Opel astra 2013 or Toyota corolla 2014 ? Yr help plz

**tefafathy1** · 22-09-2013 08:41 PM

ساعدونى من فضلكم فى المقارنة بين السيارتين .. هما الاتنين تقريبا نفس السعر فى تاني فئة ١٨٥ الف..
اوبل استرا ٢٠١٣ او كورولا ٢٠١٤
محتار جدا و المبلغ مش قليل ... مستني مساعدتكم و شكرا جزيلا للجميع.

**dede_dodo88** · 22-09-2013 08:57 PM

بص أنا معايا الأسترا هاتشباك و لو رجع بيا الزمن لوقت ما كنت بفكر في عربية عمري ما كنت هفكر في التويوتا عاماً و الكورولا الجديدة خاصاً..
جايز الكورولا الجديدة تكون عربية كويسة بس مهما كانت كويسة مظنش أنها توصل لدرجة المقارنة بعربية ألماني من حيث الثبات أو الأمان.
و بصراحة شكلها بالنسبالي سيء جداً و تصميم رخيص من تويوتا و ده مش جديد عليهم.. بس دي مسألة أذواق..

**tefafathy1** · 22-09-2013 09:31 PM

المشاركة الأصلية كتبت بواسطة dede_dodo88

بص أنا معايا الأسترا هاتشباك و لو رجع بيا الزمن لوقت ما كنت بفكر في عربية عمري ما كنت هفكر في التويوتا عاماً و الكورولا الجديدة خاصاً..
جايز الكورولا الجديدة تكون عربية كويسة بس مهما كانت كويسة مظنش أنها توصل لدرجة المقارنة بعربية ألماني من حيث الثبات أو الأمان.
و بصراحة شكلها بالنسبالي سيء جداً و تصميم رخيص من تويوتا و ده مش جديد عليهم.. بس دي مسألة أذواق..

انا متابع مشاركاتك فى موضوع تجربة الاوبل استرا و كلامك عنها و بصراحة انا مشدود ليها جدا ، بس للامانة ناس كتير قالتلى بلاش اوبل و كان راى بعضهم ان الاوبل هيا اسوأ الالمانى والمعظم ان وكيل اوبل اكثر من سئ..
اشكر اهتمامك بس كتجربة شخصية ايه ابرز عيوب الاسترا معاك ؟ استهلاك بنزين مثلا ؟ سحب ؟ توكيل ؟ تكلفة صيانات ؟ صوت غير مفهوم ؟ او اى عيوب تانية انت شايفها ؟ و سؤال اخير هيا عربيتك موديل كام ؟
شكرا مرة تانية لمساعدتك.

**dede_dodo88** · 22-09-2013 10:11 PM

المشاركة الأصلية كتبت بواسطة tefafathy1

انا متابع مشاركاتك فى موضوع تجربة الاوبل استرا و كلامك عنها و بصراحة انا مشدود ليها جدا ، بس للامانة ناس كتير قالتلى بلاش اوبل و كان راى بعضهم ان الاوبل هيا اسوأ الالمانى والمعظم ان وكيل اوبل اكثر من سئ..
اشكر اهتمامك بس كتجربة شخصية ايه ابرز عيوب الاسترا معاك ؟ استهلاك بنزين مثلا ؟ سحب ؟ توكيل ؟ تكلفة صيانات ؟ صوت غير مفهوم ؟ او اى عيوب تانية انت شايفها ؟ و سؤال اخير هيا عربيتك موديل كام ؟
شكرا مرة تانية لمساعدتك.

لأ أوبل مش أسوأ الألماني ولا حاجة و منصور مهواش أسوأ توكيل في مصر..
أنا عموماً كنت بدور على عربية ألماني و البي أم كانت و مازالت أختيار أول بالنسبالي بس جشع توكيلها و مغالاته في أسعار قطع الغيار و الصيانات طفشني منها و لو حتى للفترة الحالية..
فولكس بعدت عنها لأن معنديش أستعداد يتجرب فيا فتيس عامل مشاكل مع ناس كتير + واحد صاحبي كان ليه تجربة سيئة مع التوكيل و بوظوله تابلوه العربية..
يمكن أوبل كان ليها مشاكل متكررة في موديلات سابقة, بس الأسترا الجديدة لحد النهاردة قادرة تثبت أعتمادية كبيرة و عيوبها تكاد لا تذكر..
الوكيل لحد دلوقتي ماشي معايا تمام يعني أقدر أقول عليه متوسط, لا هو بيقدم الخدمة المبهرة و لا هو سيء.. يعني هو أنت بتحتاجه في صياناتك الدورية كل فترة و بتنساه بعد كده..
العربية نفسها, أنا بالنسبالي العربية مش عاملة معايا أي مشاكل الحمد لله بس أنا مدلعها زيادة شوية و بحطلها بنزين 95 و يمكن يكون ده اللي مش مخليني أشتكي من موضوع الرعشة أو ضعف السحب اللي أشتكى منه بعض ملاك العربية هنا..
أستهلاك البنزين أعتقد أنه أعلى من المتوسط شوية, السحب تقيل شوية في الطلعة بس فوق بعد كده الدنيا بتبقى لطيفة أوي,
العربية وزنها تقيل, يمكن الأتقل في فئتها, و ده هتحسه في طلعة العربية أكتر و في الطرق السريعة لما يكون في هواء أو لو بتجري جنب عربية نقل فهتلاقي العربية لازقة في الأرض مبتتهزش.
تكلفة الصيانات أنا شايفها معقولة, يمكن كل كام صيانة كده السعر بيزيد عشان شوية قطع غيار بتتغير بس برضه تعتبر في حدود المعقول..
أنا عربيتي الهاتشباك موديل 2011
و ملحوظة صغيرة, الهاتشباك من وار أوسع من السيدان..

**M I D O** · 22-09-2013 11:00 PM

مقارنة صعبة جداا .. الالماني و الياباني لاكني بميل للكورولا الجديدة

**dodi_do2000** · 23-09-2013 12:08 AM

الاتنين قريبين من بعض جدا
كل واحة عندها ميزة مهمة و عيب مهم

( الكورلا )
الميزة : انها ليها سمعة طيبة جدا ف البلد و ف كل حتة ف العالم و من اكبر شركة ف العالم ف المجال ده و قطع غيار و توكيل و سعر اعادة بيع مضمون

العيب : انها 2014 و محدش جربها و انت لو هتشتريها يبقى هتشتريها عشان سواد عيون تيوتا و الي هيشتريها لازم يكون عنده ثقة عمياء ف تيوتا او يكون جربها

( الاسترا )

الميزة : انها ألماني

العيب : التوكيل السئ و قطع الغيار الغالية و القليلة برا التوكيل و ده هيخليك متقدرش تتعامل غير مع التوكيل ( السئ )

**dodi_do2000** · 23-09-2013 12:14 AM

بيني و بينك انا لو مكانك هتجاهل كل المواصفات الفنية لأن العربيتين قريبين من بعض جداا

و اختار على حسب الشكل الي يعجبك
صدقني ده عامل مهم جدا لأن ده الي هيخليك راضي عن العربية او لا !