حملة شكاوى على أرتوك أوتو (أحني نستاهل أكتر من كده)

**unisman** · 27-09-2013 05:13 PM

السلام عليكم و رحمة الله و بركاته
الأخ الفاضل Inspirion
الأخ الفاضل Farahat
اخواتنا الأفاضل

انا بجد فاض بيا و اكيد فاض بينا الكيل جميعا من وكيل سكودا اللي بعد ما الواحد دماغه ورمت

اكتشف انه وكيل فاشل و اكيد الشركة الأم متعرفش هو بيعاملنا ازاي و لا بينصب علينا ازاي

لأن احني مبنشتكيش ولا بنتكلم ولا حتي بنعرفهم وكيلهم النصاب ده علي ايه

كتير مننا عانو معاه و كتير مننا اتعذب بمعني الكلمه علي ما عرف ياخد منهم عقاد نافع سواء في خدمه او صيانه او ضمان او اي حاجه

انا حبيت اكون اول واحد ابعت شكوه لسكودا UK
و ان شاء الله لو الموضوع ده اتفاعلنا فيه كفايه

و كل الناس المتضرره بعتت لنفس الشركة شكاوي هيكون في رد فعل قوي

لأن سكودا مش هبله علشان تجيب وكيل نصاب زي ده و تسيبه يلعب في السوق براحته

و انا اسف لأستخدامي الفاظ مش قد كده لأني محروق دمي

و ادي الصفحه اللي عملت عليها شكوتي

http://www.skoda.co.uk/about-us/.......-us

و اللي عنده استعداد يوجب مع Artoc auto يا ريت يساعدنا

و شكرا

**eng wael** · 27-09-2013 05:20 PM

ممكن نعرف المشكله واسباب الشكوى

**saddam** · 27-09-2013 05:39 PM

صديقي المواطن
عيشنا معاك أصل المشكلة.بالتفصيل عشان نعرف نعيش اللحظة
ودمتم للنضال

**inspiron** · 27-09-2013 05:50 PM

المشكلة إن الوكيل منزل الـ a7 الجديدة بـ 225 ألف جنيه بمواصفات أقل من أقل فئة علي مستوي العالم.ونفس الشئ بالنسبة للإليجانس نازلة بـ 273 ألف بمواصفات أقل من الإليجانس اللي زيها في العالم كله.في حين إن الخليجي الإليجانس نازلة بتقول بابا وماما وجده وتيتة وخالو وعمو كمان.وبعفشة مالتي لينك مش تورشن بيم.وبسعر 275 ألف طبقاً للسيارة اللي اتباعت في معرض من المعارض.
وده معناه ان شفيق جبر ماشي بسياسة إحتكار دنيئة وبيتحكم زي ما هو عاوز.لو عليه هيسعر العربية بـ 300 ألف جنيه ومحدش هيفتح بقه.

**zangry** · 27-09-2013 06:15 PM

العيب مش على التوكيل العيب على الشركة اللى وافقت من البداية تنزل عربية بـ2 ايرباج وعفشة تورشن بيم وفتيس بايظ !

**طارق _عبد السلام** · 27-09-2013 06:42 PM

المشاركة الأصلية كتبت بواسطة unisman

السلام عليكم و رحمة الله و بركاته
الأخ الفاضل Inspirion
الأخ الفاضل Farahat
اخواتنا الأفاضل

انا بجد فاض بيا و اكيد فاض بينا الكيل جميعا من وكيل سكودا اللي بعد ما الواحد دماغه ورمت

اكتشف انه وكيل فاشل و اكيد الشركة الأم متعرفش هو بيعاملنا ازاي و لا بينصب علينا ازاي

لأن احني مبنشتكيش ولا بنتكلم ولا حتي بنعرفهم وكيلهم النصاب ده علي ايه

كتير مننا عانو معاه و كتير مننا اتعذب بمعني الكلمه علي ما عرف ياخد منهم عقاد نافع سواء في خدمه او صيانه او ضمان او اي حاجه

انا حبيت اكون اول واحد ابعت شكوه لسكودا UK
و ان شاء الله لو الموضوع ده اتفاعلنا فيه كفايه

و كل الناس المتضرره بعتت لنفس الشركة شكاوي هيكون في رد فعل قوي

لأن سكودا مش هبله علشان تجيب وكيل نصاب زي ده و تسيبه يلعب في السوق براحته

و انا اسف لأستخدامي الفاظ مش قد كده لأني محروق دمي

و ادي الصفحه اللي عملت عليها شكوتي

http://www.skoda.co.uk/about-us/.......-us

و اللي عنده استعداد يوجب مع Artoc auto يا ريت يساعدنا

و شكرا

من حقك تعمل كده واكتر
والمفروض للحفاظ على احترامهم وكيانهم يحصل اى رد رسمى
المنتدى ده يعتبر اكبر منتدى سيارات فى مصر وواجب منهم على الاقل المتابعه او اى طريقه للتواصل (ده احنا بنضرب الودع علشان نعرف مواصفات العربيه )
هو احنا بنلاقى فلوسنا ....... ارتوك بيقلد غبور وبيعمل مواصفات لمزاجه الخاص

**zangry** · 27-09-2013 06:59 PM

المشاركة الأصلية كتبت بواسطة hanipal

الشئ المستفز ليا بصراحة انه عربية الوكيل الاقبال عليها بيزيد. لدرجة انه كان بيسلم في خلال خمسة ايام في يوليو اللي فات. دلوقتي بتحجز وتستلم خلال 3 اسابيع. . ده معناه ان الوكيل ده عارف كويس انه هيبيع كويس لان الشريحه الاكبر من المستهلكين اللي هوا مستنيها عكسنا تماما. الوكيل مستني الحاج حميد والحاج ابو زيد اللي هيقولك العربية صاروخ وشنتطها وااااسعه يابا. ومدام صافيناز وناريمان وجولفدان هانم اللي هيقولو العربيه شكلها من بره تررري تررري جونتي يااااي.

الوكيل مش مستنيني ولا مستنيكم ولا مستني .unisman. ولا inspiron. الناس دي بالنسبه لارتوك وجع دماغ وزباين رخمه وفاهمه. وتقعد تقولك تورشن بيم وتجهيزات اساسيه ودوشه.

بالظبط هما مش مستيينا وعشان كده انا رأيي ملوش لازمة الشكوى ووجع القلب اللى مش هيفيد بحاجة لان الزباين كتير وهتشتري العربية ماهو لما تقعد مع السيلز يقولك الجيل الرابع والجيل السادس عشر :D وطبعا الزبون مش فاهم حاجة ويقوله تورشن بيم وشلنا الكبالن والعيوب بتاعة الفانتازيا والـA5 .. طبعا الزبون هينشكح جدا