الموضوع: تم تفتيح العربية و الحمد لله - كورولا ٢٠١٤ -

المشاركة الأصلية كتبت بواسطة M.ABDOU

يا ريت تتكلم باسلوب كويس ويكون فى لياقه فى طريقه الرد لاننا مش داخلين حرب ولو على الكلام العلمى الواضح انى لو حرد على كل نقطه عندك محتاج سنين علشان افهمك نظرا لاختلاف الاجيال على ما اعتقد

بس لعلمك بس وانت متعصب مبتعرفش تحكم وتشوف كويس

لأن اللينك اللى حطتهولك ده فيه فئتين للكامرى بنفس المحرك بنفس التكونولوجيا بنفس الكود بتاع الموتور وااحد ومفيش فرق فى الموديل الاتنين موديل 2014 وفرق bhp بينهم 3 حصان

وبرضه مجاوبتش على سؤالى ليه الفرق ده ؟؟؟؟؟؟

ولا عاوزك تجاوب لان المحاوره ليها اصول وادب وحضرتك خرجت عنها وتقريبا مفيش نقطه حنتقابل فيها

وشكرا

أولا: أحب اقول اني استمتعت بالنقاش مابينكM.ABDOU وبين المهندس KAZA ،ومعني النقاش أن في أختلاف في وجهات النظر وأن في رحلة بحث عن المعلومة الأصح وده معناه ان كلا الرأيين يحتمل الصواب والخطأ واحنا كأعضاء في المنتدي المتميز ده بنحترم كل وجهات النظر وبنقدر ونشكر كل مجتهد علي أجتهاده سواء اصاب أو اخطأ.

ثانيا : أحب اقول اني أنزعجت جدا من اسلوب نقاش المهندس KAZA معاك واللي علي حد قوله أسلوب باشمهندزين مش باشمهندسين.

ثالثا: بالنسبة لاجابة سؤالك علي اللينك ده:

http://www.toyota.com.sa/modelsprices.asp?model_id=4

الكامري LG
بها محرك 4 سلندر 2.5 لتر178 حصان بمخرج عادم أحادي
والكامري LGX
بها محرك 4 سلندر 2.5 لتر181 حصان بمخرج عادم ثنائي

يعني الكامري LGX فيها 3 حصان زيادة نتيجة وجود مخرج عادم ثنائي واللي بيقوم بترييح وخفض الضغط على المحرك بسبب سرعه اندفاع العادم الى الخارج وبتالي تنخفظ الحراره والجهد على المحرك.

رابعا : دي معلومة مكتوبة علي موقع تويوتا أمريكا عن الكامري 2014 واللي بتوضح أن العربيات المجهزة PZEV وده عبارة عن جهاز بيركب في الشكمان لتقليل انبعاثات العادم لدرجة تقترب من الصفر (وده غالبا بيكون في ولاية زي كاليفورنيا للحفاظ علي البيئة) ولكنه وزي ما هو مكتوب بيقلل قدرة محرك الكامري من 178 حصان الي 173 وده بيثبت أن سرعة خروج العادم وبطأه له علاقة مباشرة برفع أو خفض قدرة الماتور.

In certain areas, 4-cylinder models are equipped as Partial Zero Emission Vehicles (PZEV). Equipment causes nominal reduction in horsepower (from 178 hp to 173 hp) وده الينك اللي قريت فيه المعلومة دي:
http://www.toyota.com/camry/features.html#!/mechanical/2514/2532/2546/2540
أضغط علي 33

وفي النهاية أتمني أننا في المنتدي نستفيد من خبراتكم ومعلوماتكم الهندسية في صورة نقاش بناء.

مع وافر التحية والاحترام لكل منكما

انا بسيب عربيتى بعد عداد rpm ما يرجع لوضع السلانسيه بحوالى 30 ثايه وبعدين ابدا اتحرك

ياباشا اللينك اللي حاطة لية 444.000 نتيجة مين فيهم الخاص بالكامري
وفارق 3 حصان ممكن جدا يكونوا لاختلاف نسبة البنزين او البورتنج لوش السلندر او نظام عادم باير فلو افضل كل دة كويس بس ماشالوش الشكمان خالص وقالوا انة افضل واقوي بص حاريحك خش علي اي حد بيعدل مواتير وشوف بيقولوا اية علي الباك بريشر
بالنسبة للمواتير وبما انني مش ضليع في الكمبيوتر زي حضرتك بقي فرق اجيال وبالرغم من محاولاتي لضغط الملفات علشان اثبت لحضرتك مصدر معلوماتي والتي بائت بالفشل نتيجة تحديد ادارة المنتدي لحجم الملفات ب2 ميجا بيات ودي كارثة لنقل البيانات وياريت اي حد من الاخوة الافاضل او حضرتك تكسب فيا ثواب وتعلمني كيفية ننشر الملفات علي المنتدي لان دي عقدتي من زمان ومش عارف احلها
لكن يلا بص ياسيدي فية محرك عجوز زي حالاتي (فرق اجيال بقي) اسمة محرك 2 لتر او 2000 او 2كامة عملتة شركة قديمة اسمها فيات بتصميم واحد قديم اسمة ميناردي سنة 69 والمحرك دة استمر في الخدمة حتي سنة 96 وركب علي موديلات مختلفة من اول 125/124/132/الارجنتا/الريجاتا/التمبرا/الكروما للفيات وللانشيا من اول فلافيا /037/مونتكارلو/دلتا/بريسيما/تيما/ديدرا والالفا155/164/الفتا /جي تي علي مختلف الموديلات
المحرك دة نفسة لكل موديل بيطلع عزم اعلي واحصنة اعلي من فيات لصالح لانشيا او الفاوطبقا لادوات التغذية وبرضة الفرق بيكون في حدود 3:5 حصان بخلاف تجهيز الضواغط او الشاحن او انظمة العادم
المحرك دة شهير جدا وممكن تدخل تكتب fiat/alfa twincam engineوتقارن الارقام بنفسك وتشوف بعينك انا باقول اية
نرجع لمرجعنا انة علميا لا يجوز الاستغناء نهائيا عن الضغط الخلفي للعادم وفي حالة التخلص منة تماما بيحصل فقد كبير في القدرة والعزم واجهزة اختبار السيارات (الديناموميتر)خير مثال وهات اي كارو وحطها بمواسير عادم وقيس وشيل العادم وقيس اعمل تجربة حية وشوف الطخ اللي باطخة صح ولا غلط (اختلاف اجيال)
وتاني احنا بنجادل في اية بنخترع العجلة ولا بنعمل مواتير ....لا عملنا دة ولا دة الحمدلله بس بنطنطط فقط انا اسف علي حدة كلامي بس لما تدرس هندسة وتمارس تعديل محركات وتشتغل في توكيلات عريقة وتسافر تكمل دراستك وشغلك في ايطاليا وترجع تلاقي الناس لسة بتتكلم في الاكسهوست باك بريشر بيجيلك احباط
يابية الحجة بالحجة وياريت تفتحلي ايواب علمك الغزير لنستفيد منة كلنا إن شاء الله
انا قلت اللي اتعلمتة ومارستة علي مدي سنين عمري (اجيال بقي )والامانة تقتضي توصيل معلومة صحيحة للاجيال لتتواصل الخبرات ولا اية
عموما اسف لاحتدادي عليك جت فيك بعد غيبة من المنتدي وتحياتي ليك

المشاركة الأصلية كتبت بواسطة m.abdou

انا بس بطاالب ان يا ريت يا جماعه نعرف ونتعلم ادب الخلاف

مش معنى انى ابين لشخص او اقوله ان وجهه نظره او كلامه غلط اند بقدح فيه هوا شخصيا


ده مسأله علميه ومحدش عالم بكل حاجه حتى لو خريج بقالك 50 سنه

بالعكس العلم اصلا خطوته سريعه جدااا وفرق السنين مهما كنت متابع مش حتقدر تاخد كل التفاصيل وانا متأكد مليون فى الميه ان خرجين الهندسه مثلا اللى من سنتين تلاته ممكن يكونوا يعرفوا حاجات لسه انا مثلا او غيرى حيبتدى يسمع عنها كمان مده

فمابالك بقى بمده قاربت على ربع قرن



الخلاصه ان لغه الحوار الهادئه واللياقه فى التعامل اكيد حيكون افضل واحسن وكلنا نستفيد لان مفيش انسان فى الدنيا يعرف كل حاجه انا عن نفسى انا كمهندس سيارات وخبره فوق العشر سنوات والله العظيم بتعلم حاجات من هنا وممكن جدا اللى يقول المعلومه ميكونش مهندس سيارات او مهندس اصلا لكنه عرف وامتلك المعلومه اللى انا معدتش عليا قبل كده


نصيحه ليا قبل اى حد مفيش حد كبير على العلم

ياسلام علي الكلام الموزون فعلا مفيش حد كبير علي العلم بس فكر نفسك الاول وتذكر قول المولي وفوق كل ذي علم عليم :018a1d~146: