تقرير عن تسريب كوعه الميه

**adhmmaamon** · 19-10-2013 07:49 PM

بسم الله الرحمن الرحيم

بعد ماتم عرض المشكله اول امس وتتلخص فى ان كوعه الميه بتسرب وده معناه غير نقص المياه ان اكيد الدوره واخده هواء لان بالنظر فى قربه الميه مكنش باين ان الطرمبه بتقلب ميه ولما جيت اطلع الهوا عن طريق خنق الخرطوم الكبير كانت الكوعه بتسرب ميه بطريقه ملحوظه ..وبعد استشاره الزملاء وتفضلهم بالرد الكريم عليا تم عمل اللازم واليكم التجربه مدعومه بالصور ..

اولا الصوره رقم واحد بتبين مكان التسريب من الكوعه

ثانيا الصوره رقم 2 وقد تم فك الجزء اللى فيه التسريب بمفتاح 8

ثالثا الصوره رقم 3 تبين الجزء الاخر من الكوعه

رابعا الصوره رقم 4 وقد تم وضع سيليكون حرارى على الجزء اللى بيسرب بعد فشل محاولات عمل شنبر لان الساده بتوع قطع الغيار والصنايعيه اللى ممكن يفصلوا جوان لسه بيعيدوا (ان شاء الله بعد فتره هافك الكوعه تانى واركب لها جوان علشان ده الصح)

الصوره رقم 5 تبين الكوعه وقد تم تركيبها الانتظار لحين نشفانها ثم التحريق على مساميرها وبالمره تم غسل دوره الميه ووضع كانز مياه خضرا لحد ماربنا يسهل ونجيب ميه توتال او موبيل وتم سحب الهوا ..

النتيجه: تم منع التسريب نهائيا والحمد لله ..تم عمل مشوار بالعربيه حوالى 40 ك والحراره فى النصف والمروحه تشتغل تقوم نازله لتحت النصف ..

الموضوع شجعنى انى اعمل اللى اقدر عليه بايدى خصوصا لما يكون فى دعم من ناس محترمين زيكم

**aw2100** · 19-10-2013 11:34 PM

الله ينور عليك وده الصح انك تمد ايدك فى عربيتك للصيانات البسيطة ولا الحوجة للدكاترة اصدى الميكانيكية تحياتى !!

**sakr_skoda** · 20-10-2013 06:51 AM

الف مبروك ايو كدا اتشجع واعمل اللى تقدر علية بايدك واحنا هنا حنساعدك فى كووووول حاجة انشالله وتغير طقم الديبرياج كمان بنفسك زى ما انا عملت امس فى البيت وعلى فكرة تفصيل الجوان مش حكاية انتا لو اشتريت حتة جرنجريد وطبعط عليها الكوعه بعج متفكها وقصيت كنت حتلاقى الموضوع تافه للغاية الواحد بيعملة على الواقف يعنى مش حكاية وانا قلتلك الجون مش بيتباع بيتفصل تفصيل بالجرنجريد....*

**أحمد جودة** · 20-10-2013 12:33 PM

الله ينور عليك ويارت الناس كلها تمد ايدها فى العربية علشان مش فى كل وقت وكل مكان تقدر تلاقي ميكانيكي

**sakr_skoda** · 20-10-2013 08:26 PM

المشاركة الأصلية كتبت بواسطة adhmmaamon

وعليك ياباشا ..على فكره انا عربيتى نفس بتاعتك بالظبط نفس الموديل 96 ونفس اللون بالمللى ربنا يباركلك فيها ويكفيك شرها ..عايزين بقى نشوف حل لموضوع توسيع الشنب ده وتركيب شبكه سبور لو امكن الموضوع ده اكيد هايقضى على السخونه (اللى الحمد لله مابقتش موجوده ) وكمان بيظبط جدا شكل العربيه ..

بلاش ارجوك تفكر تلعب فى شنب العربية انتا عارف لو قربت الموس على شعرة واحدة من شنب العربية حتعضك وعضة الفليشيا ملهاش دوا....*

بص ياصديقى العزيز انتا لو لعبت فى الشنب دا اه حيخلى شكل العربية متغيير وبكدا لو فكرت تبيع لاسامح الله حتنزل من سعرها كتير فخليها على كدا ببصمة الفليشيا وبصمة بلادها انما لو ناوى تقنى على طول يبقى انتا حر احلق شنب الفليشيا ودقنها وخد حوجابها بالفتله هههههههههه

**aw2100** · 20-10-2013 11:09 PM

المشاركة الأصلية كتبت بواسطة adhmmaamon

والله ياباشا انا عمرى ماكنت هاعرف اعمل حاجه لولا توجيهاتكم واهو الواحد بيتعلم وفى نفس الوقت ممكن يحصل حاجه ويبقى مفيش البيه الميكانيكى تبقى حوسه ..كفايه ان الواحد شغال فيها بنفس مفتوحه بعد ال128 اللى كرهتنى فى نفسى

حتقولى على ال 128 دى عشرة 14 سنة كانت معايا 128 زاستافا قبل الفليشيا عربية مشكلة هى موتور جبار بس تصميم الشاسية و العفشة تعبان والحمد لله على نعمة الفليشيا وربنا يديمها نعمة !!