سؤال علمى فىbyd f3

**ahmedalqat** · 14-09-2008 04:55 AM

انا صاحبى من الريف اشترى byd المشكلة لا يوجد عندهم بنزين 92 ينفع 90 ولو استخدم 90 ماهى الاضرار وهل فعلا المفروض 93 بس دة مش فى مصر

**thewhitehorse** · 15-09-2008 03:16 AM

الرجاء الرد على الموضوع لان انا عندى نفس المشكله
وانا متردد فى شرائها علشان حكاية البنزين دى
لان اقرب بنزينه ليا فيها 92 على بعد 40 كيلو

**Dr Ahmed** · 15-09-2008 05:08 AM

وهيعمل إيه لو حد قال إنه ما ينفعش؟
هل هيبيع العربية وللا هيسافر كل مرة يمون فيها؟

عدم الرد ممكن يعنى عدم معرفة من إطلع على الموضوع بالإجابة ، ومن الأفضل سؤال التوكيل ونقل الإجابة هنا لأن السيارة جديدة وعن نفسى لا أعلم طبيعة موتورها وتقبله لبنزين 92 أو غيره

أنا لو مكانه غصب عنى همون 90 وأنا ونصيبى

**Sameh** · 15-09-2008 03:07 PM

تجيب عبوات (أوكتان بوستر) وتحطها معاك فى شنطة العربية ، العبوة فى حدود 25 جنيه وفى أنواع كتيرة فى محطات البنزين
تزود منها على كل تفويلة بنزين 90 أو حتى 80 ، بس ابقى إقرأ اللى عليها ممكن ترفع الأوكتان كام نمرة وإيه هى الكمية المناسبة على 50 لتر بنزين مثلا

**moh_code** · 14-10-2008 08:56 PM

أنا معاى F3 gli أول ماشتريتها حطيت بنزين 90 ومشيت معاى 100% بدون أى مشاكل وبعد ذلك قررت أغير لـ 92 بصراحة حسيت بفرق فى سحب العربية طبعاً للأحسن .
أنصح الأخ الفاضل أن يمون على قدر المستطاع بنزين 92 لأنه أحسن للسيارة الجديدة
وإذا إزنق يمون بنزين 90 والله الموفق

**OldVic** · 14-10-2008 09:07 PM

المشاركة الأصلية كتبت بواسطة Sameh

تجيب عبوات (أوكتان بوستر) وتحطها معاك فى شنطة العربية ، العبوة فى حدود 25 جنيه وفى أنواع كتيرة فى محطات البنزين
تزود منها على كل تفويلة بنزين 90 أو حتى 80 ، بس ابقى إقرأ اللى عليها ممكن ترفع الأوكتان كام نمرة وإيه هى الكمية المناسبة على 50 لتر بنزين مثلا

لا لا لا الاوكتان بوستر ده اشتغالة كبيرة، فهو يقوم برفع رقم الاوكتان 10 points و هذا يساوى درجة اوكتان واحدة فقط! أى اذا وضعته على بنزين 90 يصبح 91.

**muslem** · 28-10-2008 01:27 AM

انا شايف ان احسن حاجة فعلا انه يزود اوكتين اللى هو فى العلبة علشان يرفع الاوكتين و اظن فى اخوة كانوا اتكلموا فى الحكاية دى قبل كده و صاحبي اللى عنده ال byd قال انه جرب حط الاوكتين ده ففرقت فى السحب و بقت تسحب احسن لكن انا مجربتهوش بصراحةكفاية تمن البنزين على