسيط مناسبة لحضرتك وبعدها تجيب عروض أسعار وتكمل الإجراءات من أى معرض
أقل البنوك فى سعر الفايدة وأطول فترة سداد تصل ل 7 سنين ونص هو بنك ناصر الإجتماعى ولكن شروط الإقراض صعبة ولازم ضامن وتحويل مرتب الضامن ومفيش صراف آلى فى البنك وحتدوخ كل شهر عشان تصرف المرتب منه

**M I D O** · 12-09-2013 03:32 PM

صعب تلاقي تقسيط مباشر

**lidosasa** · 12-09-2013 11:24 PM

المشاركة الأصلية كتبت بواسطة hdabawy

شركة كونتاكت فيها نظام التقسيط الاسلامى والنظام ده الشركة بتشترى العربية من المعرض وبعدين تديهالك بالتقسيط
وانا اتعاملت معاها فى عربيتى من 4 سنين وحتى الآن بادفع القسط وفاضللى سنة
واجراءاتها بسيطة جدا وكمان نظام التقسيط الاسلامى دة لا يشترط التأمين على العربية لكن انت عاوز تأمن ده براحتك
العيب الوحيد فى النظام ده ان الفائدة عالية عن البنوك
وكمان لو حبيت تدفع القسط الباقى عليك مثلا سنة بتدفع قيمة القسط لهذه السنة بدون خصم الفوائد
لكن الشركة محترمة جدا ومعاملتهم عشرة على عشرة
وربنا يوفقك لما فيه الخير

وبالنسبة للضمانات بيحتاجوا ضامن ونقل مرتب والكلام ده
ياريت حضرتك تنقل لينا التجربة بالتفاصيل لو تكرمت ونكون شاكرين لمجهودك

**S.Hasan** · 13-09-2013 01:28 AM

المشاركة الأصلية كتبت بواسطة captianyamany2

السلام عليكم ورحمة الله وبركاته -
انا كنت عايز اسال عن معرض يقسطلي ال301 مباشر بدون دخول بنك
ياريت لو حد يقدر يفدني لاني دخت من التدوير علي معرض-----------وجزاكم الله خيرا

معارض عبد اللطيف جميل

**محمود الحنيف** · 20-09-2013 07:26 PM

المشاركة الأصلية كتبت بواسطة hdabawy

لأ ما فيش ضامن بتجيب مفردات مرتب من جهة العمل (عام أو خاص) وبياخدو بياناتك وبتدفع 100 جنيه استعلام وبيجي مندوب من الشركة يقابلك وبيسأل شوية اسئلة روتينية مثلا عند دخل خاص غير العمل الزوجة ان كنت متزوج بتعمل طيب مرتبها كام وهكذا
وبرده مافيش نقل مرتب هم بيبعتوك لبنك معين ولأقرب فرع ليك بتفتح حساب بإسمك ويسلموك دفتر شيكات وبتروح كل شهر تودع القسط فى حسابك فى البنك ده والقسط بعد كدة بيتحول لحساب كونتاكت
الشيكات بقى انت بتمضى على شيكات حسب القسط يعنى انا مثلا مضيت 10 شيكات بمبلغ مجموع القسط والقسط على 60 شهر وكل 6 شهور من دفع الاقساط بروح الشركة آخد شيك ومع نهاية الاقساط بتاخد آخر شيك
بس فيه نقطة ناس كتير ما بتحبهاش وهى انك بتعمل توكيل لشركة كونتاكت بس انا شايف ان الموضوع ده عادى لأن الشركة فى الآخر بتضمن حقها وعند سداد الأقساط كلها خلاص بيتلغى التوكيل
فيه بعض البنوك بتاخد نسخة من مفتاح العربية لكن كونتاكت مابتعملش كدة
وطبعا الرخصة بتبقى بإسمك لكن عليها حظر بيع لغاية ما تدفع الاقساط
ولم ترخص العربية الترخيص بيكون سنوى ........ اول مرة لما تستلم العربية بيروح معاك مندوب بيخلص الترخيص بعد كدة كل سنة بتروح فرع كونتاكت وبتاخد جواب ترخيص وترخص انت العربية
وفروع كونتاكت فيه فرع فى الزمالك وفرع تانى فى اول مصر اسكندرية الصحراوى قبل البوابات على الشمال
وأى استفسار انا فى الخدمة