عربيتى الفيرنا اتخبطت

**dalia_verna** · 08-10-2013 10:45 PM

معلشى هتعبكوا معايا انا انهرضة عربيتى اتخبطت بعربية كارو بحصان للاسف الحصان دخل فى العربية جامد واللى مضايقنى ان الراجل هو اللى شد الحصان نحيت العربية و العتبة اتخبطت جامد حوالى 15 سم ودخلة لجوة شوية مش عرفة جت ازاى , و جرحلى المراية بتاعت السواق كلها وفيها مكان داخل لجوة حوالى 1 سم وللاسف وش الحصان دخل من عند شباك الباب بتاع السواق , و خبط الجهة المقابلة للقايم من جوة اللى ما بين سقف السيارة و الباب بيبقى فية جزء حديد كدة عمل خبطتين فيه كل واحدة حوالى 1 سم ودخلة لجوة انا للاسف اعصابى تعبانة لانى كمان مخدش حقى من الراجل اللى كان راكب الكارو ولا حتى قدرت اقول كلمة للراجل كان قاصد يجيب الكارو على العربية و قعد يضحك انا محروء دمى جدا ياريت تقولولى اصلح الحاجات دى ازاى انا عربيتى لسة جديدة موديل 2012 لانى نويت اصلح الخبطات دى واللى قبلها

**mabdelmageid** · 10-10-2013 12:20 PM

قدر الله وما شاء فعل

أنا حصل معايا نفس الموقف دا باخد ملف وفوحئت بعربية كارو بحصان ماشية عكس ف وشي .. المهم بعدت عنها علي أد ما قدرت من الناحية التانية لقيت قدامي موتوسيكل ماشي عكس برضو وصاحبه بيبص الناحية التانية -حاجة زفت يعني ربنا يسامحهم- المهم خبطت الباشا بهدلي الإكصدام اتكسر والرفرف دخل لجوا والكشاف ساب وحاجة يعني ما اقولكش

الحمد لله علي كل حال وربنا يكفينا شر العين

**shawke hamed** · 12-10-2013 12:02 AM

صورها!!!!!!!!!!!!!!!!!!!!!!!!!!@#&*^)*&()*()_ <(+|_|

**amrelsaqqa** · 12-10-2013 12:07 AM

ياريت تصوري العربية عشان نقدر نساعدك

**shawke hamed** · 12-10-2013 12:20 AM

ايوة

**mohamed_e36** · 12-10-2013 04:00 AM

معلش السواقه في البلد بقت زي الزفت و البيه اللي خبطك ولا حاسس بحاجه الواحد ملوش غير ربنا هوه اللي يجبله حقه من الاشكال دي
بس قولي الحمد لله ومتعرفيش الخير فين

**Esam Mosaad** · 12-10-2013 10:08 AM

وحضرتك ليه حتى منزلتش مسكت فى الراجل مكدا كدا العربيه اتخطبت يعنى حصل الى حصل
على الاقل حتى لو مش هتقدر تاخد فلوس او كنت تمسكه تديله علقه محترمه باى حاجه فى ايدك

**amr011111** · 12-10-2013 01:03 PM

المشاركة الأصلية كتبت بواسطة esam mosaad

وحضرتك ليه حتى منزلتش مسكت فى الراجل مكدا كدا العربيه اتخطبت يعنى حصل الى حصل
على الاقل حتى لو مش هتقدر تاخد فلوس او كنت تمسكه تديله علقه محترمه باى حاجه فى ايدك

للأسف مطلوب من الواحد انه يبقى بلطجى علشان يتعامل مع الاشكال الضاله اللى فى الشارع وطبعا للاسف الموضوع ده خطر لان اللى سايقة العربيه بنت مش هتعرف تعمل حاجه مع الاشكال ديه وحتى لو راجل ونزل شتمه وضربه والتانى رد عليه بالمثل العربجى مش فارقه معاه انما سائق الملاكى هيأثر معاه الموضوع ده لفتره

**Esam Mosaad** · 12-10-2013 04:12 PM

المشاركة الأصلية كتبت بواسطة amrelsaqqa

للاسف هى بنت وواضح ان مكنش في حد معاها

انا ماخذتش بالى شكرا ليك

المشاركة الأصلية كتبت بواسطة amr011111

للأسف مطلوب من الواحد انه يبقى بلطجى علشان يتعامل مع الاشكال الضاله اللى فى الشارع وطبعا للاسف الموضوع ده خطر لان اللى سايقة العربيه بنت مش هتعرف تعمل حاجه مع الاشكال ديه وحتى لو راجل ونزل شتمه وضربه والتانى رد عليه بالمثل العربجى مش فارقه معاه انما سائق الملاكى هيأثر معاه الموضوع ده لفتره

مش شرط انك تبقى بلطجى عشان تعرف تجيب حقك على فكره بغض النظر ان صاحبه الموضوع بنت ومعزوره
بس لو فرضنا انوا راجل الى حصل معاه كدا وعمل نفس الموقف
هيفضل يانب فى نفسه كتير جدا كل ميشوف الخبطه او يفتكر انو محولش ياخد حقه او حتى يطلع الغل الى فيه مع الراجل
وهوا هوا نفس الاحساس الى حضرتك بتتكلم فيه لو كان شد معاه فى الكلام وسمع كلام يدايق بس على الاقل اهو حاول طالما معاه الحق

من يومين واحد صحبى ميكروباص دخل فيه قصد الناس هيا الى اتلمت عليه وبهدلته وهوا معرفش يوصله اصلا من كترهم
ربنا يعوضها ان شاء الله