معلش ياجماعه سؤال تانى حد عنده فكرة الجمارك على الكماليات بتبقى في حدود كام تقريبا لك حاجه؟
رقم العضوية : 132881
تاريخ التسجيل : 30Dec2012
المشاركات : 111
النوع : ذكر
الاقامة : السعوديه
السيارة: شيفروليه لومينا
السيارة[2]: مازدا 6
الحالة :
السلام عليكم ورحمة الله وبركاته
انا مغترب في السعوديه في جدة تحديدا وخبرتي في العربيات شبه ضعيفه المهم انا بعد ما اسعار العربيات عماله بتزيد في مصر بطريقه مستفزه قررت انى اشترى عربيه هنا في السعوديه وابقى انزل بيها مصر باذن الله المهم هنا عبداللطيف جميل وكيل تويوتا عامل عرض كويس على كرولا 2013 تقريبا عايز يخلص الستوك اللى عنده قبل ماينزل الشكل الجديد ف عامل العربيه ايجار منتهى بتمليك بدفع مقدمه 3 الاف وكل شهر 1200 ريال لمدة 4 سنين ودفعه اخيره 15 الف يعنى العربيه هتقف تقريبا ب 75 الف بس طبعا الفئه الستاندرد وهى تمنها كاش ب 67 الف يعنى زياده 7 الاف على اربع سنين بس المشكله انها مفيهاش اى اوبشنز يعني يدوب اوتوماتيك وازاز كهربا فقط وكمان الشكل القديم . المهم روحت توكيل ستروين واتفرجت على الds5 وال c5 وبصراحه عجبتنى اكتر الc5 حسيتها اوسع لانى راجل متجوز ومش عايز اغير كل يوم عربيه وخصوصا الستروين اعادة بيعها زفت ف عايزها تكفى لفتره متقلش عن 7 سنين او اكتر باذن الله المهم العربيه عليها عرض ب 88 الف ريال اللى هى النص فل او اللى هى فيها كل حاجه ماعدا فقط النافيجاشن وفرش الجلد بس بصراحه دخلتها ماشاء الله العربيه رااائعه بكل معنى الكلمه يمكن العيب الوحيد اللى شايفه انى حاسس ان الطابلوه بتاعها مش فخم اوي او يمكن لانى دخلتها بعد ماركبت ال ds5 وماادراك العربيه دى الطابلوه بتاعها من جوه وهممممم بس حسيتها اوطى ع الارض وكمان مش مناسبه للعيله وكمان سعرها غالى عن ال c5 السؤال بقى هل اكمل ف الستروين واعيش وانبسط بالكماليات وقوة الموتور بس انا خايف من قطع غيارها وتوكيلها ف مصر لان كتير ناس مشكروش فيه والا اخليني ف الكرولا؟ بس بصراحه مش مقتنع انى اركب عربيه تكون فاضيه خالص من جوه حتى المفتاح مش ريموت حاجه كده احس انها من القرن الماضي ف بصراحه عايز اعرف راي الشباب خصوصا ان العربيه بعد ماادفع مقدمتها واقسط على خمس سنين هتقف عليا بحوالى 113 الف ريال .
والسؤال التانى العربيه دى موديل 2012 والراجل قاللى هعملك فاتوره بتاريخ السنه اللى فاتت وانك مالك اول ف هل بكده اقدر اسجلها ف السفاره حاليا واستفاد بخصم سنتين 15% من جماركها؟والا لازم اسجلها ف نفس السنه اللى انا فيها؟
معلش طولت عليكم بس بصراحه نصيحتكم هاخد بيها لانى فعلا خبرتي ضعيفه ف العربيات
شكرا
رقم العضوية : 132881
تاريخ التسجيل : 30Dec2012
المشاركات : 111
النوع : ذكر
الاقامة : السعوديه
السيارة: شيفروليه لومينا
السيارة[2]: مازدا 6
الحالة :
معلش ياجماعه سؤال تانى حد عنده فكرة الجمارك على الكماليات بتبقى في حدود كام تقريبا لك حاجه؟
رقم العضوية : 96064
تاريخ التسجيل : 23Apr2011
المشاركات : 3,658
النوع : ذكر
الاقامة : nasr city
السيارة: more than 300 cars سابقا
السيارة[2]: now I have 11 cars
دراجة بخارية: من زمان
الحالة :
صديقي المواطن
إختياراتك غير موفقة.وأصلا موضوع.تجيب عربية.من.بره وتدفع جمارك في مصر حتكلفك أكتر من.ثمنها في مصر واﻷصح تركب في السعودية عربية.مستعملة.وتحوش فلوسك بصندوق ولما.تنزل مصر تشتري بيها العربية.اللي نفسك فيها كسر زيرو وبكده تكون أقل واجب حطيت في جيبك 30 ألف جنيه أو أكثر ودمتم للنضال
رقم العضوية : 132881
تاريخ التسجيل : 30Dec2012
المشاركات : 111
النوع : ذكر
الاقامة : السعوديه
السيارة: شيفروليه لومينا
السيارة[2]: مازدا 6
الحالة :
الف شكر ياباشا على سرعة الاجابه وانا بالفعل النهارده لما لقيت قصة الكماليات وبتاع ولما حسبت سعر العربيه اللى هدفعه واللى لسه منتظرنى ف الجمارك لقيت انى هدفع اكتر بكتير من تمنها وانا الحمدلله معايا شيفروليه لومينا 2007 عربيه مكفيانى وزياده الحمدلله وهعمل بفكرتك في قصة انى اشيل مبلغ القسط كل شهر ف صندوق لحد لما انزل ان شاء الله او لحد لما العالم دى يلغوا قصة الجمارك للناس اللى متغربه عن اهلها وناسها وبيدخلوا عمله صعبه للبلد
المفضلات