الموضوع: سر الارقام الخياليه لفرش الجلد للسيارات

المشاركة الأصلية كتبت بواسطة egyption2012

شكرا للتوضيح
على فكرة توقيعك غير مكتمل

تم حذفه من قبل الادارة ليه مش عارف:b4_611:

انا معاك فى السعر المغالى فيه و مش عارف ليه. انا تاوى انزل اشترى الجلد و هوديه لحد محترم يعمله.

المشاركة الأصلية كتبت بواسطة Mr.TarekAlex

بسم الله الرحمن الرحيم

انا عمتا قبل اي شئ انا سروجي سيارات ومش هحدد اي مكان ولا اي شئ عشان مش يتقال اعلان

والله والله ده ولا ترويج اعلان او حاجه ده مجرد لاني لقيت اسفسارات كتيرة حوالين اسعار الفرش
سواء ان كان خياطة دبل او فردي او ما الي ذلك

اول حاجه نتكلم عن اسعار الخياليه ال شوفتها في بعد المواضيع بالنسبه لفرش الجلد
وعلي ما اذن ان ادارة الموقع اعتبرت انه دعايا لشخص ما لمجرد انه عجبة الشغل والناس سئلته عن مكان المحل ال عمل عندة الفرش

بالنسبه لاسعار الجلود هي الاتي

1. الجلد الالماني ظهره اسفنج رقيق من 50 ال 55 لسعر المتر حسب المستورد
2. الجلد الالماني بدون ظهر اسفنج 35 ال 42 لسعر المتر حسب المستورد
3. الجلد الامريكي وده مفيش اي جلد امريكي ليه ظهر اسفنج واي حد يقولك غير كده يبقي كذاب
وسعر المتر يبدا من 30 ال 33 وبعد المستوردين ال عندهم جشع 35
4. الجلد التيلاندي الثقيل من 25 الي 28 سعر المتر ولا انصح بيه للفرش لانه سريع التقشير
واي عربيه ملاكي مهما كان حجم كراسيها لا تزيد عن 9 متر لفرش الكراسي وتقدر تحسب الامتار علي حسب السعر والنوع ال هتختاره

نروح لسعر جلد الارضيه
جلد الارضيه بياخد 5 متر بالشنطة وبدون شنطة 4 متر

متر اللباد الحرار ال هو عازل للحرارة سعره15 جنيه للمتر ال هو بيبقي اسفل جلد الارضيه عشان يعزل الحرارة

جلد الارضيه بيكون في ظهر موبر اي في زي شعر او وبرة خفيفه
اسمه كونكريت او بيجو كلمة اطلقت عليه لان جميع المستوردين يستوردو نقشه نفس نقشه ارضيه الفبريكة البيجو
وسعر المتر 30 جنيه
يعني ثمن الجلد الارضيه بالشنطة 150 جنيه
المصنعيه حاجه تانيه

مع مرعاة فرق الصنعه والحرفية

هنتكلم في فرق اختلاف الاسعار
ال مفروض متوصلش للفرق الكبير دة
وهنبسطها بطريقه شعبيه
يعني مثلا ممكن تشتري بنطلون جينز من سيتي ستار هو هو ال في جنينة مول هو هو ال في الجرين بلازا هنا في اسكندرية هو هو ال في محطة الرمل وهوهو ال موجود في معظم الاماكن الشعبيه

لكن اختلاف السعر بيرجع لمكان المحل بالنسبة لايجارة وضرايبه وعدد العاملين وكل دة صاحب الماكن بيعوضه من الزبون بفرق السعر لكن هي هي الخامه هي هي التقفيل

ونرجع ونقول في ناس بتحب تتمنظر انا جايب البنطلون من جرين بلازا او جايبه من سيتي ستار
ومش هيقول جايبه من العتبه

علي فكرة كلام حضرتك سليم تمام
واسعار الفرش الجلد مبالغ فيه جدا
وانا بعمل للعربيات ال عندي حاليا وال بعتها دائما فرش للارضية وكسوة جلد للكراسي وغرز دبل واحسن انواع الجلود ولم تتعدي التكلفة عن 1000جم بالمصنعية وشغل 100/100في اخر عربية امتلكتها وهي شيفورليه لانوس
احييك علي اثارتك لهذا الموضوع

المشاركة الأصلية كتبت بواسطة dr.hazem

احمد مش زي الحج احمد:-d
تحياتي

sent from my xperia arc s using forum runner

علي فكرة المثل بيتقال احمد زي الحاج احمد ده اولا ههههههههههه
ثانيا الفرق في جودة بيعتمد علي خامه الجلد يعني بترجع في الاول وفي الاخر في اختيار صاحب العربيه نوع الجلد يعني فنش ظهور الجلد الالماني مش زي الامريكي

المشاركة الأصلية كتبت بواسطة dr.hazem

انت وضحت فكلامك تكلفة الجلد نفسه لكن جيت على جزئية المصنعيه وسبتها فراغ وده اللي انا قصدته،،،

هديك مثال من واقع شغلي...
كل الدكاترة بتدي حقن بس مش كلهم ايدهم خفيفه
وبالتالي اللي ايده خفيفه حسابه اكيد غير :-)

ونفس الكلام هنا شيخ الكار لا يمكن يتساوى باي حد وبالتالي احمد مش زي الحج احمد وهو ده المثل الصح :-)
تحياتي

sent from my xperia arc s using forum runner

حتي لو هل من الواقعي انك تاخد دبل ثمن البضاعه يعني زى ما حضرتك قولت
الي بيدي حقنه وايدة ثقيله مش زي ال ايده خفيفه انا معاك يعني لو ثمن الامبول 20 جنيه يديها للمريض ب20 يبقي المجموع 40 وله هتديهاله 5 انا بتكلم في كده نقطة الجشع