ماروتي 11 مشيت 3000 ك

**sameh 81** · 19-09-2013 12:48 AM

السلام عليكم
قدامي ماروتي فبريكة برا و جوا مو 11 عملت 3 الاف كيلو فقط
شايفين ان تمنها يكون كام؟ ؟
صاحبها طالب 39 علي اساس انها كسر زيرو
ر
لو كلامه طللع صح و المواصفات مظبوطة شايفين اني اتكلم معاه ننزل حد كام كثمن لها؟ ؟؟؟؟

**lidosasa** · 19-09-2013 12:57 AM

موديل 2011 وعملت 3 آلاف كيلو بس
الخوف إنها تكون قالبة عداد وجايز كانت مرفوعة أو مركونة عامة الفيصل حيكون حالة العربية والكشف الدقيق عليها وكفاية اللى حصل المرة اللى فاتت والألف جنيه اللى راحت عليك . بس حتى لو كلامه صحيح فكتير عليها 39 ألف لآن الموديل عدى عليه 3 سنين ممكن المبلغ ينزل شوية

**lidosasa** · 19-09-2013 01:10 AM

يعنى حاول معاه على 36 أو 37 ومتنساش إن لسه مطلوب منك فلوس عشان تسجيل العقد ونقل الملكية . وطبعاً العربية حتكون محتاجة شوية مصروف بسيط زى تغيير سوائل وزيوت ( لو مش متغيرين من فترة قريبة ) حتى لو العربية ما أتحركتش من مكانها

**hugan** · 19-09-2013 01:37 AM

سعرها كام زيرو

وبعدين 2011 وعامله 3000 كيلو تقلق شويه

**Amr Axel** · 19-09-2013 10:28 AM

سيبك من العداد بيبقوا قالبين عدادات
اهم حاجة تروح تكشف عليها و متتفقش ع اي حاجة و لا عربون و لا عقود و شروط جزائية و لا اي حاجة
العربية تعملها في حدود 32 و قد تصل لـ35 لو فعلا كسر زيرو زي ما بيقول
و متنساش تعمل حسابك ع مصاريف و الترخيص و الصيانات الوقائية لأن فيه حاجات بمرور الوقت لازم تتغير او ع الاقل فحص و تغيير عند الضرورة
و مستنيين تقولنا الاخبار :)

**mesaharaty** · 29-09-2013 05:14 PM

يا جماعة إنتم ليه شككتوا الراجل فى عداد العربية ؟
بالفعل ساعات بتبقى فيه فرص حلوة والعربية بتبقى ماشتغلتش نظرا لظروف صاحبها مثلا .
أنا - على سبيل المثال - والله والله والله ... عربيتى موديل 2009 ولسه العداد ماعملش 20000 كم . مصدقينى ؟
فالمسألة بتبقى حسب ظروف كل عربية وأنا دايما عندى مقولة مؤمن بيها وهى :
العربية حالة مش موديل سنة