الموضوع: تجربتى بعد تغيير الابلاتينه والبوجيهات وظبط الكهربا والهوا

طبعا انا كنت قولتلكو انى غيرت ابلاتينه والبوجيهات بس مكنتش عارف احكم على العربية خصوصا انى مكنتش مشيت بيها كتير وبعد ما مشيت بيها حسيت بشوية اختلافات ومنها

1- الدوارة بقت من اول تكه مارش بتدور ومن غير رفع شفاط ولا دوسة بنزين ولا دبرياج والكلام ده ( يظهر الابلاتينه اليابانى عامله شغل حلو مش خسارة فيها ال 25 جنيه :d )

2- العربية صوتها هدى جدا عن الاول وبقى ناعم جدا ودى اكتر حاجه انا مبسوط بيها لان كانت العربية متبرجله بطريقة غريبة

والنهارده انا غيرت زيت الماتور بزيت شل هيلكس الاصفر وفلتر تويوتا كورلا وغيرت زيت الفتيس بزيت شل اللى هوا لونه احمر ده وكنت جايب جركنين كل واحد كان 1 لتر ودى النتائج اللى حسيت بيها لحد دلوقتى بعد تغير الزيوت

1- العربية طبعا السحب بقى اعلى شوية نسبيا

2- الفتيس وخصوصا الغيار الاول وساعات فى الغيار التانى كان بيبقى فيه عضه راحت تقريبا

فى النهايه اكتر نتيجتين انا فرحت بيهم هوا موضوع الدوارة ده كان مقرف جدا بالنسبالى وعضة الفتيس والحمد لله راحت

شكرا ليكم