استفسار صغير عن byd f3

**conan415** · 22-09-2013 01:24 PM

بسم الله الرحمن الرحيم

اولا : احب اشكركم بجد علي مساعدتي في رحلة العناء من اجل شراء سياره جديده

ثانيا : باذن الله هتوكل علي الله علي اخر الاسبوع و هشتري byd f3 اتوماتيك و لكن

عايز استفسر علي شوية حاجات كده علي السريع

1- اخر سعر سمعته كان 89 الف و لكن لما رحت اسال امبارح قالولي 92 الف ( هي زاد سعرها ولا لا ) .
2- اللي انا سمعته ان الماتور ميتسوبيشي 1600 سي سي بينما امبارح لما سالت قالي ماتور ميتسوبيشي برضه 1500 سي سي ( الكلام ده صحيح ولا لا ) .
3- باذن الله دي اول عربيه اشتريها فهل اختياري ده موفق ؟
4- احسن مكان ممكن اشتري منه العربيه فين ؟

و اخيرا : شكرا ليكم مره تانيه

**conan415** · 22-09-2013 05:00 PM

يا جماعه 33 مشاهده
من غير رد واحد
طيب اصدموني
اي حاجه طيب

**eng.salama93** · 22-09-2013 05:10 PM

اللي ب موتور 1600 دي تقفيل مصري
و اللي بموتور 1500 دي تقفيل صيني

**conan415** · 22-09-2013 05:20 PM

المشاركة الأصلية كتبت بواسطة eng.salama93

اللي ب موتور 1600 دي تقفيل مصري
و اللي بموتور 1500 دي تقفيل صيني

شكرا جزيلا

eng.salama93

بس انا مازلت محتار مين افضل
لان الكلام اللي اتقالي النهارده و انا بسأل في احد المعارض ان كله تقفيل مصري

و لما سالت في احد معارض بي واي دي قالي ان مفيش فرق بين 2013 و 2014 فهل الكلام ده مضبوط و ان الاتنين 1600

**eng.salama93** · 22-09-2013 08:34 PM

المفروض ان في 2014 تقفيل صيني 1500 سي سي موتور ميتسوبيشي
و علي كلام الأعضاء هنا .. المفروض انها احسن من ال 1600 سي سي
بس الله اعلم هل هي قطع غيار الموتور ال 1600 نفس قطع غيار البومة مثلا !!
و ال 1500 هي نفس قطع غيار الشارك !!
انا مش عارف بصراحه

**conan415** · 22-09-2013 09:44 PM

المشاركة الأصلية كتبت بواسطة eng.salama93

المفروض ان في 2014 تقفيل صيني 1500 سي سي موتور ميتسوبيشي
و علي كلام الأعضاء هنا .. المفروض انها احسن من ال 1600 سي سي
بس الله اعلم هل هي قطع غيار الموتور ال 1600 نفس قطع غيار البومة مثلا !!
و ال 1500 هي نفس قطع غيار الشارك !!
انا مش عارف بصراحه

بجد الف الف شكر ليك
انت كده ريحتني لحد كبير
لان كلامك مطابق لكلام الناس في احد المعارض
بس اللي انا سمعته انه هوندا سيتي مش لانسر شارك
ارجو الافاده

**eng.salama93** · 22-09-2013 09:57 PM

انا برضو سمعت نفس الكلام بتاع الهوندا السيتي هنا ف المنتدي بس نسيت اقولهولك بصراحه
بس الله اعلم انهي الأحسن فيهم
الهوندا قطع غياره ممكن تبقي صعبه شويه بالنسبة للميتسوبيشي

**eng.salama93** · 22-09-2013 09:58 PM

انا عن نفسي لو هشتريها
هجيب ام موتور ميتسوبيشي عشان دا شغال من 2007 و قطع غيارة بقت موجوده .. بجانب ان حاجات اللانسر بتركب عليه
و الميكانيكيه بيعرفوا يشتغلو فيه

**conan415** · 22-09-2013 10:15 PM

المشاركة الأصلية كتبت بواسطة eng.salama93

انا عن نفسي لو هشتريها
هجيب ام موتور ميتسوبيشي عشان دا شغال من 2007 و قطع غيارة بقت موجوده .. بجانب ان حاجات اللانسر بتركب عليه
و الميكانيكيه بيعرفوا يشتغلو فيه

شكرا ليك و بصراحه انا بميل لنفس رأيك
بس بجد الغريب و اللي عملي دوران في دماغي من بعض المواقع

معدل استهلاك 1600 حوالي 6 لتر لكل 100 كم
بينما معدل استهلاك 1500 ( وهو نفس موتور byd g3 ) حوالي 7.3 لتر لكل 100 كم
و بصراحه مش فاهم و حاسس ان كده في حاجه غلط

**bassem.naguib** · 22-09-2013 11:57 PM

ألف مبروك مقدماً .. وتستلم على خير إن شاء الله

اللي أعرفه أن مفيش عربيات تقفيل صيني اللي بموتور 1500 نازل منها أتوماتيك وكل العربيات التقفيل الصيني مانيوال .

بالنسبة للسعر فهو مزدش ولا حاجة هو كدة بقاله فترة .. وأعتقد (مش متأكد) أنه 94 أو 96 حاجة زي كدة (بكرر مرة تانية مش متأكد من السعر) .

الفتيس الاتوماتيك هو فتيس ياباني الصنع بالكامل والخاص بالسيارة نيسان صني .. بعكس باقي المكونات فهي تصنيع صيني أو مصري (بالنسبة للسيارة المجمعة في مصر) .

الموتور الـ 1500 سيتم تعميمه بعد فترة على جميع السيارات البي واي دي سواء المجمعة في مصر أو المستوردة من الخارج .. وهو على زعم ما يقال أنه هو الموتور الخاص بالهوندا سيتي (تصنيع صيني طبعاً) بس مش متأكد أي موديل من الهوندا سيتي .. ومعتقدتش أنه حيكون فيه مشكلة في قطع الغيار أو تعامل الميكانيكية خارج التوكيل معاه .

استهلاك البنزين متغير من وقت لوقت طبقاً لظروف كتير .. واللي بيبقى مكتوب في البروشور في ظل مواصفات قياس مثالية .. على حين أن الواقع مغاير لذلك .. وده في كل العربيات مش البي واي دي فقط .