الموضوع: اكتافيا a7 الجديدة ::: <<< صناعة هندي >>>

اعتقد دة عادي ومعظم الشركات العالمية بقت بتعمل كدة زي البيجو بقت بتقفل عربياتها في اسبانيا دلوقتي معظم الشركات بتعمل استثمار في بلاد الايد العاملة هناك رخيصة عشان تعلي ارباحها لاكن الجودة ستكون متقاربة جدا لان مش شركة زي سكودا هتدمر سمعتها في السوق وهيكون في ناس لمراقبة الجودة اكيد علي التقفيل

المشاركة الأصلية كتبت بواسطة M I D O

اعتقد دة عادي ومعظم الشركات العالمية بقت بتعمل كدة زي البيجو بقت بتقفل عربياتها في اسبانيا دلوقتي معظم الشركات بتعمل استثمار في بلاد الايد العاملة هناك رخيصة عشان تعلي ارباحها لاكن الجودة ستكون متقاربة جدا لان مش شركة زي سكودا هتدمر سمعتها في السوق وهيكون في ناس لمراقبة الجودة اكيد علي التقفيل

اولا مش شرط انها تتجمع في الهند يكون ده سبب فى انخفاض الجودة بشكل رهيب لكن ممكن ياثر نسبيا بسبب مستوى تعليم وتدريب العمال ونوع وكفائة وحداثة الماكينات وتوافر المعدات والمواد الخ

علي سبيل المثال انا قضيت فترة من حياتي في المانيا وواحد قريبي طلب مني اني ابعتله ماكينة خراطة .. بدون ما اوجع دماغك بالتفاصيل .. بعد ما اخترنا مكنة حديثة جدا وقوية جدا رفضت شركة الشحن تبعتها مصر .. واكتشفت وقتها ان في بعض المعدات والماكينات الصناعية ممنوع تصديرها خار المانيا الا بعد ما يعدي عليها كذا سنة .. وده اللي بيخليهم متفوقين وبيخلي العربية الالماني مختلفة عن اختها اللي بتتصنع في خارج المانيا

اما المهم بقي ان لما تجيلي عربية هندي يبقي في نقطتين:
الاولي ان يتقال بوضوح انها هندي ثانيا مدفعش فيها نفس السعر

ولا ايه ؟؟ رايك؟؟

المشاركة الأصلية كتبت بواسطة medo2811

في مصنع في الهند بس دة مش معناة ان اوكتافيا a7 هندي ولا ان عربيات تصنيع الهند هتيجي مصر يا فندم
و اعتقد ان شهادة المنشا بتاعتها من التشييك

يا فندم الموضوع واضح زي الشمس الخط بتاع الاكتافيا لسة بادئ شغل في اغسطس وانا مقلتش ان الاكتافيا الموجودة في مصر هندي علي العكس انا قلت انها تشيكي في المداخلة الثانية
ولكن

الرابيد الموجودة في مصر هندي
وده معناه بكل وضوح ان التوكيل (ارتوك اوتو) بيتعامل مع مصنع الهند وبالتالي ممكن نلاقي في المستقبل القريب اكتافيا هندي في مصر
وبناء عليه وجب التنبيه والتنويه علشان الكل ياخد باله
ولا المفروض كنت اعرف المعلومة واسكت ومبلغش الناس ؟؟؟

المشاركة الأصلية كتبت بواسطة medo2811

كمان بي ام دلوقتي بتتقفل في مصر عادي محدش قال دي عربية مصري

يا باشا قطع لسان اي حد يقول علي بي ام مصري
طب ما مرسيدس c180 لتتقفل عندنا تبقي مصري؟؟

انما اللي بنتكلم عليه ده مصنع كامل للتجميع وبنسبة مكونات صناعة هندية مش اي هجص زي اللي عندنا في مصر

المشاركة الأصلية كتبت بواسطة Meggieboy

أولا كل سنة و حضرتك طيب....كلام حضرتك طبعا وارد و كل واحد لازم ياخد باله من بلد المنشأ و لكن فى أعتقادى ممكن الموضوع يكون صعب بعض الشئ للأسباب الأتية:
- الشركات الكبيرة و خصوصا مجموعة فولكس بتعمل مصانع تجميع لسيارتها فى الأسواق الكبيرة و ذلك لتقليل السعر زى سوق الهند و سوق الصين و سوق البرازيل و سوق روسيا و المكسيك لتغذية سوق أمريكا
- كل هذه الأسواق للإستهلاك المحلى و ليس للتصدير و ذلك لأن مواصفات السيارة بتبقى مناسبة لسوقها و ليس للتصدير....أنا بنفسى شوفت الباسات و الجيتا فى الصين تجميع صينى تحت أسامى "ساجيتار" و " ماجوتان" طبعا مختلفين عن الألماني بعض الشئ و شوفت المستوردين منهم
-البعد الرهيب لسوق الهند عنا مقارنة بالتشيك يخلى الشركة الأم تشحن أسهل و أقل سعرا من التشيك

طبعا كل شئ زى ما حضرتك أشرت وارد و وجب برده التأكد من بلد المنشأ لأن دفعة عن دفعة ممكن تفرق

اولا وحضرتك بالف صحة وسعادة وكل عام في خير ونعمة اكثر

ثانيا سكودا (علي حد علمي) ليها مصنعين تانيين خارج التشيك الاول في الصين وده احتفل السنادي بانتاج مليون عربية اكتافيا والثاني في روسيا ودول مصانع للسوق المحلي فعلا لان تعداد السكان والوضع الاقتصادي للدول دي بيشجع الشركات انها تفتح هناك
اما مصنع الهند ده للتصدير الي جانب السوق المحلي والدليل علي كده الرابيد
ثاني دليل ان الهند من 2001 حتي 2-12 اتباع فيها 45 الف عربية اكتافيا ومموع 178 الف عربية سكودا تفتكر ان شركة كبيرة زي سكودا تفتح في الهند علشان السوق المحلي؟
ممكن يكون احد الاسباب لكن مش السبب الرئيسي
شبه القارة الهندية فيها مليار و 300 مليون نسمه لكن كلهم فقراء والقوة الشرائية للدولة الهندية ضعيفة
ودي ميزة لان الايدي العاملة رخيصة والمحفزات الاقتصادية والاستثمارية كبيرة وبالتالي سكودا تحب تفتح هناك مصنع علشان تنت عربيات منخفضة التكلفة تناسب من ناحية القوة الشرائية الضعيفة في السوق وتفتح افاق اكبر للتصدير


هذا والله اعلم

تقبل تحياتي