الموضوع: حجز بيجو 301

مش عارف الصراحة ليه موضوع الحجز بس ده موجود في عربيات كتير ، والنيسان صنى اللى نازلة قبلها بسنة عليها حجوزات برضه

بالنسبة لعيوب الصناعة اقدر اقولك بكل ثقة العربية خالية من العيوب ومفيهاش اي حاجة

هى عربية حلوة جدا واقتصادية واسعار قطع غيارها مناسبة بالمقارنة بسيارات كتير
وطبعاً اكيد قبل ما اى حد بيشترى سيارة لازم بيستفسر على قطع غيارها بالاضافه لمراكز الخدمة وخدمات الطرق السريعة والاوناش
لان كل الحجات ده بتكون مهمه وعلى اساس الكلام ده بنبتدى نفكر فى الاوبشن اللى السيارة والكاتيجرى

فطبعا لو حابب تعرف اكتر عن ال 301 من مهندس مختص فى مراكز خدمة رئيسية من خلال المهندس المختص هيقدر يوضحلك كل حاجه عن السيارة او اى سؤال تكينكال

- كلم مركز خدمة غمرة واطلب منهم انك تتواصل مع مهندس مختص عشان محتاج تستفسر منه على شويه بيانات تمام

مركز خدمة غمرة
رقم 114 ش الخليج المصري , غمرة .
02 24824647/24857684
مواعيد العمل من 8,30 ص الى 4 م . ماعادا يوم الجمعة بيكون اجازة

ومبروك مقدما على السيارة :)

مشكور مشكور :)

mahmed0100 العفو العفو :) :)

ازيكو ياجماعه يارب تكونوا بخير
اولا انا بحييكم ع المجهود الجبار وربنا يكرمكوا يارب
ثانيا دي تاني مشاركة ليا في المنتدي تقريبا وهبقي موجود معاكم ان شاء الله بااستمرار بعد ما بقبت في نادي بيجو 301 رسميا النهارده :d
انا حجزت النهارده 301 وهعمل تقرير صغير كدا ع قدي عن انطباعاي عنها وهنزله النهادره ان شاء الله عشان انا لسه راجع دلوقتي من التوكيل ع مارتاح واكتبه :d

مبدئيا انا رحت المركز الرئيسي اللي في صلاح سالم الفئات اللي كانت هناك المانوال والبيزلاين والهايلاين.
انا كنت نازل اصلا متردد شويه وكنت رايح اجيب لانسر شارك 2014 اول فئى ب 137000 او نيسان صني 2014 الشكل القديم ex نزلت طبعا ع نيسان الاول ولما شفت العربيه ع الطبيعه وتجهيزاتها الفقيره جدا يعني اوتوماتيك وايرباج واحد للسواق وفرش قماش وطاسات اخدت قرار وقتي برفضها واستبعادها 90% وال 10% دول بحيث اني ممكن ارجعلها تاني ومشيت خرجت ع اللانسر شارك طبعا الفئة الاولى سيئة التجهيز جدااا وكمان من غير اسبويلر ف خلي شكلها وحش والنقطه الاهم السعر عالي اوي 137 بالنسبة للتجهيز الفقير دا وبصراحه مش مقتنع بيها اصلا ..
المهم خرجت بقي ع خط سيري الاخير 301 وانا رايح متردد شويه وحاسس اني بردو هطلع من هناك ايد ورا وايد قدام دخلت التوكيل وقعدت مع الموظف بصراحه مقابله كويسه وناس كويسه ودخلت افحص العربيه حته حته.. بصراحه من اول نظره بس عليها حسيت اني اخدت القرار ان هي دي ولسه حتي مفتحتهاش ولا لفيت حواليها .. بدات بقي القي نظره متفحصه للشكل الخارجي من قدام والجنب وورا اقل حاجه تقولها روووووووعه وشكلها ع الطبيعه يختلف كتير عن الصور واجهه مميزة جدا جدا بشبك عريض وعلامة بيجو وفتحات تهوية وتناسق مع حجم وجسم العربيه الجنب بقي ممتاز جدا انسيابيه جيده وتصميم هادئ وحيوي في نفس ومحدش يسئلني ازاي عشان مشعارف الشنطه والضهر بصراحه كنت مسترخمه في الصور بس الطبيعه اختلفت كتير ..نيجي بقي للشغل التقيل الداخل انا في اعتقادى الشخصي مفيش عربيه في السوق كله من نفس الفئة بالجمال والهدوء واناقة التصميم والارتياح من دخلتك المقصوره قعدت ع كرسي السواق وقفلت الباب وظبطت الكراسي ع قعدتي وكنت حاسس اني فعلا قاعد في عربيه مختلفه اوروبي بمعني اصح (خصوصا اني قارنت بالشارك والصني ) الصالون واسع جدا وقعدة الكراسي اللي قدام مريحه جداا وتحس انك اتمكنت من العربيه (مع اني مسوقتهاش) الطابلوه جميل جدا مع العدادات وشاشه عرض المعلومات اللي في نص التابلوه وباقي التابلوه منظم ورائع جدا الصراحه .كرسي السواق بصراحه مريح جدا وبصيت ع اجناب العربيه من قدام كنت حاسس انها بعيده او مش شايفها يمكن عشان الشمس كانت ضاربه في عيني او لسه مسوقتهاش ف متعودتش عليها يعني طبعا شغلتها وشغلت التكيف ع اعلي درجه كنت الساعه 2 الضهر وكان اكتر من ممتاز برغم مشاركات الاعضاء اللي بيأكدوا انه بيتحسن بعد 3000 كيلو (مش فاهم هيتحسن اكتر من كدا ولا قصدهم ايه) ماعلينا ..
نزلت طبعا من قدام وقعدت ورا وكان معايا صحبي قعدنا ورا احنا الاتنين وكنا مرتاحين جدا ورجلينا مفروده وفعلا العربيه واسعه بطريقه غريبه..بالنسبه للخامات والتقفيل فبصراحه قررت اني انسي بقي حاجه اسمها ياباني وكوري ..فعلا الاوروبي اوروبي ..
الشنطه بقي ماشاء الله حجمها مش طبيعي من كبرها مش فاهم يعني ام المهندس اللي مصممها وسعها اوي كدا ليه بجد واسعه بااعجوبة اعتقد ان طولها متر كامل وعرضها كذلك مع انه كان ممكن يصغر مساحع الشنطه شوية ويكبر الصالون اكتر وساعتها كان هيبقي انتريه :D
صاج العربيه قوي وجدا ومتين والدهان ممتاز وكل الوانها روعه بصراحه بصراحه لدرجة اني اصلا كنت رايح مستبعد 3 الوان وبفضل 3 تانين لما شوفتهم ع الطبيعه عكستهم بقي :D بتحصل بتحصل :D
حجزت الاسود اول لون والبترولي والفيراني ..الفئة المانوال ب 107900 دفعت حجز 10000 ولو اني كنت هموت واجيب الهاي لاين بس اضطريت اجيب المانوال عشان والدي مش بيحب الاتوماتك ومش متعود عليه (معلش بكره يعرف غلطته):D
طبعا الفئات الاعضاء مشكورين جدا اتكلموا بالتفصيل الممل فمش هحكي فيه..كمان العربية عاليه عن الارض افتكر 16.6 والاكصدامات اللي ورا واللي قدام عاليين اكتر من البدي نفسه كمان..
كمان اخدت ورقه بااسعار قطع الغيار
فلتر هواء 50
فلتر بنزين 40.5
فلتر زيت 48
فلتر تكييف 134
ذراع ميزان امامي 85
تيل خلفي 550
طقم دواسه 354
اكصدام امامي 2230 خلفي 1845 (متهيالي غاليه شويه)
برابريز امام 998
مرايه كهربا 624 زجاج المرايه 66
مساعد خلفي 239
فانوس خلفي شمال او يمين 591
كشاف شمال 1274
طنابير امامي 636
مارش 1204
بوجيه 33
غماز رفرف 22
طلمبة بنزين 788
طقم كاتينه 481
كبوت 2333
بلية مجموعه 494
كصدام امامي 2230
تيل امامي 424
في النهاية هقولكم والله انا من اول بصه ع العربيه وانا قررت اني هاخدها ان شاء الله وارتحت من ام الحيره اللي كنت فيها بصراحه تستاهل سعرها بالنسبة لامكانياتها وشكلها وتجهيزاتها حتي الفئه الهاي لاين تستاهل 135000 وروعه وان شاء الله تنجح في السوق وتاخد الشو من عربيات كتير ..
انا هستلم في حدود شهرين ان شاء الله .ادعولي:)
اعذروني لو في اي اخطاء وربنا يبارك لاي حد فيها ويكفيه خيرها ويجنبه شرها

اعذروني لو في اي اخطاء وربنا يبارك لاي حد فيها ويديله خيرها ويجنبه شرها
:d :d :d :d :d