بروتون ويرا 2001 مساعده بخصوص كهرباء البخاخات

**haitham_comput** · 14-01-2015 05:34 PM

السلام عليكم ورحمه الله
عربيه بروتون ويرا 2001 1.6 لتر نفس موتور الميتسوبيشى ميراج
المشكله فى اتنين سلندر مش شغالين فالمكنه وبعد الفحص اتاكدت انه مفيش كهربا جايه للرشاشين بتوع الاتنين سلندر دول ،قلبت الدنيا على فيوز او كت اوت ما لقتش حاجه ، حد عنده معلومه الكهربا جايه من الكمبيوتر علطول ولا فى حاجه فالسكه ، وشكرا

**Mecha** · 14-01-2015 06:42 PM

عرفت ازاي مفيش كهربا للرشاشين دول ؟؟؟

**haitham_comput** · 14-01-2015 10:14 PM

شكرا لردك اولا ، انا عشان اتاكد بدلت الرشاشين مكان الاتنين التانيين ودورت العربيه والرشاشات بره 2 بيجيبوا بنزين و 2 لا نفس الاتنين هما هما اللى مش شغالين من الاول مع انى بدلتهم ، فيما معناه انه الرشاشات سليمه لكن مفيش سجنال عشان الرشاش يفتح ،وللعلم ان الرشاشين دول جمب بعض يعنى 1و2 من ناحيه الشمال او بمعنى ادق من ناحيه خرطوم راجع البنزين للتنك ، لو فى نصايح انا منتظركم وشكرا .

**Mecha** · 15-01-2015 05:21 AM

بص ياريس ,المفروض اشارة الرشاشات بتطلع من ecu
محتاج معاك تست لايت ,وتحدد لون السلك اللي بستلم الاشاره وتمشي معاه
لحدماتظهر, غالبا عندك باد كونتاكت في فيشه او تهريب ارضي او سلك مقطوع ,

**Mecha** · 15-01-2015 06:17 AM

عفوا ,فيه دواير كهربة الاشعال رايحه علي الرشاشات وكل اتنين علي حده ومن خلال فيوزات والراجع يروح لل ecu عشان يوصل للارضي

**Mecha** · 15-01-2015 06:24 AM

المشكله مع بروتون يحطو متور متسوبيشي ويروحو ييشيلو ecu صناعة متسوبيشي ويحطو سيمنس اوروبي ,يرقعو العربيه هما والكوري ويلخفنوا الناس رغم الياباني احسن مكونات كهربا

**haitham_comput** · 15-01-2015 02:36 PM

الله يكرمك وشكرا ليك على ردك ، انا قست بالافوميتر فرده 12 فولت موجوده على الاربعه انجكتور وكمان البلس اتاكدت انها موجوده ركبت لمبه 12 فولت امبير قليل جدا وكانت بتعمل فلاش دليل على وجود البلس فى الاتنين سيلندر الفاصلين العجيب انه البخاخين دول ما بيطلعوش بنزين بردو مع انهم سلام ، يعنى من الاخر كل حاجه سليمه بس مش شغالين بردو يا ترى ايه الحكايه مع العلم بردو السلندرات شغاله بتطلع وتنزل يعنى مفيش كسر فى البى الات ولا حاجه انا مستغرب جدا

**haitham_comput** · 15-01-2015 02:37 PM

وضغط طرمبه البنزين قوى جدا فكيت خرطوم الراجع للتانك وبصيت انا هتجنن

**Mecha** · 15-01-2015 04:54 PM

كدا عندك مشكلة ارضي ,خرج الرشاش يروح ال ecu عشان يوصل للارضي

**haitham_comput** · 15-01-2015 06:00 PM

واضح ان المشكله ميكانيكا وخرجت بره الكهربا تماما لانه روحت لميكانيكى وجربنا تانى سوا وقالى البخاخات بتجيب بنزين لما كشف عليها واكدلى ، وقال المشكله من الصبابات ولازم يفك الوش وبيقول كمان البى الات بتسكع يعنى المكنه راحت النار ولسه معمره السنه اللى فاتت ،،،