الموضوع: سؤال عن برجلة فتيس 301

المشاركة الأصلية كتبت بواسطة leitosr

أهلاً يا piroo أزيك,,
أولاً مبروك علي العربية وربنا يبارك لك فيها.

الفتيس زي مابعض الزملاء هوا autoadaptive automatic
وعلي حسب دوستك هوا بيحدد المفروض ينقل أمتي زي أي فتيس أوتو, بس الفرنساوي حساباته مختلفة في نقل الغيارات وال ecu مختلفة شوية عن باقي الأوتوماتيك العادي.

كل الفرنساوي مش أغلبه فيه النتشة دي في الفتيس ال ٤ غيارات لأن عزم الفتيس عالي, ودي مفهاش مشكلة.
ومفيش update لسوفت وير الفتيس علي صيانة ال ٢٥٠٠ لأن النتشة اللي ما بين الأول والتاني طبيعية في كل الفرنساوي من اكتر من ١٠ سنين.
ممكن تبقي تسألهم برضه لو حابب,, بس كل اللي أعرفهم وعملو صيانات ال ٢٥٠٠ مفهاش أبديت لسوفت وير الفتيس وكل الغربيات الجديدة نازلة بأخر أبديت,, ولأن النتشة أتعدلت وقلت كتير عن زمان,

وملحوظة صغيرة الفتيس اللي عندك هوا بتاع البيجو ٤٠٨ والكود بتاعه at8 ودا أحسن ومتعدل ونازل بأخر أبديت عن الفتيس بتاع البيجو ٣٠٧ اللي الكود بتاع al4.


النتشة بتحصل في الأوقات دي :-
(١) أنو ساعات بيكون الواحد مننا دايس خفيف علي دواسة وهوا لسه متحرك وبتبقي العربية علي الأول وتيجي تبقي عايز تزود سرعة وتدوس أكتر علي دواسة البنزين في الوقت اللي هيا بتنقل فيه للتاني فتحصل النتشة,,
لأنك زودت الضغط في الفتيس في الوقت اللي بتاخد في الغيار التاني,
(٢) ودي اللي بتحصل معايا أغلب المرات,, أني بكون وقفت عشان مطب مثلاً وطالع من المطب دا دايس بنزين جامد شوية,,
وبتكون العرببة قربت توصل للسرعة اللي بتنقل عندها للغيار التاني,
وباجي قبل ما العربية تنقل للتاني بلحظات بشيل رجليا مرة واحدة عشان بني أدم طلع قدامي أو مطب,, وبتكون العربية خلاص دخلت في رينچ السرعة أنها تنقل الغيار,,
وأنا لما برفع رجلي عن دواسة البنزين فبيقل الضغط اللازم لنقل الغيار عشان يكمل تسارع بنفس النمط اللي كنت ماشي عليه وأنا دايس عال ألاول و بجري,,
فهتنقل بنتشة ساعتها وهيا بتاخد الغيار التاني, لأختلاف وفرق الضغط العالي اللي كنت ماشي عليه علي الغيار الأول والضغط الواطي اللي أخدت بيه الغيار التاني,,


دلوقتي نيجي للحلول وهما ٤
(١) لو دوست كويس وخليت ال rpm ينقل علي ٣ او ٣.٥ في النقلة اللي ما بين الأول والتاني مش هيكون عندك أي مشاكل ولا أحساس بالنتشة دي,, لان دا من تجربتي هوا الرينچ المناسب لنقل الغيار عشان عزم الفتيس العالي,,
بس طبعاً مش دايماً الطريق بيسمح لنا بأننا نضغط علي الأول خصوصاً لو شارع زحمة أو فيه ناس ماشية علي الطريق,,

ساعتها قدامك الحلين التانين: (٢) أنك تفضل نفس دوستك الخفيفة متزودش ضغطك علي دواسة البنزين وهيا بتنقل من الأول للتاني بضغط منخفض ثابت لأن دا سبب النتشة,, وهيا هتأخد معاك شوية وقت لحد ما رجليك تاخد علي دواسة البنزين وتبقي عارف هيا هتنقل أمتي. ودي مش دايماً تظبط معاياً.
(٣) ودي اريح طريقة بالنسبة لي إني بجيبها عال تيب ترونبك وبفضل ماشي عال أول في الحتت المكسرة والشوارع اللي مليانة مطبات والأماكن الزحمة اللي سرعتي فيها لا تتعدي ال ٣٠ كم في الساعة.
وأول لما بطلع من الزحمة بديها تاني وأكمل او أنقلها عال d

وعشان متعدش كل شوية تنقل أول تاني, بعدين مطب وتنقل تاني أول, بعدين أدوس وتنقل أول تاتي بعدين الاقي حفرة وادوس فرملة وتنقل تاتي أول, بعدين ادوس تاني وتنقل من اول للتاني بعدين واحد معدي ولا زحمة وتنقل تاني أول.
ودا هوا سبب دمار أي فتيس أوتوماتيك في مصر, الشوارع المدشملة بتاعتنا وكمية النقلات الهستيرية اللي بينقلها الفتيس في شارع واحد.
مثال علي دا في شارع عندنا فيه حتت مكسرة وحتت سليمة بيطلع علي الطريق السريع حسبناها مرة العربية بتنقل كام مرة فيه,
البيجو نقلت ٢٧ مرة من اول لتاتي وتاني لأول ومرتين أخدت فيهم التالت,,
والجيتا بالفتيس ال dsg ال ٧ سرعات نقل ٩٣ مرة,!! طبعاً لان رينج الغيارات وعدد الغيارات مختلف وعزم الغيارات غير عزم فتيس البيجو,,
بس اللي أقصد اوضحه من المثال دا, هوا إن سبب تدمير الفتيس الأوتو في الأساس هوا الطريق اللي بنمشي عليه.

المهم الحل رقم (٤) ودا لو عايز تريح دماغك من كل الكلام دا وبتحب البساطة, وعشان مش حابب أدوخك بس حبيت أعرفك كل حاجة بالزتونة بتاعت الموضوع. :-)
فيه زرار عندك عليه علامة النجمة في الفتيس (*) اللي هوا أسمه snow mode.
دا بيخلي الفتيس يطلع علي الغيار التاني, في البلاد اللي فيها الطرق غرقانة تلج عشان العربية متطلعش عال أول وطبعاً عزمة عالي فدا هيخلي العربية تفقد تماسكها بالارض والكاوتش يفرك ويلف عال فاضب لانها زلقة (مزحلقة)

ودا انا بستخدمة لوظيفته التانية معايا في مصر,, لما بكون ماشي في الزحمة أو شارع مكسر وبدوس بنزين وبقف كل شوية,, وبعد لما تطلع من الزحمة والأشارات والمطبات أضغط عليها تاتي عشان يرحع الفتيس للوضع الطبيعي
ومفيش أي مشكلة أنك تفضل ماشي عال (*) أو (s) لفترة طويلة لأنها مود في الفتيس متبرمج عليه أنو يمشي بيه في أي وقت وتخت اي ظروف,, ممكن يزودو أستهلاك البنزين معاك شوية لانهم بينقلو علي rpm أعلي شوية. عشان يحافظ علي تماسك العربية علي الأرض برضه في الظروف الزلقة. ولما بتدوس فرامل بيعمل engine brake معاك وبيوقفك في وقت أسرع ومسافة أقل من وضع ال d العادي.
بس أخر ملحوظة لو معاك وزن وناس في العربية أبقي خلي رجليك ناعمة علي دواسة البنزين وأنت علي المود بتاع الجليد دا لأنك بتطلع علي التاني, يعني متدوسش جامد علي الدواسة لأنك بتطلع علي التاني, وخلي ال rpm ميعديش ٢.٥
ومجرد أنك تعدي سرعة ٣٠ كم في الساعة ممكن تدوس براحتك لأن ساعتها بتكون العربية أخدت وماشية علي سرعة الغيار التاني الطبيعية.

بالتوفيق يا بيرو, وأبقي جرب كدا الحاجات اللي قلت لك عليها وقولي أيه رأيك.

اشكر حضرتك علي هذ ا الشرح الوافي بس عندي سؤال بما ان الشواره بتاعتنا كلها مكسرة والطرق زحمة يبقي متوسط عمر الفتيس كان كيلو او كام سنة ؟؟

المشاركة الأصلية كتبت بواسطة leitosr

الشكرلله,
هيا مش بيتقاس كدا,,
الصح أنك تحسبها بطريقة سواقتك وعمل الصيانات وتغير الزيت له في معاده.

أنا أعرف عربيات ٣٠٧ معدية ال ٢٥٠ ألف ومحلتش فتيس ولا غيرته,, وعمرها لانهارده داخل في ال ٩ سنين.
وأعرف عربية ٤٠٦ معدية ال ٣٠٠ ألف وكانت مغيرة بلف الضغوط بس في الفتيس القديم اللي كان فيه مشكلة وداخلة في ال ١١ سنة.

اللي بيحافظ علي أي فتيس أوتو هوا نمط السواقة المنضبط, يكون مفهوش حرق ولا تسقيط كتير دي حاجة أساسية,,
و طرق مفتوحة علي قد ما تقدر وصيانة في مواعيدها وحاجة تانية.
دول هياحفظو علي أي فتيس وهيطولو من العمر الأفتراضي جداً,

النهارده الطرق المكسرة والمطبات العشوائية بقت واقع هتاقبله في كل حتة بسبب الأهمال في البلد,,
فعشان كدا لازم تحاول تخلي نقلاتك قليلة علي قد ما تقدر خصوصاً لو ماشي بسرعة قليلة لوقت طويل,
لأن دا اللي بيهلك الفتيس أن العربية تفضل تنقل أول وتاني اكتر من ٢٠ ل ٣٠ في شارع واحد.

ودا بسبب إن متوسط السرعة بتاعك هيبقي عمال يتراوح ما بين ١٠ ل ٣٠ أو ٤٠ كيلومتر, واول ما تلمس السرعة دي هتقف تاني وتسقط لأول تاني وتطوس بنزين وتطلع للتاني تاني,,

طريق زي صلاح سالم, أو طريق النصر ف مدينة نصر, او حتي الكورنيش في اوقات الزروة والزحمة أنا دايما بمشي عال (*)
لاني ببقي واقف عال اول واول ما اتحرك العربية يطوبك تلقط تاني فأقف في ساعتها فتسقط للأول تاني ومكونش لحقت انشي ثانيتن علي بعضهم علي الغيار التاني, وعملت نقلتين في الهوا.

طبعاً كلمة نقلتين دول ولا حاجة,, واللي يقراها هيفكرها حسوكة بزيادة,,
بس اللي يمشي في شوارع مكسرة او مليانة مطبات ويشوف العربية بتنقل بال ٣٠ و ٤٠ غيار في شارع واحد المفروض ميتنقلش فيه غير ٣ أو ٤ نقلات بالكتير لو الشارع سليم ومثبت سرعة علي ٥٠ أو ٤٠ كم
هيعرف الفتيس هيجهد منه بسرعة أزاي.

ولو عايز تشوف أجهاد غير طبيعي علي فتيس مظلوم في مصر,, وعشان كدا لازم كل واحد يقلل من نقل الغيارات في الزحمة والشوارع المكسرة,
ممكن تقرأ المشاركة دي
http://www.nilemotors.net/nile/3873861291-post13.html
http://www.nilemotors.net/nile/25031...post3873861291

انا حاجز البيجو الاوتو وبعد ما قريت الموضوع بتاع الفتيس ده بصراحة قلقت يعنى معني كده
ثانيا هو الفتيس اللي في البيجو dsg ?

المشاركة الأصلية كتبت بواسطة leitosr

ال dsg فتيس خاص بمجموعة vw وهوأصلاً فتيسين مانيوال في بعض وفيه أسطوانتين دبرياچ واحدة للغيارات الفردية والتانية للزوجية بيتحكم في نقلاتهم الكمبيوتر لان مفيش دبرياج تحت رجلك طبعاً.
وموجود في الباسات والجيتا والجولف والأوكتافيا, واغلب عربيات مجموعة vw إلا من سلم ربي.
مبينزلش في البيجو ومالوش علاقة بيها لا من قريب ولا من بعيد,,
فتيس البيجو ٤ غيارات أوتو تيب ترونيك, ومفهوش مشاكل أسطوانة دبرياچ ال dsg.

أنا لما ذكرت ال dsg في مثالي كنت بوضح إن الطرق المكسرة بتاعتنا او اللي مليانة مطبات مهلكة علي الفتيس عموماً سوا فتيس البيجو الأوتوماتيك التيب ترونيك أو الأوتوماتيك ال dsg بتاع فولكس.

وقلت الطرق اللي ممكن الواحد يحافظ بيها علي الفتيس لأطول فترة ممكنة, وميحسش حتي بالنتشة الطبيعية نهائياً.

كلامي تاني أهو,,

مثال علي دا في شارع عندنا فيه حتت مكسرة وحتت سليمة بيطلع علي الطريق السريع حسبناها مرة العربية بتنقل كام مرة فيه,
البيجو نقلت ٢٧ مرة من اول لتاتي وتاني لأول ومرتين أخدت فيهم التالت,,
والجيتا بالفتيس ال dsg ال ٧ سرعات نقل ٩٣ مرة,!! طبعاً لان رينج الغيارات وعدد الغيارات مختلف وعزم الغيارات غير عزم فتيس البيجو,,
اللي أقصد اوضحه من المثال دا, هوا إن سبب تدمير الفتيس الأوتو في الأساس هوا الطريق اللي بنمشي عليه.


وال dsg أختيار سئ في الوقت الحالي,, عشان المشاكل اللي عامله في مصر والصين وعمره الأفتراضي السئ لحد ما يكملو تطويرة ساعتها هيبقي أحسن من أي فتيس تاتي لانو فعلاً هندسته عبقرية.

اسف يا باشا يبقي انا فهمت غلط

المشاركة الأصلية كتبت بواسطة LeitoSR

أهلاً يا piroo أزيك,,
أولاً مبروك علي العربية وربنا يبارك لك فيها.

الفتيس زي مابعض الزملاء هوا AutoAdaptive Automatic
وعلي حسب دوستك هوا بيحدد المفروض ينقل أمتي زي أي فتيس أوتو, بس الفرنساوي حساباته مختلفة في نقل الغيارات وال ECU مختلفة شوية عن باقي الأوتوماتيك العادي.

كل الفرنساوي مش أغلبه فيه النتشة دي في الفتيس ال ٤ غيارات لأن عزم الفتيس عالي, ودي مفهاش مشكلة.
ومفيش update لسوفت وير الفتيس علي صيانة ال ٢٥٠٠ لأن النتشة اللي ما بين الأول والتاني طبيعية في كل الفرنساوي من اكتر من ١٠ سنين.
ممكن تبقي تسألهم برضه لو حابب,, بس كل اللي أعرفهم وعملو صيانات ال ٢٥٠٠ مفهاش أبديت لسوفت وير الفتيس وكل الغربيات الجديدة نازلة بأخر أبديت,, ولأن النتشة أتعدلت وقلت كتير عن زمان,

وملحوظة صغيرة الفتيس اللي عندك هوا بتاع البيجو ٤٠٨ والكود بتاعه AT8 ودا أحسن ومتعدل ونازل بأخر أبديت عن الفتيس بتاع البيجو ٣٠٧ اللي الكود بتاع AL4.


النتشة بتحصل في الأوقات دي :-
(١) أنو ساعات بيكون الواحد مننا دايس خفيف علي دواسة وهوا لسه متحرك وبتبقي العربية علي الأول وتيجي تبقي عايز تزود سرعة وتدوس أكتر علي دواسة البنزين في الوقت اللي هيا بتنقل فيه للتاني فتحصل النتشة,,
لأنك زودت الضغط في الفتيس في الوقت اللي بتاخد في الغيار التاني,
(٢) ودي اللي بتحصل معايا أغلب المرات,, أني بكون وقفت عشان مطب مثلاً وطالع من المطب دا دايس بنزين جامد شوية,,
وبتكون العرببة قربت توصل للسرعة اللي بتنقل عندها للغيار التاني,
وباجي قبل ما العربية تنقل للتاني بلحظات بشيل رجليا مرة واحدة عشان بني أدم طلع قدامي أو مطب,, وبتكون العربية خلاص دخلت في رينچ السرعة أنها تنقل الغيار,,
وأنا لما برفع رجلي عن دواسة البنزين فبيقل الضغط اللازم لنقل الغيار عشان يكمل تسارع بنفس النمط اللي كنت ماشي عليه وأنا دايس عال ألاول و بجري,,
فهتنقل بنتشة ساعتها وهيا بتاخد الغيار التاني, لأختلاف وفرق الضغط العالي اللي كنت ماشي عليه علي الغيار الأول والضغط الواطي اللي أخدت بيه الغيار التاني,,


دلوقتي نيجي للحلول وهما ٤
(١) لو دوست كويس وخليت ال RPM ينقل علي ٣ او ٣.٥ في النقلة اللي ما بين الأول والتاني مش هيكون عندك أي مشاكل ولا أحساس بالنتشة دي,, لان دا من تجربتي هوا الرينچ المناسب لنقل الغيار عشان عزم الفتيس العالي,,
بس طبعاً مش دايماً الطريق بيسمح لنا بأننا نضغط علي الأول خصوصاً لو شارع زحمة أو فيه ناس ماشية علي الطريق,,

ساعتها قدامك الحلين التانين: (٢) أنك تفضل نفس دوستك الخفيفة متزودش ضغطك علي دواسة البنزين وهيا بتنقل من الأول للتاني بضغط منخفض ثابت لأن دا سبب النتشة,, وهيا هتأخد معاك شوية وقت لحد ما رجليك تاخد علي دواسة البنزين وتبقي عارف هيا هتنقل أمتي. ودي مش دايماً تظبط معاياً.
(٣) ودي اريح طريقة بالنسبة لي إني بجيبها عال تيب ترونبك وبفضل ماشي عال أول في الحتت المكسرة والشوارع اللي مليانة مطبات والأماكن الزحمة اللي سرعتي فيها لا تتعدي ال ٣٠ كم في الساعة.
وأول لما بطلع من الزحمة بديها تاني وأكمل او أنقلها عال D

وعشان متعدش كل شوية تنقل أول تاني, بعدين مطب وتنقل تاني أول, بعدين أدوس وتنقل أول تاتي بعدين الاقي حفرة وادوس فرملة وتنقل تاتي أول, بعدين ادوس تاني وتنقل من اول للتاني بعدين واحد معدي ولا زحمة وتنقل تاني أول.
ودا هوا سبب دمار أي فتيس أوتوماتيك في مصر, الشوارع المدشملة بتاعتنا وكمية النقلات الهستيرية اللي بينقلها الفتيس في شارع واحد.
مثال علي دا في شارع عندنا فيه حتت مكسرة وحتت سليمة بيطلع علي الطريق السريع حسبناها مرة العربية بتنقل كام مرة فيه,
البيجو نقلت ٢٧ مرة من اول لتاتي وتاني لأول ومرتين أخدت فيهم التالت,,
والجيتا بالفتيس ال DSG ال ٧ سرعات نقل ٩٣ مرة,!! طبعاً لان رينج الغيارات وعدد الغيارات مختلف وعزم الغيارات غير عزم فتيس البيجو,,
بس اللي أقصد اوضحه من المثال دا, هوا إن سبب تدمير الفتيس الأوتو في الأساس هوا الطريق اللي بنمشي عليه.

المهم الحل رقم (٤) ودا لو عايز تريح دماغك من كل الكلام دا وبتحب البساطة, وعشان مش حابب أدوخك بس حبيت أعرفك كل حاجة بالزتونة بتاعت الموضوع. :-)
فيه زرار عندك عليه علامة النجمة في الفتيس (*) اللي هوا أسمه Snow mode.
دا بيخلي الفتيس يطلع علي الغيار التاني, في البلاد اللي فيها الطرق غرقانة تلج عشان العربية متطلعش عال أول وطبعاً عزمة عالي فدا هيخلي العربية تفقد تماسكها بالارض والكاوتش يفرك ويلف عال فاضب لانها زلقة (مزحلقة)

ودا انا بستخدمة لوظيفته التانية معايا في مصر,, لما بكون ماشي في الزحمة أو شارع مكسر وبدوس بنزين وبقف كل شوية,, وبعد لما تطلع من الزحمة والأشارات والمطبات أضغط عليها تاتي عشان يرحع الفتيس للوضع الطبيعي
ومفيش أي مشكلة أنك تفضل ماشي عال (*) أو (s) لفترة طويلة لأنها مود في الفتيس متبرمج عليه أنو يمشي بيه في أي وقت وتخت اي ظروف,, ممكن يزودو أستهلاك البنزين معاك شوية لانهم بينقلو علي RPM أعلي شوية. عشان يحافظ علي تماسك العربية علي الأرض برضه في الظروف الزلقة. ولما بتدوس فرامل بيعمل Engine Brake معاك وبيوقفك في وقت أسرع ومسافة أقل من وضع ال D العادي.
بس أخر ملحوظة لو معاك وزن وناس في العربية أبقي خلي رجليك ناعمة علي دواسة البنزين وأنت علي المود بتاع الجليد دا لأنك بتطلع علي التاني, يعني متدوسش جامد علي الدواسة لأنك بتطلع علي التاني, وخلي ال RPM ميعديش ٢.٥
ومجرد أنك تعدي سرعة ٣٠ كم في الساعة ممكن تدوس براحتك لأن ساعتها بتكون العربية أخدت وماشية علي سرعة الغيار التاني الطبيعية.

بالتوفيق يا بيرو, وأبقي جرب كدا الحاجات اللي قلت لك عليها وقولي أيه رأيك.

يا احمد انا فرحان برجوعك لينا جدا ﻻنك واحشنى بجد و ربنا يبارك فيك على العربية. اما بالنسبة لشرح الرائع دة فدا من طبيعتك و انت عوتنا على الشرح الوافى الرائع . بجد شكرا على اهتمامك . بس سؤال وضع * مافيش مشاكل ان نمشي علية شارع زحمة ؟ ومعلش حاجة تانية لما يكون الطريق زحمة افضل دايس على الفرامل و هى على d وﻻ انقل على n خايف يكون كتر النقلات تاذى الفتيس . وشكرا على اهتمامك