استفسار صغير

**Ahmed6325** · 13-01-2014 01:23 AM

المشاركة الأصلية كتبت بواسطة Ahmod

لا يا باشا الصب الدبل كويل بيتوصل 4 اوم او 2 اوم

والبايونير عموما مش هيستحمل انه يتوصل 2 اوم هيضرب منك وش !! مافيهاش كلام

الصب الدبل كويل بيبقى خارج منه 4 مخارج

+ / - / + / -

لو طلعت 4 فرد من الصب للجي ام على ال 2 شانيل بتوعه كدة انت وصلته 2 اوم

اما لو قفلت سالب وموجب مع بعض جوة الصب وطلعت فردتين بس وصلتهم بريدج على الجي ام كدة انت وصلته 4 اوم وده اللى معظم الناس بتعمله

دا ال d2 يا باشا لكن الd4 كل كويل ٤ اوم لو قفلت اللي في النص كده وصلته series بمعني ان انا كده خد مجموع المقاومات يعني المجموع الكلي ٨ اوم الكلام دا اللي مكتوب في الكتالوج و انا عارفه علشان انا بدرس ohm law

**Ahmod** · 13-01-2014 03:23 AM

مش عارف الصراحة انا على حسب معلوماتي لو قفلت اللى في النص يبقى انت كدة وصلته 4 اوم

طب لو وصلت كلو من غير ماتقفل !! ؟ كدة يبقى الصب شغال 4 اوم ؟

بس صدقني الصبات اللى هنا في مصر مش هتستحمل انك تخرج منها 4 فرد وتحطهم على جي ام !! الا لو كان جي ام على قده

**Ahmod** · 13-01-2014 01:45 PM

المشاركة الأصلية كتبت بواسطة Ahmed6325

يبقي الحل اني اوصله ٨ اوم و اخد نص الباور و انا في راي ان ٢٠٠ ار ام اس كويس مش وحش

بص يا باشا قوة الخرج بتختلف من جي ام للتاني !!

يعني انا كان عندي صب كيكر امريكي

كنت مركبه على جي ام بايونير 820 ماكس باور وrms 380

شلته وركبته على جي ام سيمفوني 400 ماكس باور و 300rms

والسيمفوني اداني اداء اقوى بفرق ملحووظ !!! ؟؟؟

ومحمود هنا في نايل موتورز كان مشغل صبين

واحد Alpine ماكس باور 2000 وات وخرج 750rms مقاس 15
والتاني بنش ماكس باور 1200 وات خرج 600rms مقاس 15 برضوا

تخيل الوحشين دول !! كان مقومهم جي ام بنش خرجه 500rms بس !!!!!!!

وهو ممكن لو عدى على الموضوع يديلك تفاصيل اكتر في موضوع ال 4 اوم وال 2 اوم لانه مجرب الحجات دي

فعشان كدة بقولك الخرج بيختلف من جي ام للتاني وعموما انا الصب البايونير ال d4 ده سمعته على جي ام كينود 720 وات 4 شانيل وكان متوصل بريدج على 2 شانيل بس !! وال 2 شانيل التانين كان عليهم سماعتين دبل بيز ومع ذلك كان ادائه تحفه

بس كان الجي الكينود القديم

**Ahmod** · 13-01-2014 04:22 PM

بص بقى يا باشا انا اقولك الخلاصة في موضوع المقاومات ده عشان انا من الصبح عمال ادور في المواقع لاني هشتري جي ام بس الخرج بتاعه 2ohm

والصب اللى عندي Alpine دبل كويل 4اوم + 4 اوم

بص يا باشا بالنسبة للصبات الدبل كويل اللى بتكون 4 اوم + 4 اوم

عشان تخلي الصب ده يخرج مقاومة 2 اوم للجي ام هتوصله كالتالي

انت عندك الصب هيكون فيه اربع مخارج (+/-/+/-)

هتوصل السالب بالسالب وتخرج منهم سلكة واحدة للجي ام

والموجب بالموجب وتخرج منهم سلكة واحدة للجي ام

كدة انت شغلت الصب 2 اوم زي في الصورة كدة

بس في الحالة دي انت لازم تجيب جي ام Stable على 2 اوم

يعني انت محتاج جي ام Mono

لان كل الجي امات ال 2 شانيل لما بتتوصل بريدج بتخرج القوة بتاعها على 4 اوم ولو وصلت بالطريقة دي وحطيت بريدج على جي ام 2 شانيل كدة الجي ام هيتحرق منك

فياما تجيب جي ام Mono وده بيكون شانيل واحدة بس !! ياما هتحط الصب على شانيل من الاتنين بتوع الجي ام ال 2 شانيل لانك لو وصلته بريدج هيتحرق

وللاسف الصبات الدبل كويل 4 اوم + 4 اوم مالهاش طريقة توصيل تخليها تشتغل 4 اوم !!

ياما هتوصلها 2 اوم ياما 8 اوم

وعشان انت ماعندكش هنا جي امات في مصر تطلع خرجها على 2 اوم يبقى انت قدامك حل من اتنين

ياما هتوصل 8 اوم من خلال انك هتقفل الاتنين اللى في النص

وسعتها هتاخد نص قوة الجي ام ال 2 شانيل لو وصلت الصب بريدج

ياما هتوصله 2 اوم وتحطه على شانيل واحدة ومش هتحطه بريدج

**Ahmod** · 13-01-2014 07:50 PM

المشكلة ان الجي امات اللى متاحة في مصر على قدها جدا !!

انا هديلك اختيارين ياما هتجيب البايونير ال 820 وات 2 شانيل ده في حالة لو عايز تسمع صوت نقي بس قوته متوسطة

اما لو بتحب البيزة تبقى طالعة قوية جدا يبقى قدامك السيمفوني بس هتستغنى عن النقاء

**Ahmod** · 13-01-2014 11:48 PM

بص يا باشا انا كنت بقلب في كتالوج الصب ال Alpine اللى عندي

لقيتلك طريقة ممكن توصل بيها الصب الدبل كويل 4 اوم + 4 اوم عشان تخرج مقاومة 4 اوم

ودي هتبقى مناسبة جدا للجي امات اللى موجودة في هنا مصر لانها كلها بتطلع بريدج 4 اوم

صورتهالك عشان تبقى واضحة طريقة التوصيل قدامك

زي مانت شايف كدة يا باشا في Example 3

هتاخد الاربع فرد من الاربع مخارج بتوع الصب من غير ماتقفل اي حاجة في النص

بس هو هنا موصلين باتنين جي ام !! انت بقى بدل ماتجيب 2 جي ام

هات واحد 4 شانيل وهتحط فردتين بريدج على 2 شانيل 4 اوم

وفردتين بريدج على 2 شانيل 4 اوم

وكدة انت هتاخد باور الجي ام كله

الطريقة دي مش متداولة وانا ماشفتش حد في المواقع الاجنبية بيوصل بيها بس هي مكتوبة في الكتالوج فمش عارف بقى التطبيق على الحقيقية هيبقى عامل ازاي