الموضوع: توكيل بريليانس القطامية

اولا السلام عليكم ورحمة الله وبركاته
احب بس اشرح للناس مشكلتى مع التوكيل الى خلتنى مش هتعامل معاهم تانى نهائى ومش هقول غير حسبي الله ونعم الوكيل
انا كنت مسافر وعملت حادثة وطلعت بالعربية فوق حاجز خرصانى عالى شوية المهم ان الحمد لله انا والى معايا خرجنا سلام المهم الناس شالتلى العربية ونزلوهالى الشارع والاضرار الظاهرية كاوتشة مقطوعه جنط مخبوط والعجلة اليمين بقت معووجة بعد اما ركبت الاستبن والدركسيون طبعا حادف جامد وفى طقة فى الدركسيون لو انتا واقف وبتحرك الدركسيون والتكييف عطل والفوج اتكسر
المهم كملت عادى سفرى وقعدت يومين متنكد عليا فيهم ورجعت وديتها التوكيل المهم روحت بيها التوكيل قالولى اعمل محضر روحت عملت محضر وجبتلهم الورق وبعد كده افاجء العربية غيرولى (قنطرة ومقصين وشمعدان ومساعد وبارات دركسيون وجنط وكاوتش وصدر اماى وفانوس امامى وفوج امامى وكارتيرة )
المهم العربية قعدت اكتر من شهر وداه بسبب شركة التأمين كانت قرفاهم شوية وثوة 30/6 قولت ماشي المهم قولت انا اكيد هستلم العربية عروسة مع العلم ان قالولى التكييف مش من الحادثة ومافيهوش اى مشكلة داه محتاج شحن بس قولت خلاص هعمله بره عند حد الفريون بتاعه ممتاز
افاجء بعد استلام العربية بكام يوم
1-الفوج مش شغال الى غيروه

(طلعت المشكلة انى اصلا كنت موصل زينون وهما لما غيروا حطولى لمبه عاديه فعشان كده مش شغال)

2-الباب عشان اتسمكر الباب من جوا مش متقفل كويس والمرايا باظت زوايا الاتجاهات بتاعتها

(الكلبسات مكسورة وماغيروهاش)
3-العربية بتحدف منى

روحت بقي اشوف الزوايا برا كان نفسي اشوف حاجة لونها اخضر فى الزوايا بس الحمد لله ظبطها في الحرفيين

4-بسمع صوت عند المساعد الى اتغير وزاد لغاية لما بقى صوت يرعب كأن حاجة مفكوكة

(طلع البهوات مش مركبيت كباية المساعد ومسمار المساعد مش راكب كان ياجوبك واحد رابطة بأيده فاتفك )

5-الدهان كأنك داهن عند ورشة برا مش توكيل

(كان زمان بيدهنوا العربية وماحدش يعرف انها مدهونة)

6-التكييف الى قالولى انه مش من الحادثة وقالى داه محتاج شحن بس

(افاجء ان فيه مشكلة عند سربنتينة التكييف فيها شرخ واتحلت الحمد لله)


المهم روحتلهم وداه كان فى رمضان قعدونى يوم كامل وبعد خناقات عملولى الزوايا بس الى طبعا بوظوهالى اكتر وكانت خناقة
ومن ساعتها ماروحتلهمش تانى ومش هاروح تانى لانهم بجد بقم سيئين جدااااااااااااااااااا وحسبي الله ونعم الوكيل

بس احب اقول بردة العربية ديه حماله قاسية معايا وربنا يباركلى ويبارك لكل مالكيها فيها