الموضوع: بخصوص صيانة الالف قي مودرن موتورز ابو رواش

المشاركة الأصلية كتبت بواسطة yara_87

هااااي شباااب
انا جبت عربية شانا بيني من حوالي شهرين بالظبط و الحمد لله عملت 980 كم و انا كنت عاوزة اعملها صيانة الالف كيلو بس كان نفسي استشيركوا الاول في شوية حاجات كدة عشان رايكم دة هو المرجع الاساسي ليا
مع العلم ان توكيلهل هو مودرن مودورز بتاع نيسان و سوزوكي:

1-هو انه مكان الاحسن بتاع الهايكستب ولا ابو رواش وليه"
2- هو لازم العربية تكون مقفلة الف بالظبط ولا ممكن الف الا حاجة بسيطة؟؟
3-هو انا لازم احجز قبل ما اروح فعلا؟؟؟المعلومة دي انا لسه عارفاها لما دخلت علي المنتدي؟؟؟؟طب رقم الحجز كام ؟؟؟وهم شغالين يوم الجمعة؟؟؟؟؟
4-هو الصيانة دي قين قي ابو رواش بالظبط؟؟هل ابو رواش دة بعد داندي موول ولا قبلة؟؟؟؟ياريت حد يوصفلي العنوان عشان مش عارفاه بالظبط!!!!!!!!
5-هل فعلا صياتة الالف دي لازم تتعمل قبل شهرين من شراء العربية ّّّّّّّ!!!يعني انا لو ما عملتش الف كيلو وعدي علي العربية شهرين لازم اوديها للصيانة ولا الضمان اتغلي ومش هعرف اعمل صيانة الالف؟؟؟؟؟؟؟؟؟؟ارجو الافادة لات دة اللي حصل معايا دلوقتي!!!!
6-هو انا ممكن اشتري زيت الموتور من برة ولا لازم اجيبه من التوكيل الغالي....و هل الاحسن احط بتاااع 5000 كم ولا ال10000كم
7-هو انا غالبا هدفع كام كدة في صيلنة الالف دي عشات اعمل حسابي


ميرسي كتييييييييير ليكو و سوري علي الرغي وفي انتظار الافادة

اولا الف مبرووك العربيه وربنا يبارك لحضرتك فيها ويكفيكي شرها يارب.
انا ماعنديش خلفيه عن مودرن موتورز بس ممكن افيد حضرتك في بعض النقاط بما ان مفيش حد من الاخوه جاوب حضرتك.

1- مش عارف
2- ممكن تعملي صيانة الألف سواء قبل ماتكملي الالف او بعدها بس الاحسن طبعا قبل ماتكملي عشان قريت في المنتدى هنا ان الزيت الموجود موجود عشان اول ألف كيلو بس.
3- معظم التوكيلات اتبعت سياسة الحجز قبل الصيانه عشان التنظيم وبصراحه ده احسن عشان تخلصي بدري, نصيحة عن تجربه احجزي على اول لما يبتدوا وروحي بدري جدا (اول واحده) عشان تخلصي في الاول والصيانه تتعمل بضمير.
4- مدخل ابو رواش بعد محطة امارات مصر وقبل داندي مول مباشرة بفرض ان حضرتك فوتي المدخل , ممكن تدخلي باركنج داندي مول وتدخلي يمين خالص لغاية لما توصلي للمخرج بيطلع على طريق ابو رواش. ولما بتدخلي الطريق بتفضلي ماشيه لغاية لما تلاقي التوكيل (غالبا بيبقى في الجانب اليمين من الطريق).
5- اشاعات, انا اشتريت عربيتي وركنتها اكتر من شهر وزياده عشان كنت مسافر ولما جيت قعدت فتره عبال ماعملت اول ألف كيلو وفي التوكيل ماحدش اتكلم (مش هيعملوا تحقيق اشتريتي العربيه امتى وعملتي الصيانه امتى .. الموضوع ابسط مما تتخيلي).
6- ممكن تشتري الزيت من بره بس فرق السعر لا يذكر, بس من الافضل الزيت يتغير في التوكيل عشان بره التوكيل ممكن العامل يبوظ حاجه او يركب حاجه غلط. ويفضل تحطي زيت ال10,000 كيلو عشان تريحي دماغك من كتر تغيير الزيت والفلتر.
7- مش عارف بس تقريبا 300 (قابله للزياده والنقصان).

ده رد مؤقت عبال ما احد الاخوه يفيد حضرتك ان شاء الله وألف مبروك

المشاركة الأصلية كتبت بواسطة yara_87

ميرسي كتييييييييير علي الرد و اهتمامك و ادعيلي بقي في الصيانة
و الله يبارك قيك

ربنا يكرمك ان شاء الله وتطلع سهله, وعلى فكره صيانة الألف في معظم التوكيلات بتبقى مجانيه وبيحاسبك بس على تغيير الزيت والفلتر.
بالتوفيق ان شاء الله