سؤال محيرني جدا ومقارنات كتيررر

**tamer_a7** · 19-10-2013 12:07 PM

اول حاجه كل سنه وانتم طيبين
نخش في الموضوع علي طول انا معايا اكسيل الحمد لله زي الفل عربيه محترمه وكويسه وانا محافظ عليها والامور زي الفل ما بينا احنا الاتنين
القصه هيه في ان الاكسيل مهما كان عربيه محدوده شويه يعني تابلوه فقيرشويه صالون نفس القصه يعني فعلشان كده الواحد حب يغير لحاجه تكون بردو قريبه من الاكسيل
طيب ايه الطلوب
اعاده بيع تكون معقوله طبعا صعب زي الاكسيل
قطع غيار معقوله
طبعا صالون وتابلوه يكون ظريف
طيب ايه المتوفر
لانوس للاسف مش هنروح بعيد بل العكس قريبه جدا
لانسر طبعا (مع كامل احترام لمالكيها سعر البيع بتعها في السماء بطريقه مستفزه وبردو نفس القصه هيه مش فرق كبير اوي)
انا باافكر في الاوبل الاسترا او الكورسا 2004-2006 اللي هما 1600 cd دول طبعا الاتوماتيك بتاعهما ما عليهوش اختلافات والناس كلها شايفه ان طبعا افضل فتيس اتوماتيك هو الالماني او الياباني
النوبيرا بس هتكون مانيوال ودا علشان كميه الشكوي العجيبه من الفتيس بتعاه الاوتو
فيا ريت اللي عنده راي بجد يهمني اسمعه

**tamer_a7** · 19-10-2013 12:14 PM

انا باتكلم في رنج ال40 الي 45

**Dr.Ragoooo** · 19-10-2013 01:04 PM

الرينج دة ممكن يجيبلك لانسر كريستالة حالتها كويسة بس هتتعب شوية على م تلاقى

**tamer_a7** · 19-10-2013 07:46 PM

المشاركة الأصلية كتبت بواسطة dr.ragoooo

الرينج دة ممكن يجيبلك لانسر كريستالة حالتها كويسة بس هتتعب شوية على م تلاقى

للاسف النظيف قليل والموجود نظيف مطلوب فيه ارقام فلكيه

**Abdelmoneem** · 19-10-2013 10:15 PM

نصيحة ابعد عن النوبيرا، العربية موقوف تصنيعها من زمان وشبه مستحيل تلاقي واحدة استعمال نضيف، اللانوس أفضل منها، خصوصًا لو لقيت موديل حديث واستعمال نضيف، اللانوس لسه بتنزل جديدة في السوق وقطع غيارها مرطرطة وفي إعادة البيع كويسة زيها زي اللانسر، كان معايا لانوس قعدت معايا 5 سنين زي الفل وثباتها حلو في السفر، بس حاول تجيب موديل حديث قدر الأمكان يعني من 2004 وانتا طالع وكيلومترات قليل وطبعأ برضه صعب تلاقي حالة كويسة بس انتا متستعجلش، بالنسبة للأوبل أنا معنديش أي خبرة فيه ممكن الأعضاء يفيدوك.

**S O P H O S** · 21-10-2013 12:34 AM

فكرت فكورولا عيون مثلا

**Mamoud salah H** · 22-10-2013 06:51 AM

انا شايف ان المبلغ الي معاك يجبلك كذا حاجة لذيذة ومنهم الماني تمام
1-سيات ابيزا 2000:2002
2-اوبل كورسا 2003ومفيش منها اوتوماتيك علي ما اعتقد وعلي فكرة المبلغ الي مع حضرتك ميجيبش استرا 1600 نضيفة
3-اوبل فيكترا 1996:1999 ودي معايا وعربية ماشاء الله عليها زي الفل
4-هوندا سفيك 1993 عربية ملهاش حل بردة بس مكن تكون كصالون وطابلوه مش فخم بس بالنسبة للموديل مناسب جدا
5-فولكس فاجن جولف 3
6-لو قدرت تزود 10000 كمان يبقي قدامك ميجان 2005:2006
7-لو غاوي بي ام ممكن تدور علي e30 1988 مثلا
8-وفي عندك لنوبيرا واللانوس بس بصراحة انا لا اعترف بيهم كعربيات وعن تجربة مش كلام في الهوا