تم تفتيح العربية و الحمد لله - كورولا ٢٠١٤ -

**Optiplex** · 08-04-2014 01:50 AM

يااا جماعة المهم مش ان الفتيس كام سرعة او يتساوى بالالمانى المهم انة يبقى اعتمادى و يريح الدماغ يطلع بقى سى فى تى يطلع اى نوع المهم انة ما يبقاش معيوب زى الام ام تى و الدى اس جى ولا اية

**yasserelsayad** · 08-04-2014 02:13 AM

المشاركة الأصلية كتبت بواسطة Mohamed.Hany

لا يا فندم الكورولا ٨ نقلات ٧ امامي و واحد خلفي و ليك مني صورة بالكلام ده لأن محدش مصدق اللي بتعمله كورولا ٢٠١٤ ده ، زي الفولكس و البي ام و المرسيدس و الماركات العالية :-)

الكورولا مفيهاش تروس اصلا دول نقلات virtual
الفتيس الـ CVT دا عبارة عن 2 كون بينهم سير
يعنى موضوع هى 7 ولا 8 عادى مش اختراع دا شغل سوفت وير

والف مبروك يا باشا على التفتيح وربنا يحفظهالك من العين ان شاء الله

**yasserelsayad** · 08-04-2014 02:17 AM

المشاركة الأصلية كتبت بواسطة inspiron

مبروك وربنا يحافظ عليك وعلي أسرتك ومتعملهاش تاني :)

بالنسبة للفتيس :-
---------------

- خطأ شائع زرعوه اخواننا اليابانيين..إن فتيس الكرولا الجديدة 8 سرعات..وهذا الكلام ليس له أي أساس من الصحة..بالراحة كده.

فتيس الكرولا ده CVT زيه زي اللي كان موجود في لانسر بومة الـ 1600 سي سي..ولكن تم اضافة خاصية ستيبترونيك به..هو في الأصل مفيهوش 7 تروس ينقل عليهم..كل ما في الأمر إنه بيعيشك الجو الرياضي بشكل وهمي بإنه يرسم علي شاشة الـ ISODOT في الطابلوه عدد النقلات لحد 7 زي الفولكس فاجن والبي إم والمرسيدس..اللي هما فتيسهم فيه dual clutch عشان يدي النقلات دي كلها في حين ان الكرولا فتيسها مش dual clutch عشان يبقي زيهم :)

تحياتي :)

مش لازم الفتيس يبقى dual clutch عشان يطلع 7 او 8 .. عادى فتيس zf وهيونداى 8 نقلات بس اوتو عادى single clutch بتورك كونفرتر

**Mohamed.Hany** · 08-04-2014 11:21 AM

المشاركة الأصلية كتبت بواسطة hany63

رائيي الشخصي في عملية التفتيح ان العربيات الحديثه وحدة الكومبيوتر بتسجل اسلوب السواقه و طبعا مهما قرصت وسط البلد مش ممكن تعودها على كده لانك مفيش ثانيه هتكون رجلك على الفرامل و اللي يزيد الطين بله لما تفضل طول الطريق اقصى سرعه ليك لا تتعدى ٢٠ كيلو
جرب بعدها و حاول تقرص عليها هتحس انها بتقاومك يعنى هتلقى الار بي ام وصل لاقصاها ٣ تلاف لفه و الفتيس عايز ينقل غصب عنك و بيحصل هنا ديلاي و يا يفرض النقله عليك يا اما يكمل دوران و ده لو كنت دايس جامد
طب الموضوع ده نحله ازاي و خصوصا في الزحمه
ببساطه من كرم ربنا ان الشعب المصري بيحب ينتاءخ و يقوم براحته من النوم ايام الاجازه حضرتك ظبط مشواريك يومها من الصبح بدري و هاتها على المانيوال مود عشان تتعود تنقل على الار بي ام العالي نسبيا و مش لازم حتى تقرص جامد هتحس بعدها و انت على الاوتو باداء تاني خالص

انا بحس كدة فعلا ، مش عارف دي حقيقي ولا مجرد احساس

**bassem.naguib** · 08-04-2014 02:47 PM

بس في نقطة مهمة .. الحرق على الغيارات كتير بيقصف عمر الموتور .. والكيك داون كتير برضه بيقصف عمر الفتيس .. فكل شيء بالعقل .

**borio1704** · 12-04-2014 11:31 AM

الحقيقة أنا قريت الموضوع والتعليقات كلها... وليا كذا تعليق..

بالنسبة لتفتيح العربية.. فالمسألة ببساطة هي فكرة الحصول على أعلى أداء ممكن من الموتور

الكلام ده ييجي ازاي؟؟

الأداء هو باختصار نتيجة الفرق بين القوة اللي طالعة من الموتور والمنقولة عن طريق أجزاء نثل الحركة .. في مقابل كل أنواع المقاومة اللي بتواجه الموتور والعربية بشكل عام..

الكلام في الموضوع ده كبير وممكن يبقى عايز موضوع لوحده

بس السادة الزملاء قالوا معظم الحاجات اللي ممكن تحصل.. زي مسألة الترسبات الكربونبة والترسبات الداخلية وموضوع زيادة التآكل الداخلي جوه الموتور. . وطبعا ماننساش إن وجود أي عوائق أو انسداد في دورة الوقود وتغذية الهوا ليها دور رئيسي في أداء المحرك

بالنسبة لموضوع "تعويد" العربية على طريقة سواقة.. فده كان خرافة لحد ما الجيربوكسات الأوتوماتك الحديثة بدئت تنزل وبقى أداءها عليه كنترول من الكمبيوتر

فيه حاجة إسمها "الذكاء الاصطناعي Artificial Intelligence" ( مش الفيلم طبعا ) وفكرته إن الكمبيوتر بيتعلم بتكرار المواقف ازاي يتصرف لما الموقف ده يتكرر.

بس الحقيقة حكاية إن العربية بتشوفك إنت عايز ايه وتعمله ده بقى حقيقي

بالنسبة بقى لموضوع الcvt

مسألة إن النقلات virtual من الناحية الميكانيكية غير صحيح

النقلات ميكانيكية وحقيقية 100%.. بس بتتم بأسلوب مختلف غير التروس

وأكبر ميزة في الcvt من وجهة نظري هي مدى المرونة اللي موجودة فيه واللي ممكن تديك عدد نقلات زي ما انت عايز

وما دام الفتيس يعتمد عليه وأعطاله قليلة يبقى أكيد. أحسن من اللي أعطاله كتير.. بغض النظر عن إيه نوع الفتيس اللي بنتكلم عليه

العيب الوحيد في فتيس الcvt هو إنه ما ينفعش يتركب على مواتير قوية .. ﻹن عزمها عالي وبيسبب زحلقة للسير الداخلى على الطارات

على فكرة.. تكنولوحيا الcvt مش جديدة قوي .. وأنا شخصيا اتعاملت معاها في ماكينات صناعية من حوالي 10 .. وكانت أصلا راكبة على ماكينة عمرها 10 سنين.

...

-

الموضوع: تم تفتيح العربية و الحمد لله - كورولا ٢٠١٤ -

LinkBack

أدوات الموضوع

عرض

-

-

-

-

-

-

المواضيع المتشابهه

كورولا ٢٠١٤ أو أوبل أسترا ٢٠١٤ ؟!!

الدفعه الجديده من كورولا ٢٠١٤ خلوصها ١٥،٥ سم

ثبات كورولا ٢٠١٤

رفع الزجاج مع الريموت-كورولا ٢٠١٤

عايزين تقرير من راكبي كورولا ٢٠١٤

الكلمات الدلالية لهذا الموضوع

المفضلات

المفضلات

ضوابط المشاركة