تقرير بالتفصيل الممل عن الفلوانس 2014

**Hany Saad** · 17-10-2013 03:21 PM

المشاركة الأصلية كتبت بواسطة ramymechanics

متشكر يا كبير اللى فاضل بس انى اعرف ادخل على setting بتاع العربية عشان اظبط الليدات والسنتر يقفل اوتوماتيك مع الحركة كان فيه اخ فاضل قال دوس على زرار setup لمدة 3 ثوانى هتظهرلك قايمة وأما دست لقيته جاب معلومات قناة الراديو اللى شغالة معرفتش ادخل على المنيو بتاعة ال setup لو عرفت تقولى تبقى برنس

بص أنا محتاج أجرب فى الفلوانس نفسها و أرجع لك تانى بس مبدئيا كده و على ضؤ خبرتى البسيطة أطفى الكاسيت و أنت بتعمل موضوع ال setup....جرب و قولى.....

**S.Hasan** · 19-10-2013 02:42 AM

ربنا يباركلك فيها ويديك خيرها ويكفيك شرها

**rumish** · 19-10-2013 06:46 PM

ياباشا اضغط مرتين ورا بعض على الزرار اللى فى المقبض بتاع الباب الازاز هيرفع و المرايات هتضم والسنتر هيقفل

**aiamer** · 19-10-2013 10:56 PM

المشاركة الأصلية كتبت بواسطة Meggieboy

بص أنا محتاج أجرب فى الفلوانس نفسها و أرجع لك تانى بس مبدئيا كده و على ضؤ خبرتى البسيطة أطفى الكاسيت و أنت بتعمل موضوع ال setup....جرب و قولى.....

انا اقولك يا باشا التحكم في الليدات و اللوك مش من الكاست انت عارف دراع المساحه في زراير اسهم في لما تقلب بيهم هتلاقي متوسط الاستهلاك و الحجات دي افضل اللب لحد متلاقي ا sittings دوس دوسه طوىله هتلاقي ال beam light & autolock
اتمني تكون فهمت مني حاجه اصلي مش بعرف اشرح بس لو مفهمتش الطلاسم بتعتي دي ممكن نتكلم و اوصفلك اسهل و انت اكتب للناس

**EngAhmed13** · 19-10-2013 11:36 PM

دوس مرتين قفل بينهم ثانيتين هتقفل الزجاج والمرايات والنور انا جرببتها النهاردة في سمير ريان

**ibrahim zaki** · 21-10-2013 07:41 PM

مبروك لكل من اشتري العربية الفلوانس الجديدة و ربنا يبارك و يحفظكم من كل شر.

اية اخبار الثبات علي السرعات العالية(فوق 160)؟
العفشة اخبارها اية؟ ولا لسة محتاجة شوية وقت علشان تبان؟!
المطبات و التكسير في الطرق بتحس بية اوي و لا لا؟
حجمها الكبير مريح في القيادة وسط الزحام ولا غلس؟
الترخيص بالستاير سهل ولا بيغلسوا؟
الي اشتري اول فئة ب فتحة سقف شايف ان الفرق الي دفعة مقارنة بالفئة الي قبلها مباشرة يستاهل ولا لا؟
اية وسائل الامان ضد السرقة؟ (اصل انا للأسف اتسرقت عربيتي من تحت البيت و متعقد- ربنا يكتبلي الخير و الاقيها)
اية الانطباع لو حد كان معاة النترا قبلها؟

و شكرا جدا مقدما....

**ramymechanics** · 21-10-2013 11:03 PM

أنا حابب بس أنقل لكم أول تجربة سفر بالفلوانس بتاعتى للعين السخنة فى العيد ... مبدئيا أنا كنت مفول التانك قبلها بيومين وعملت مشوارين بعد كدة سافرت .... مبدئيا الشنطة شالت عربية بيبى وصندوق أكل وشنطة سفر وسط وشنطة صغيرة وشنطتين بلاستيك أكل ولحاف فايبر كبير متطبق ... كنا فالعربية 3 كبار وطفلين 8 سنين و 2 بيبى ... وأنا رايح مثبت السرعة على 120 كم/ساعة وفى آخر 50 كيلو على 130 عشان ألحق صلاة الجمعة الملفت فى الفتيس دة أن على 120 كان ال rpm بيلعب من 2100 ل 2800 حسب الطريق بيطلع وبينزل وأحسن رقم شفته فالكمبيوتر ﻷستهلاك البنزين كان 13.5 كيلو لكل لتر ... فى الرجوع الهوا كان شادد جامد وأنا مثبت على 120 أحسن رقم شفته ثابت كان 12.6 كيلو لكل لتر أم روحت فولت التانك خد نفس قراءة اﻹستهلاك الديجيتال بالمللى 26.8 لتر كنت عامل بيهم 348 كيلومتر يعنى متوسط استهلاك 12.9 كيلو لكل لتر ... الثبات ما شاء الله ممتاز بس وانا راجع مع تيارات الهوا العكسية أما كانت عربية كبيرة بتعدى جنبى كانت العربية بتتهز بس مش بتحدف ... مع العدد الى كان فالعربية محدش اشتكى من القعدة خالص والناس الى فالكنبة ورا فاردين رجليهم ومبسوطين ... دة انطباع بسيط عن السفر بيها

**mohammedgido** · 23-10-2013 05:37 PM

المشاركة الأصلية كتبت بواسطة ramymechanics

أنا حابب بس أنقل لكم أول تجربة سفر بالفلوانس بتاعتى للعين السخنة فى العيد ... مبدئيا أنا كنت مفول التانك قبلها بيومين وعملت مشوارين بعد كدة سافرت .... مبدئيا الشنطة شالت عربية بيبى وصندوق أكل وشنطة سفر وسط وشنطة صغيرة وشنطتين بلاستيك أكل ولحاف فايبر كبير متطبق ... كنا فالعربية 3 كبار وطفلين 8 سنين و 2 بيبى ... وأنا رايح مثبت السرعة على 120 كم/ساعة وفى آخر 50 كيلو على 130 عشان ألحق صلاة الجمعة الملفت فى الفتيس دة أن على 120 كان ال rpm بيلعب من 2100 ل 2800 حسب الطريق بيطلع وبينزل وأحسن رقم شفته فالكمبيوتر ﻷستهلاك البنزين كان 13.5 كيلو لكل لتر ... فى الرجوع الهوا كان شادد جامد وأنا مثبت على 120 أحسن رقم شفته ثابت كان 12.6 كيلو لكل لتر أم روحت فولت التانك خد نفس قراءة اﻹستهلاك الديجيتال بالمللى 26.8 لتر كنت عامل بيهم 348 كيلومتر يعنى متوسط استهلاك 12.9 كيلو لكل لتر ... الثبات ما شاء الله ممتاز بس وانا راجع مع تيارات الهوا العكسية أما كانت عربية كبيرة بتعدى جنبى كانت العربية بتتهز بس مش بتحدف ... مع العدد الى كان فالعربية محدش اشتكى من القعدة خالص والناس الى فالكنبة ورا فاردين رجليهم ومبسوطين ... دة انطباع بسيط عن السفر بيها

ماشاء الله .. ربنا يباركلك فيها
طيب اخبارها ايه في المطبات وخصوصا وانت محمل عدد اشخاص كامل بالغين
هل بتحك ولا بتعدي مستريحة ولا لازم تاخد المطب بالعرض

**ramymechanics** · 23-10-2013 06:32 PM

المشاركة الأصلية كتبت بواسطة mohammedgido

ماشاء الله .. ربنا يباركلك فيها
طيب اخبارها ايه في المطبات وخصوصا وانت محمل عدد اشخاص كامل بالغين
هل بتحك ولا بتعدي مستريحة ولا لازم تاخد المطب بالعرض

ياباشا مع الفلوانس اننسى كلمة مطبات بالعرض دى نهاااائى ... القرية الى كنت فيها فالسخنة فيه مطب كنت معدى عليه وقدامى سيراتو معدى جنبى على نفس المطب أنا بالحمولة الكاملة الى فوق وهو 3 أفراد ... هو نزل اتنين من الى معاه عشان يعدى وأنا خدته من غير ما أقف أساسا ولا الهوا ... وبنفس الحمولة عديت عالمريوطية بمطباتها الى عاملة زى الهضبة دى ولا حكيت ولا حكة بسيطة حتى الحمد لله

-

الموضوع: تقرير بالتفصيل الممل عن الفلوانس 2014

LinkBack

أدوات الموضوع

عرض

-

-

-

المواضيع المتشابهه

بالتفصيل الممل حصرياً تقرير أوكتافيا الجديدة (صور-فيديو)

تقرير عن رحله راس سدر يوم 6-10-2012 بالتفصيل الممل

تقرير-مصور عن تركيب زجاج كهرباء للماروتى بالتفصيل الممل

مواصفات الشارك بالتفصيل الممل ؟

تقرير صيانة 15000 للاوبترا بالتفصيل الممل والاسعار

الكلمات الدلالية لهذا الموضوع

المفضلات

المفضلات

ضوابط المشاركة