الموضوع: اكتافيا a7 الجديدة ::: <<< صناعة هندي >>>

المشاركة الأصلية كتبت بواسطة mo7a_mo7a

الخلاصة لان واضح ان الرسالة مبتوصلش حتي بالعربي:

لا وصلت الرسالة يا باشا بدليل كله رد :) متقلقش

1. سكودا فتحت خط انتاج جديد في الهند علشان يعمل اكتافيا a7 بداية من اغسطس الماضي ضمن مصنع قائم بيعمل رابيد ويتي وسوبيرب
   - كلام جميل مفيهوش مشكلة.والـثلاث عربيات اللي ذكرتهم محدش عاب فيهم أو حذر منهم ( خاصة السوبيرب بالرغم من ضعف مبيعاتها بحكم الفئة السعرية )
2. ارتوك اوتو وكيل سكودا في مصر بيتعامل مع المصنع ده وسبق واستورد منه رابيد - ودي حاجة معروفة لدي الجميع مفيهاش مشكلة وروحنا اتفرجنا عليها وعملنا تيست درايف عليها وعربية محترمة
3. في احتمال ان تبدا تنزل مصر شحنات هندي - بعيداً عن كونها مشكلة ولا لا يا ريت تفيدنا بدليل علي الإحتمال ده أكون شاكر لك.
4. العربية الهندي مش تقفيل هندي بس لكن في نسبة من المكونات هندية الصنع حتدخل فيها - يا ريت بردو دليل علي الكلام ده وإيه نوع المكونات دي
5. اي حد عنده مشكلة انه يركب عربية هندي ياخد باله من شهادة المنشا وهو بيشتري - أشكرك علي التنبيه
6. اي حد معندوش مشاكل مع الهندي : تمام تمام ومتشغلش بالك بالهري اللي احنا بنعمله ده كله - السماع من كذا جهة ومعرفة ضروب وجهات النظر أمر مطلوب ومفيد

اما بالنسبة للناس الحساسة اللي بتعتبر نقل الاخبار والمعلومات الجديدة تشكيك واشاعات واصل وفصل والكلام ده :

1. متشغلش بالك باللي احنا بنقوله ده كلام ناس منفسنة وبتحقد علي العربية - بناءً علي إيه حضرتك تخيلت إن حد قال الرأي ده ؟
2. الصناعة الهندي اثبتت التجارب المعملية الحديثة انها افضل من التشيكي والالماني والدليل علي كده ان مفيش تكتك في مصر عنه مشاكل في الفتيس ولا عيوب في الصناعة او اعطال - Nice joke
3. صناعة السيارات في الهند متطورة جدا وبعملو عربيات تاتا وتاتا نانو وفيرنا فيفا وكمان نيسان صني الجديدة اللي كل اللي اشتراها مبسوط منها وبيعيط علي السنين اللي ضاعت من عمره قبل ما يركبها - بعيداً عن تاتا ونانو شخصياً مشوفتهمش غير وأنا عندي 13 سنة في المدرسة وكان هو الباص بتاعي..أما بالنسبة للفيرنا فيفا والصني الجديدة فمحدش ضرب اللي راكبهم علي إيده وإشتراها لأنها عجبته ومدفعش فلوسها في عربية تانية.وربنا يباركله فيها..
4. الخبر اللي انا جبته من موقع سكودا اكتافيا الرسمي بالتشيك طلع اشاعة متشغلش بالك بيه - زي ما قولت لحضرتك الخبر تمام مفيش مشكلة..المطلوب بقا دليل علي جملة إحتمال نزول شحنات لمصر الفترة اللي جاية.
5. سكودا اجدع ناس - اكتافيا اجدع ناس - ارتوك اوتو اجدع ناس - الهند اجدع ناس

المشاركة الأصلية كتبت بواسطة mo7a_mo7a

لو حضرتك عايز تشوف الرابيد الهندي اتفل بزيارة اي معرض تابع للتوكيل
الصورة اللي حضرتك حاطتها دي كانت للنماذ الاولية للسيارة سنة 2010 اللي بتنت حاليا شكل واحد

الحقيقه انا ماشوفتهاش على الطبيعه ولا شوفت بلد المنشأ

والصوره اللى انا حطيتها مش نماذج أوليه , العربيه موجوده على موقع الهند

http://www.skoda-auto.co.in/models/Rapid/exterior

حضرتك بس إعمل search على الكلام اللى انا قولته فى المشاركه الأولى هاتلاقيه صح

مفيش رابيد شبه الأوكتافيا بتتعمل فى الهند وإلا كانت من أول الدول اللى تتباع فيها , الرابيد الأوروبى تقفيل تشيكى , وبتتقفل فى الصين للصين , وفى 2014 هاتتقفل فى روسيا لروسيا

ومواتيرها 1200 و 1400 TSI وموتور 1200 سى سى MPi قوته 75 حصان غير الديزل , وأى أوتوماتيك بتاعها DSG

وتعتبر توأم السيات توليدو الجديده , نفس العفشه والمواتير والفتيس وخارجين من نفس المصنع

أما الرابيد الهندى فموجوده زى ماقولت مش مجرد نماذج . العربيه مبنيه على البولو السيدان الجديده , الإتنين نفس العفشه والمواتير والفتيس وخارجين من مصنع واحد