برجاء الدخول والمساعدة من اعضاء المنتدى

**abdoelsayed** · 10-04-2011 07:25 PM

السلام عليكم ورحمة الله وبركاته

انا جديد فى اللمنتدى وكنت طالب مساعدة من اعضاء المنتدى وواثق انى هالاقى طلبى هنا

كنت بفكر اشترى عربية فى حدود من 25 الى 30 الف وكان قدامى اختيارات بس بصراحة مبعرفش ف العربيات زيكم ياريت تتفضلوا بالمساعدة وابداء الراى

الانواع اللى بفكر فيها كالتالى :-
1- سيات ايبيزا 94
2-اسكودا فيليشيا 96
3-فيات ريجاتا
4-بيجو 504 موديل 79 او 78 ودى بصراحة كانت اول اختيار قدامى
5-جولف 68

معلش عارف انى طولت عليكم بس ياريت لو حد يقدر يساعد يتفضل بالنصيحة وياريت الرد بسرعة لانى ناوى فعلا اشترى خلال ايام
متشكر جدااااااااااااااااااااااا اااا

**ashoub** · 10-04-2011 10:05 PM

ليه مفكرتش فى البولو موديل 95 او 96 او 97 هتبقى فى الرنج الى معاك ولو معاك اكتر هات جولف 3 هتعمل حوالى 35 الف وده راى الشخصى بس متستعجلش وهات حاجه حاله كويسه

**abdoelsayed** · 10-04-2011 10:35 PM

متشكر جدا على الراى والنصيحة -- ومنتظر نصيحة باقى الاعضاء

**elpasha1** · 10-04-2011 10:49 PM

ممكن تفكر فى هيونداى اكسل او كيا برايد افضل (قطع غيار ارخص )
- لكن لو من ضمن اختياراتك تبقى ( ابيزا او فليشا) على اساس انهم يعتبروا موديل قريب
- والبيجو لو كنت بتسافر وعيل كبير ة
وبالتوفيق ان شاء الله

**abdoelsayed** · 10-04-2011 11:51 PM

متشكر ياباشا على الرد

انا محتاج حاجة تستحمل السفر والبهدلة وبالنسبة للعيلة هم 4 افراد

الفكرة هنا لو هتجيب ممكن تجيب حاجة موديل قديم زى البيجو 79 او 78 ولا تخليك فى الاحدث زى الفيليشيا والايبيزا

وكمان لو قدامك الاتنين فيليشيا وابيزا ياترى الافضلية لمين

اسف عارف انى طولت عليكم بس اكيد حاسين بحيرتى لانكم اكيد مريتم بيها اول مرة

متشكر جداااااااااااااا ومنتظر الرد

**ashoub** · 11-04-2011 03:54 PM

ابيزا احسن من الفليشيا والى احسن منهم البولو انا تعبت كتير زيك وابعد عن البيجو عربيات قديمه وهتقرفك البولو والابيزا عربيات قويه وتتحمل

**abdoelsayed** · 11-04-2011 10:24 PM

متشكر جدا على النصيحة الغالية وجزاكم الله خيرا

انا فعلا مستريح نفسيا للايبيزا بس الناس بتخوفنى وبتقول ضيقة ومش فى نفس كفاءة الفيليشيا مع انى نفسيا مستريح للايبليزا

الحاجة التانية تفتكر انه من 25 الى 27 الف ممكن اجيب ايبيزا موديل 94 نضيفة ولا ايه الظروف ؟؟؟

**grumby78** · 11-04-2011 11:34 PM

اولا مافيش وجه مقارنه بين الفليشيا -مع احترامي لملاكها -وبين الابيزا . الابيزا سياره اعتماديه جدا قليلة المشاكل وغير معقدة الصيانه وقطع غيار متوفره جدا مستعمل وجديد بكافة الاسعار ناهيك عن الشكل اللي في رايي الخاص متفوق لصالح الابيزا حتى في الموديلات الاقدم .. والسعر ده للاسف مايجيبش ابيزا كويسه 4 doors 1994 حتلاقي فيها صرف اكيد الابيزا الكويسه مش اقل من 30000 الى 35000 كحد اقصى لافضل الحالات ... بالتوفيق

**abdoelsayed** · 12-04-2011 01:56 AM

متشكر جدا على الرد والنصيحة -- بس مواقع زى كونتاكت كار وغيرها كان فيها تقريبا كل الايبيزا 94 فى رينج ال 26 الف ومنظرها بصراحة شدنى وفبريكا من جوة فمش عارف ظرفها ايه

ومنتظر اى نصيحة من الاخوة الافاضل بس كده الواحد استريح اكتر للسيات وربنا يقدم اللى فيه الخير