نيسان سنترا 2013 والا كورولا 2013

**elostaz13** · 20-08-2013 06:52 PM

ارجو النصيحة من اصحاب الخبرة انا عايش في الكويت وعاوز اجيب سيارة جديدة موديل 2013 وبصراحة اتفرجت على سيارة نيسان الجديدة سنترا وشايفها رائعم خاماتها وشكلها وكمان الاوبشن الموجودة ممتازة بس خايف اجيبها علشان مش موجودة ولا منتشرة في مصر مع ان سعرها اروع من الكورولا 2013 فانا متردد اجبها والا اشتر ي الكورولا 2013 هما تقريبا نفس السعر لان في عرض على كورولا لان شكلها هايتغير بس الاوبشن والخامات لصالح السنترا والشهرة والانتشار لصالح الكورولا والاتنين ااقل فئة علشان الجمارك لما انزلها بعد اربع او خمس سنين ارجو الافادة وعلى فكرة الكورولا هنا مفيهاش اي بي اس بس وسائد هوائية ومرايات ضم كهرباء فقط السنترا تحكم سكان وتكييف خلفي وكمبيوتر رحالات واضاء ال اي دي وكمان شكل لسة نازل غير الكورولا بس كل الناس بتقولي اللي تعرفو احسن من اللي متعرفوش يعيب السنترا ان موتورها ضعيف شوية اعتقد 109 حصان فقط الرجاء الرد لاني محتار من اكتر من شهر

**samomodrek** · 20-08-2013 07:41 PM

انا رأيي هات السنترا انا نزلت من الكويت الصني موديل 2007 اللي هي نازله هنا ياسم رينو سكالا وتقريبا مكنش في فمصر غيري راكبها كانت الناس كلها بتوقفني وتسألني عليها ودلوقتي انا شايف ان انتشارها جيد جدا علشان كده متقلقش من موضوع الانتشار ده
نيسان ماركه معروفه باحترامها واعتماديتها وده مش معناه ان تويوتا وحشه انا والدي معاه الكرولا موديل 2000 وماشي بيها لغاية دلوقتي 310 الف كيلو وبسم الله ما شاء الله عليها تشوفها تقول زيرو
صلي استخاره وربنا يوفقك
وكده كده الكورولا شكلها اتغير لو نزل الشكل الجديد عندك هاتها علطول بس هتبقى اغلى شويتين

**elostaz13** · 20-08-2013 10:54 PM

المشاركة الأصلية كتبت بواسطة samomodrek

انا رأيي هات السنترا انا نزلت من الكويت الصني موديل 2007 اللي هي نازله هنا ياسم رينو سكالا وتقريبا مكنش في فمصر غيري راكبها كانت الناس كلها بتوقفني وتسألني عليها ودلوقتي انا شايف ان انتشارها جيد جدا علشان كده متقلقش من موضوع الانتشار ده
نيسان ماركه معروفه باحترامها واعتماديتها وده مش معناه ان تويوتا وحشه انا والدي معاه الكرولا موديل 2000 وماشي بيها لغاية دلوقتي 310 الف كيلو وبسم الله ما شاء الله عليها تشوفها تقول زيرو
صلي استخاره وربنا يوفقك
وكده كده الكورولا شكلها اتغير لو نزل الشكل الجديد عندك هاتها علطول بس هتبقى اغلى شويتين

حيرت قلبي معاك كدة احترت اكتر لاني مش بالع الكورولا علشان خامتها من الداخل وكمان ضيقة لكن السنترا احلى خامات وابشن ونفس السعر غير انها شكل جديد بس مافيش اي تقارير عنها في مصر وخايف انزلها واحتاس في قطع الغيار والا ايه وموضوع ان العرض في الكورولا على موديل 2013 ياعني بعد شهر يتقال على العربية الشكل القديم

**MUSTFA** · 21-08-2013 02:29 AM

هات سنترا على بركة الله

**jojojojo** · 21-08-2013 02:31 AM

لو ناوي تنزلها مصر يبقي هات الكرولا عشان السنترا مش موجوده اصلا في مصر ومفيش قطغ غيار ليها في مصر والعربيات معروفه من السلع المعمره اللي محتاجه تغيرها قطع غيار كل فتره عشان متعطلش منك انصحك بالكرولا قطع غيارها منتشره ومحبوبه جدا في مصر ولو مش ناوي تنزلها مصر هات السنترا وفيه برضه عربيه جامده جدا نزلت في الخليج ومن نيسان تيدا الشكل الجديد عربيه كويسه جدا جدا شوفها برضه جايز تعجبك وبالتوفيق ان شاء الله

**مرعى** · 22-08-2013 12:07 AM

يا اخوانا ما السنترا هى البلو بيرد او السيلفى و دى موجود الشكل القديم فى مصر و هى عربية وااااسعة و احلى من الكورولا بس عيبها انها صينى.انا شايف ان السنترا لو يابانى تبقى حلوة تبقى احسن لان الكورولا فى مصر تركى و مش عارفين مدى اعتمادبتها

**elostaz13** · 22-08-2013 12:31 AM

المشاركة الأصلية كتبت بواسطة مرعى

يا اخوانا ما السنترا هى البلو بيرد او السيلفى و دى موجود الشكل القديم فى مصر و هى عربية وااااسعة و احلى من الكورولا بس عيبها انها صينى.انا شايف ان السنترا لو يابانى تبقى حلوة تبقى احسن لان الكورولا فى مصر تركى و مش عارفين مدى اعتمادبتها

السنترا اللي هنا في الكويت تقفيل تايلند وانا قعدت فيها بصراحة الشكل الجديد جميل وكمان خامتها ممتازة والاوبش والخامات احلي من الكورولا بمراحل بتكلم عن كورولا 2013 الشكل الجديد لسة منزلش هنا وكفايا ان فيها تكييف خلفي واي بي اس من اول فئة وسمارت كي لتشغيل المحرك بضغطة زر من اول فئة وانا مستني اشوف الكورولا الجديدة لما تنزل ولو تركي خلاص هاجيب السنترا

**jojojojo** · 22-08-2013 02:37 AM

المشاركة الأصلية كتبت بواسطة مرعى

يا اخوانا ما السنترا هى البلو بيرد او السيلفى و دى موجود الشكل القديم فى مصر و هى عربية وااااسعة و احلى من الكورولا بس عيبها انها صينى.انا شايف ان السنترا لو يابانى تبقى حلوة تبقى احسن لان الكورولا فى مصر تركى و مش عارفين مدى اعتمادبتها

السنترا الشكل الجديد مش هيا البلو بيرد ولسه منزلتش مصر واحتمال تتأخر ومتنزلش للتوضيح فقط