الموضوع: أرجو الدخول للأهمية والمساعدة السريعة

السلام عليكم ورحمة الله وبركاته
أرجوكم تساعدونى ف هذا الأمر ضرورى
انا بقالى فترة بجمع معلومات عن شيفورليه لانوس زيرو و فيرنا زيرو وعندما توصلت للمميزات كل سيارة على حدا وقبل اخد قرار الشراء إذ اكتشف من اللذين استلموا السيارات من المعارض او الوكيل مباشرة انهم بدأوا فى اكتشاف مشاكل التقفيل وعيوبها الغبية من السادة (منصور شيفورليه بخصوص اللانوس ) ( او غبور بخصوص فيرنا ) ولما سمعت أراء والمشاكل من اصحاب السيارات الزيرو عاوز اقولكم على الاحساس اللى انا حاسه دلوقتى
ازاى اكون قرفان من السيارات القديمة ومشاكلها واقرر اشترى سيارة زيرو فاجد بها مشاكل اخطر من القديم مثلما حدث لمن قرر الشراء من قبلى فى حين انى هشترى سيارة تقسيط يعنى هدفع قسط ومصيبة لما الاقى الزيرو كمان فيها مشاكل ده يبقى اختيار اسود وانا مش جايب الكلام ده من عندى خشوا على قسم الفيرنا وقسم شيفورليه لانوس وشوفوا بنفسكم وقولولى اعمل ايه لما اروح اشترى عربية زيرو واجد انها سبق لها وعملت حادثة خفيفة او كبيرة ويعالجوها من غير ما نعرف لانك رايح تشترى عربية زيرو واذ تقابل مشااااااااااااااااااااااا اكل التقفيل والتجميع الغبى قولولى اعمل ايه وايه رأيكم ف الكلام ده واشترى مين فيهم بعد اللى قولتهولكم ده ولا أشترى دماغى واخلينى فى عربيتى الدايو ماتيز اللى أنا عارف خباياها واصلح فيها اللى عايزاه من غير ما يكون عليا اقساط
وشكرا

المشاركة الأصلية كتبت بواسطة aboamina

انا رأيي انه حرام انك تزنق نفسك في أقساط ووجع قلب عشان تركب لانوس او فيرنا زيرو بدل ماتيز قديمة شوية بصراحة الفرق مش كبير قوي بينهم ومياستهلش خصوصا انه واضح من كلامك انك مش متحمس قوي للانوس او الفيرنا ... لو عايز نصيحتي اصرف قرشين على عربيتك القديمة وفوقها عشان ترضى عليها واصبر لغاية لما تقدر تغير لحاجة اعلى بجد شكلا وموضوعا زي الكورولا واللانسر والالنترا والسيراتو...الخ وقتها بس هتحس انك نقلت لعربية اعلى بجد ... ربنا يوفقك

أولا اشكرك على الرد والمساعدة والله انا فعلا ابتديت اصرف نظر عن الموضوع ده مدام مشاكل بمشاكل يبقى العفريت اللى تعرف تصرفه احسن من العفريت اللى متعرفش تصرفه كلامك صح وانا بردو عربيتى الحمد لله كويسه فبريكا من الداخل ومعظم الخوارج وحالة موتور كويسة ماشية كويس بس انا قولت تغيير بس على اللى احنا شايفينه يبقى بلاها وكتر خير المصريين اللى خلونا نصرف نظر عن اى حاجة هما بيجمعوها خلينا فى المستعمل المضمون بتاع بلاد بره احسن من الزيرو تقفيل المصريين وانتهت الحدوته وصحينا من الكابوس