الموضوع: تقرير عن صيانة ال 10,000 فى مودرن موتورز الحرفيين بالاسكندرية

السلام عليكم ورحمة الله وبركاته
مساء الفل على كل السوزوكيه الجامدين.
السبت اللى فات روحت اعمل صيانة ال10,000 ك للماروتى فى التوكيل مودرن موتورز الحرفيين بالاسكندرية.
اللى حصل فى الصيانة كالاتى:
1-تغيير زيت بزيت موبيل xhp 5000
2-تغيير فلتر زيت
3-تربيط عفشه ورجلشه الفرامل وفرامل اليد
4-تزويد السوائل المطلوبه ( مياة ردياتير-مياه المساحات)
انطباعى عن الصيانة تمام وكله كويس جدا الحمد لله ماعدا حاجه واحده ان الزيت زيادة فوق الماكس بشويه صغيرين وانا ان شاء الله حدخل اى بنزينه انزل شوية من الزيت لان كده مش صح لازم يكون اقل من الماكس بشويه صغيرين
لكن طبعا مكان الانتظار سئ جدا جدا مش نضيف وممل جدا مجرد اوضه صغيره وفيها تلفزيون ومكيفه وفيها ناموس
واتكلفت 336 جنيه بالظبط (130زيت - 36 فلتر- 130 مصنعية - 40 ضريبه )
واعتقد ان دى اخر مره اروح التوكيل بعد كده اروح لاى ميكانيكى شاطر احسن كفايه عليهم ال10,000 عشان لو فى عيب ولا حاجه
ودمتم سالمين

هي العربيه مش المفروض .... ظي اي عربيه ليها ضمان مثلا فلازم تعمل صيانه في التوكيل ولو عملت بره تطلع من الضمان ؟