الموضوع: باقه من الشكر و الورود الى المهندس ميلاد

انا رحت النهارده عند النهندس ميلاد مع انى كنت خايف جا من الكلام عليه انه مغرور او نصاب او اى كلام من هذا القبيل انا كنت رايحله عشان كنت عند ميكانيكى فى مدينه نصر كنت بعمل عنده صيانة ٨٠ الف و كنت سامع صوت غريب من الموتور قالى انت محتاج كامتين و طقم كوستبنات عشان خاطر الكامات خشنه جدا فمكنتش لاقيهم و كلمت ميلاد عشان اغيرهم روحتله الراجل بصراحه كان بمنتهى الذوق معايا و كشف على الموتور قالى ده مش صوت الكامات و الكوستبنات ده صوت حساس كلستر البنزين قولتله انا مش مصدق راح مغيره الصوت امتنع تماما و كان عندى مشكله تانيه ان اول لما بعدى سرعة ١٠٠ لمبة الاعطال نورت الميكانيكى اللى كنت عنده كان قايلى فلتر بنزين فلما غيرته ما كانش فى نتيجه لما رحت لميلاد كشف بالكمبيوتر طلع حساس سرعه و مرضاش يغيره قالى هينظفه عشان ممكن يكون عليه تراب و اشتغل ميه ميه بصراحه رجعت من عنده على سرعة ١٤٠ اللمبه منورتش خالص و ظبطلى السنتر و ركبلى ٢كارتيرة عجل امامى و ظبطلى الزينون و غيرلى زيت و غسلى الموتور و شيك على كل الزيوت و زودها و اخذ شغل حوالى ٥ ساعات فى العربيه و فى الاخر مصنعيه ١٠٠ جنيه بجد انا عمرى ما هخلى حد يشتغل فى عربيتى غير المهندس ميلاد و المساعد بتاعه المهندس كرم عشان الضمير العالى بتاعهم فى الشغل و رخص مصنعيتهم و رخص قطع غيارهم و بنصح اى حد يروحلهم و الله ما يمشى زعلان خالص و على فكره انا كان ليا مشاركه فى موضوع سابق بهاجمهم و دولوقتى بقوله حقك عليا يا ميلاد و كل سنه و انت طيب