حل مشكلة اصفرار الفوانيس في 3 دقايق

**أسامه طياره** · 06-10-2013 09:12 PM

الموضوع اول ماعرفته جربته على عربيتي وجاب نتيجه روووووووعه .. في النوبيرا عندي الفوانيس ضبشت خالص وبقت اصفر من البيضه :d .. اتخنقت وفكرت اجيب فوانيس جديده ولكن مع البحث اكتشفت حل مثالي معجون السنان !! وبعد ماشوفت فيديو عاليوتيوب جايب فوانيس مضبشه خالص وعملها في 3 دقايق بقيت حاسس اني بشوف ساحر ! وفي ثواني خدت فوطه وجلانس ومعجون سنان ونزلت للعربيه ..اول حاجه تنضف الفانوس من اي تراب وبعدين تحط معجون سنان بس متأفورش :d وتدعك بالفوطه حركه دائريه وتضغط شويه لمده دقيقتين او تلاته بالكتير وبعدين ترش بجلانس او حتى ميه بس وتنضف بفوطه ناشفه معلهاش معجون هيطلع الفانوس من تحت الفوطه زيرووووووووووووو ولسه مجربها حالااااااااا ومبسوط اوي بالنتيجه دي وقولت افيد الناس وربنا معانا جميعا :)

**AbdelRa0uf** · 06-10-2013 09:24 PM

وربنا انتا برنس علشان كنت فاكر انى لازم افك الفانوس كله علشان اضاءة الزينون و كداا بس هجرب و اقولك :)

**أسامه طياره** · 06-10-2013 09:32 PM

ربنا يخليك يامعلم :) .. ان شاء الله يديك نتيجه زي اللي في دماغك واحسن :) .. وياريت اما تجرب تقول عملت ايه !؟

**eng.salama93** · 06-10-2013 09:37 PM

الكلام دا من برا ولا من جوا ؟؟؟ و ينفع للفوانيس اللي وشها ازاز ؟

**halika76** · 06-10-2013 09:56 PM

المشاركة الأصلية كتبت بواسطة eng.salama93

الكلام دا من برا ولا من جوا ؟؟؟ و ينفع للفوانيس اللي وشها ازاز ؟

أكيد من برا ... والفوانيس الإزاز مش بتصفر أوى بس جرب مش هتخسر حاجه وقولنا تجربتك

**halika76** · 06-10-2013 09:59 PM

المشاركة الأصلية كتبت بواسطة أسامه طياره

الموضوع اول ماعرفته جربته على عربيتي وجاب نتيجه روووووووعه .. في النوبيرا عندي الفوانيس ضبشت خالص وبقت اصفر من البيضه :d .. اتخنقت وفكرت اجيب فوانيس جديده ولكن مع البحث اكتشفت حل مثالي معجون السنان !! وبعد ماشوفت فيديو عاليوتيوب جايب فوانيس مضبشه خالص وعملها في 3 دقايق بقيت حاسس اني بشوف ساحر ! وفي ثواني خدت فوطه وجلانس ومعجون سنان ونزلت للعربيه ..اول حاجه تنضف الفانوس من اي تراب وبعدين تحط معجون سنان بس متأفورش :d وتدعك بالفوطه حركه دائريه وتضغط شويه لمده دقيقتين او تلاته بالكتير وبعدين ترش بجلانس او حتى ميه بس وتنضف بفوطه ناشفه معلهاش معجون هيطلع الفانوس من تحت الفوطه زيرووووووووووووو ولسه مجربها حالااااااااا ومبسوط اوي بالنتيجه دي وقولت افيد الناس وربنا معانا جميعا :)

جزاك الله خير على الفكره ... ياريت تدعم تجربتك بالصور

والتورته دى هديه عشانك بالهنا والشفى

**Silent~Dream** · 06-10-2013 10:22 PM

انا جرت الحوار ده قبل كده و نتايجه كانت كويسه جدا بس لازم يكون حاله الفوانيس كويسه او متوسطه عشان لو تعبانه هتضبط يومين و تبوظ تانى بس انا استخدمت منظف مش فاكر كان اسمه ايه بدل معجون الاسنان