اسبرانزا تيجو ولا رينو سانديرو

**Engineer Sara** · 12-10-2013 05:50 PM

السلام عليكم ....

مع سلسلة الحيرة اللى فيا توصلت انى الغي فكرة العربيات اللى في دماغي كلها ماعدا ال2 دول
البروتون جين تو ناس قالولى عليها حلوة وناس قالولى ابعدي عنها عشان التوكيل وعشان سعرها ميستاهلش اصلا

المهم ايه رأيكم في التيجو والسانديرو

السانديرو مبدأيا انا معجبة بيها جدااااااااااا بس وجه الاعتراض انى محبذة فكرة الاوتوماتيك بعد آراء بعض الناس ان المانوال متعب

1- السانديرو العادية : اوتوماتيك ومفهاش abs وفيها وair bag للسائق فقط و 8 صبابات
2- السانديرو الستب واى : مانوال فقط وفيها abs و airbag للسائق فقط و 8 صبابات
3- التيجو : اوتوماتيك وفيها abs و EBD و2 air bags و 16 صبابات

السانديرو العادية والستب واى فيهم نظام ايموبليزر ضد السرقة و التيجو مفهاش بس فيها نظام تنبيه ضد السرقة ( معرفش هو ايه دي المواصفات في كونتاكت كار )

السانديرو العادية مفهاش جنوط رياضي لكن الستب واى والتيجو فيهم

مش مهم باقي الكماليات ...

السؤال ايه رأيكم ؟؟؟ بصرف النظر ان التيجو صيني وكل الناس بتقول صيني لا طب ليه ؟؟؟ ودايما بيقولو النوكيا مش زى الصيني هل ده شبيه بالموبايلات ؟؟؟ يعني بعد سنتين ولا 3 ولا حتى 5 سنين لو لينا عمر هلاقي العربية بح راحت عليها ؟؟؟ ولا فكرة العربيات الصيني وحشة ليه ؟؟

هل المواصفات اللى قولتها مهمة اللى هى abs و airbags و 8 او 16 صبابات ؟؟؟؟

مستنية آرائكم .... مع العلم انى استقريت ان شاء الله على الـ2 دول ومحتاجة مشورتكم في انهى الافضل مع العلم برده انى مش ههلك العربية اوى ان شاء الله هيكون استخدام خفيف وبسرعات قليلة والسفر في السنة يعتبر مرتين تلاتة بالكتير من القاهرة للاسكندرية او لاسوان

في الانتظار ...

**J A G U A R** · 12-10-2013 06:29 PM

بالنسبه للتيجو مميزاتها :
1 - ارتفاعها على الارض كويس بالنسبه لطرق مصر
2 - صاجها كويس مع ان العربيات الحديثه كلها ورق
3 - فيها ايرباج للسائق والراكب الامامى
4 - سحبها كويس وثابته عشان عريضه على السكه
5 - التكيف يعتبر كويس
العيوب :
1- خامات التابلوه مش قد كده
2 - صيانه وخدمه وقطع غيار وتقفيل تعبانين
3 - استهلاك بنزين عالى

بالنسبه للسانديرو مميزاتها :
1 - واسعه من الداخل ومريحه بس يعتبر على حساب ان مفيش شنطه
2 - ايرباج للسائق و abs
3 - عاليه على الارض
4 - عفشتها كويسه
العيوب :
1 - الماتور صوته عالى زى ما تكون راكب لادا بس الصوت ناعم طبعا مش زى اللادا بتصوت
2 - الفتيس فيه خشونه شويه
3 - استهلاك بنزين عالى نسبيا
4 - صوت البنزين مسموع وبيرج فى العربيه وهيا ماشيه وخصوصا لو السكه مكسره

**J A G U A R** · 12-10-2013 06:31 PM

وبالنسبه للمانويال هو مش متعب ولا حاجه .. بس هو متعب فعلا فى الزحمه بس

**Engineer Sara** · 12-10-2013 08:44 PM

شكرااااااااااااااااا ليكم بجد على الرد بس حد يرد عليا في الجزء التانى من الموضوع وهل بروتون جين تو تدخل معاهم في المنافسة ؟؟؟؟

بصرف النظر ان التيجو صيني وكل الناس بتقول صيني لا طب ليه ؟؟؟ ودايما بيقولو النوكيا مش زى الصيني هل ده شبيه بالموبايلات ؟؟؟ يعني بعد سنتين ولا 3 ولا حتى 5 سنين لو لينا عمر هلاقي العربية بح راحت عليها ؟؟؟ ولا فكرة العربيات الصيني وحشة ليه ؟؟

هل المواصفات اللى قولتها مهمة اللى هى abs و airbags و 8 او 16 صبابات ؟؟؟؟

**janagabr** · 12-10-2013 09:37 PM

المشاركة الأصلية كتبت بواسطة engineer sara

هل المواصفات اللى قولتها مهمة اللى هى abs و airbags و 8 او 16 صبابات ؟؟؟؟

ههههه شكلك لسه حافظاهم

**J A G U A R** · 12-10-2013 10:12 PM

هل بروتون جين تو تدخل معاهم في المنافسة ؟؟؟؟
البروتون غير التيجو والسانديرو عربيه برستيج ومنظر وشبابيه وكماليات وابشنز عالى اوى وثابته جدا عيوبها خامات التابلوه
والتقفيل تعبانين وصوت الماتور عالى بس بيديك احساس رياضى

**J A G U A R** · 12-10-2013 10:14 PM

بصرف النظر ان التيجو صيني وكل الناس بتقول صيني لا طب ليه ؟؟؟
الناس عندها عقده من الصين

**J A G U A R** · 12-10-2013 10:17 PM

يعني بعد سنتين ولا 3 ولا حتى 5 سنين لو لينا عمر هلاقي العربية بح راحت عليها ؟؟؟
دى بقى حاجه ترجع لكل شخص واستعماله .. الحاجه لو بتحافظى عليها هاتبقى كويسه وهاتعيش .. مش هاتحافظى عليها مش هاتلاقيها