الموضوع: دبرياج الفيفوريت (مرزوقة فى العيد)

السلام عليكم ورحمة الله وبركاته
تقبل الله منى ومنكم صالح العمال...........
مرزوقة بعافية بس الحمد الله قامت بالسلامة انا من فترة حولى 15 يوم مرزوقة كل شوية الديبرياج يوطى وماتخدش غيار اقوم رافعة يوم اثنين يوطى لدرجة انى شكيت فى الصامولة اللى ماسكة الشداد ربط بصامولة تانية برضو بيوطى بعد كام يوم سمعت صوت احتكاك قلت فى اجازة العيد اشوف الموضوع طبعا انا شكيت فى بلية الدبرياج لنها هى المسؤلة عن عملية قبول الغيار من عدمة وشكيت كمان فى الدسك قلت فى الأجازة خرجت بالعربية يوم العيد اديتها لفة على العائلة ويدوبك روحت والعربية صوت الدبرياج على جامد قلت خلاص احاول اظبطها ويوم الاحد لما اروح الشغل اشترى بعد لوازمها
المهم خرجت يوم السبت يدوبك 150 متر مرزوقة وقفت وبرقت عينها وقالت ايه انتا مش بتحس مش كفاية خليتك تعيد ومعملتهاش على الطريق قلت اسف يامرزوقة رجعتها على البيت زق ودخلتها الجراج ولبست هدوم الشغل ونهت الولد حى على الجهاد حى على الجهاد طلعو العيال خير قلت حنفك الفتيس !!!!!!!!!!!!!!!

هما طبعا استوو معايا فى المرة اللى فاتت بس المرة دى اتعلمت حجات اكتر وتلافيت اخطاء التجربة الأولى....

نزلنا الفتيس لاقيت بلية الديبرياج مفرومة بمعنى الكلمة والديسك مكسور منه 8 سنات وضرسين هههههههههه....

الحمد الله كان عندى بلية ديبرياج شغاله بسيط وديسك برضوا شغال بسيط ....

طبعا الاسطوانة زى الفل اكنى مركبه من يومين....
نضفت الفتيس وركبت والحمد الله تمت العملية بنجاح منقطع النظير وسرعة فائقة....*

طبعا انا حبيت اسرد الموضوع بطريقة القصة وتجنبت الصور حيث ان هناك موضوع بالصور عن فتيس مرزوقة (الفليشيا واخواتها )فى المثبتات ضمن موضوع الشروحات المصورة فليشا واخوتها....

اللى عاوز اقوله للزملاء لابد ان تتعلم كيف تعالج امراض سيارتك بنفسك الموضوع والله مش مشكلة وانتم عارفين ايه اللى خلانى اعمل الموضوع دا التحدى اتحديت نفسى فى المرة السابقة روحت للميكانيكة مشوار طلب اسطوانة رجعت تانى يوم قالى هات العربية بكرة من الصبح مع انى روحت بعد الظهر ولسة النهار طويل حلفت والله لفك الفتيس بنفسى واتحديت نفسى مع انى مكنتش اعرف الفتيس دا راكب ازاى لاكن واحدة واحدة عرفت افكة ولما نزلته فى الأرض الفرحة مش سيعانى واه تعبت جدا جدا وانكسر ليا سنة معلهش العلم مش ببلاش واتعلمت افك واركب بكل بساطة....