التوجيه الثالث بيعرف زيت

**Hamroosh** · 10-10-2013 03:13 PM

فليشيتي فيها البوجيه الثالث بيعرق زيت على فترات ، كنا متعايشين مع بعض بس اليومين دول زودها شوية.
الميكانيكي قاللي دا جلد صباب او طقم شنير وممكن توصل لعمرة ومش هيبان الا بعد فك الموتور.

تنصحوني اعمل ايه يا خبراء الفليشيا مع ذكر التكلفة المتوقعة.

**Hamroosh** · 10-10-2013 05:13 PM

آسف على العنوان المتلخبط،، كنت بكتب من الموبايل

قصدي: البوجيه الثالث بيعرق زيت ، لو يمكن تعديله من خلال الادارة.

**ayman20100** · 10-10-2013 05:17 PM

انا مش هفتي بس اقولك الاول لازم تتأكد من الزيت
ساعات بيبقى البوجيه مهبب وبيطلع عليه بنزين فمع الهباب يبان انه زيت وفيه ميكانيكي حب ينصب بالطريقة ديه
اولاً اتأكد ان الكربيراتير والكهرباء مظبوطين وغير البوجيهات وتابع كويس
ما تعملش اي حاجة في الموتور غير لما تشوف اعراضها بنفسك ...ما تفتحش الماتور غير لما تتأكد مليون في الميه

**Hamroosh** · 10-10-2013 06:53 PM

المشاركة الأصلية كتبت بواسطة ayman20100

انا مش هفتي بس اقولك الاول لازم تتأكد من الزيت
ساعات بيبقى البوجيه مهبب وبيطلع عليه بنزين فمع الهباب يبان انه زيت وفيه ميكانيكي حب ينصب بالطريقة ديه
اولاً اتأكد ان الكربيراتير والكهرباء مظبوطين وغير البوجيهات وتابع كويس
ما تعملش اي حاجة في الموتور غير لما تشوف اعراضها بنفسك ...ما تفتحش الماتور غير لما تتأكد مليون في الميه

لا هو زيت ، وشوفته بنفسي ، والبوجيه بيلمع وملمسه زيتي... طب ايه رايكم في استعمال الاضافات اللي بتتحط على الزيت زي ابرو و استوب ؟

**aw2100** · 10-10-2013 09:57 PM

المشاركة الأصلية كتبت بواسطة hamroosh

لا هو زيت ، وشوفته بنفسي ، والبوجيه بيلمع وملمسه زيتي... طب ايه رايكم في استعمال الاضافات اللي بتتحط على الزيت زي ابرو و استوب ؟

الأضافات دى بتخلى لزوجة الزيت عالية وده بيتعب الموتور اكتر الأفضل الموتور يتفك واللى فية يتعمل طالما مش ناوى تبيع العربية تحياتى!!

**aw2100** · 10-10-2013 11:31 PM

المشاركة الأصلية كتبت بواسطة hamroosh

طب ايه صحة اشاعه ان الموتور بتاعها مابيتعمرش، والافضل شرا واحد استعمال؟

الكلام ده لو الموتور متهان وسبته لما باظ خالص وخصوصا لو بتحط فى دورة التبريد مية حنفية بتعمل تسويس جامد فى البلوك ووش السلندر ومسامير الموتور بتبقى قافشة ومملحة وبيبقى الموتور منخل من جوة فطبعا لما حضرتك تفكه حيتقفل ازاى وهو خرب تماما دى الفكرة
لكن لو موتور متصان ومية التبريد حمراء تركيز 33% والبلوك والوش سليم يتعملة 10 عمرات عادى واكبر دليل الموتور الأستعمال اللى بتشترية لو فكيته بتلاقية جديد من الداخل علشان الصيانة فى الخارج بتبقى صح وعلى فكرة الكلام ده بينطبق على كل العربيات الجديدة الحديثة مش الفليشيا بس اللى الموتور بتاعها الومنيوم مش زهر فلو موتورك متهان كمل علية وسيبة لما يقفش خالص وارمية وجيب موتور أستعمال وتمشى على كلام الكتالوج فى الصيانات وانسى مشاكل الموتور خالص تحياتى !!