الموضوع: الحمد لله انا جبت 128 خلاص ودى اول عربية ليا .. محتاج نصايحكم ضرورى

والله ياباشا انا من النوع المحازواق اوووي
يمكن حكم شغل الواحد كجراح ( فى مقتبل الطريق يعنى ) بيخلينى اركز فى الحاجات البسيطة دى

بصراحة انا مش عاجبنى الفتيس الطويل ده بجد وحش جدااا
وكمان مضايقنى فى الغيارات يعنى الاول والتانى دايما بيحك فى رجلى وانا بنقل فبحس انه تقيل مع العلم لما ببعد رجلى بيكون سلس جدا
طيب الحاجات دى عشان اغيرها اروح فين ( معلش لانى زيرو لسه )
يعنى اروح لمحل اكسسوارات ولا لحاجة تانية زى ميكانيكى مثلا او سنكرى او سروجى او كده !!!!!!!

سؤال كمان يا جماعة

هو دركسيون ال 128 بيتسنكر ؟؟؟ ولو اه ياترى ازاى احسن انا كنت بقرا فى موضوع كده ولااقيته كاتب ان ده بيأثر على قفلان الدركسيون

تانى حاجة فيه من ضمن الزراير كده جنب الدركسيون زرار مرسوم عليه مروحة لما بشغله مبيعملش اى حاجة ده بتاع ايه بالظبط ؟؟

لو عايز اركب حزامين امان ده فى محلات الاكسسوار برضه ولا فين ؟؟ وبكام ؟؟

للاسف انا فى الشرقية تحديدا ديرب نجم ... طنطا من عندنا ساعة الا ربع مش بعيدة يعنى .. :d :d

وشكرا بجد على ردك واهتمامك وباذن الله هحاول اروح محل اكسسوارات فى الزقازيق واشوف الدنيا فيها ايه

المشاركة الأصلية كتبت بواسطة moury

سؤال كمان يا جماعة

هو دركسيون ال 128 بيتسنكر ؟؟؟ ولو اه ياترى ازاى احسن انا كنت بقرا فى موضوع كده ولااقيته كاتب ان ده بيأثر على قفلان الدركسيون

تانى حاجة فيه من ضمن الزراير كده جنب الدركسيون زرار مرسوم عليه مروحة لما بشغله مبيعملش اى حاجة ده بتاع ايه بالظبط ؟؟

لو عايز اركب حزامين امان ده فى محلات الاكسسوار برضه ولا فين ؟؟ وبكام ؟؟

الدركسيون بيتسنكر عادى جداً
بتبطل العربيه وتشيل المفتاح من الكونتاكت وتلف الدركسيون يمين هتلاقيه اتسنكر
مسنكرش يبقى تلفه شمال هيتسنكر
الزرار اللى عليه رسمةا لمروحه ده لتشغل مروحة بتدخلك هوا جوه العربيه وطالما مش بيعمل حاجه
يبقى ياما المروحه مش موجوده ياما مش متوصل كهربائيا وكده كده هوه ملوش لزمه اوى

انما فيه زرار تانى مهم وهوه موجود تحت علبة الفيوزات على ايدك الشمال وده وظيفته ان العربيه لو سخنت ممكن انت تشغل المروحه بايدك قبل ما تشتغل مع الترموستات
وحزام الامان هتلاقيه عند بتوع الاكسسوارت وهتركبه عادى جدا عند اى سروجى او ركبهم بنفسك هوه مكان تقبهم موجود ومتفرغ فى الموكيت بتاع ارضيه السياره
وبالتوفيق

جبتها بكام يا باشا

المشاركة الأصلية كتبت بواسطة amr011111

الدركسيون بيتسنكر عادى جداً
بتبطل العربيه وتشيل المفتاح من الكونتاكت وتلف الدركسيون يمين هتلاقيه اتسنكر
مسنكرش يبقى تلفه شمال هيتسنكر
الزرار اللى عليه رسمةا لمروحه ده لتشغل مروحة بتدخلك هوا جوه العربيه وطالما مش بيعمل حاجه
يبقى ياما المروحه مش موجوده ياما مش متوصل كهربائيا وكده كده هوه ملوش لزمه اوى

انما فيه زرار تانى مهم وهوه موجود تحت علبة الفيوزات على ايدك الشمال وده وظيفته ان العربيه لو سخنت ممكن انت تشغل المروحه بايدك قبل ما تشتغل مع الترموستات
وحزام الامان هتلاقيه عند بتوع الاكسسوارت وهتركبه عادى جدا عند اى سروجى او ركبهم بنفسك هوه مكان تقبهم موجود ومتفرغ فى الموكيت بتاع ارضيه السياره
وبالتوفيق

تسلم ياباشا يارب معلومات قيمة
بس انا عملت زى ما قولت متسنكرش ولا حاجة للاسف هل ده محتاج حاجة معينة تتظبط ولا ايه ؟؟
المروحة انا لما بفتح الكبوت فيه فعلا مروحة موجودة تحت الازاز قصاد الكرسى اليمين علطول غير مروحة الرادياتير طبعا بس لما بشغل المفتاح مبتدورش ممكن مش متوصلة كهربائيا

بالنسبة للزرار التانى المهم ده
هو يعنى ايه اصلا علبة الفيوزات ووظيفتها ايه والمفتاح اللى انت تقصده اللى بيشغل مروحة الرادياتير موجود عندى تحت زرار المروحة اللى قولتلك عليه فوق وفيه لمبة صفرا صغيرة كده بتنور لما المروحة بتشتغل وممكن اشغلها منه هو ده الزرار اللى بتتكلم عليه ولا انت قصدك على واحد تانى ؟؟؟

وشكرااااااااا