الموضوع: الحمد لله انا جبت 128 خلاص ودى اول عربية ليا .. محتاج نصايحكم ضرورى

الف مبروك

انا لسه شاري فيات 128 مو 75 زيك بس السيارة كشكل تحفه لكن بتاكل بنزين بصراحه والعفشه تعبانه ادي الله فيها رحت عملت البنزين يعتبر ظبطت شويه ولسه العفشه المهم انصحك بلاش تغير شكل الفوانيس انا شايف ان الفوانيس المدورة شكلها حلو واشيك من المربع دي حاجه لو حليت مشكله القنصله أمانه عليك تصورها وترفعها ومعاها عصايه الفتيس لان مش انت بس اللى مضايق منها وانا قرفان منها بجد ....والف مبروك والله يعطيك خيرها ويكفيك شرها

والله ياباشا انا كنت عند عفشجى انهاردة عشان يظبطلى الفتيس الفتيس كان معوم خالص قالى عايز يتحشى .. المهم جبتله حشو فتيس وروحت انهاردة عشان اركبه لاقيته قالى ده العصاية بتاعتك طلعت كبس مش ينفع تتحشى لازم كده نغير عصاية الفتيس كلها
لفيت عليها انهاردة فى ديرب نجم كلها ملاقيتش ودى مركز فى الشرقية ان شاء الله هجيبها من الزقازيق
بس انا مش عارف هتتكلف كام بالظبط والاحسن جديدة ولا استيراد ؟؟
هو قال هيقصر العصاية شوية بالمخرطة وهجيبلها كسوة فتيس هتخلى شكلها حلو والقنصله دى قال ملهاش دعوة بالفتيس دى هتشتريها وتركبها عند سروجى او سنكرى عادى خالص
لو عملت الحكاية دى هصورهالك ان شاء الله والف مبروك عليك العربية يا جميل واهلا بيك فى منظومة ال 128
وواضح انك مزاجنجى زيى يعنى هنعرف نظبط سوا شوية حاجات .. هو حضرتك من فين ؟

كويس انك من الزقازيق لان واحسن ناس بتوع ديرب نجم وزوقهم عالي قوي فى ميكروباصات تويوتا انا من ههيا من الشرقيه باردو واقولك على شارع فى الزقازيق تنزله كله بيجو وفيات ودايو جديد وقديم المهم الشارع اسمه وادي النيل موجود جمب كليه الزراعه ممكن تروح بالعربيه او مواصلات تركب سرفيس وينزلك كوبري الزراعه خلي الكوبري فى ظهرك مفيش حجات بسيطه شارع على يمينك وعيش وياريت تحكيلي عملت ايه .

تمام ياباشا كده فلة اووى
على فكرة انا دكتور جراحة فى مستشفى الاحرار لو احتجت اى حاجة

بالنسبة للشارع انا اول مرة اسمع عنه انا غالبا بشترى من ديرب او من السنبلاوين لقربهم طبعا

خاصة انى لسه مبنزلش بالعربية الزقازيق عشان لسه بدور على حد كده ياخد فلوس ويخلصلى رخصة قيادة خاصة من مرور ديرب ..

الله يقويك وتخلص المرور لان بصراحه ارخم حاجه ورق المرور وعلي فكرة شارع وادي النيل مشهور جدا بس الله يكفيك شر مشاكله