الموضوع: صيانه 10000 بيجو 301 (مع تحديث softwear)

المشاركة الأصلية كتبت بواسطة Mohamed GEMY

غير كده مافيش حاجه الحمد الله تذكر كسلبيات العربيه ماشاء الله تحفه من كل حاجه..بتثبت كل يوم عن يوم انها الاختيار السليم
مميزاتها هيه عيوب الكوري والصيني طبعا
استهلاك بنزين رائه
ثبات قي السرعات العاليه تحفه
خامات السياره جميله جدا
العفشه كويسه مش ناشفه ولا طريه
الكماليات في الاي لاين فارقه جدا من ذراع التحكم والشاشه الي فيها جميع المعلومات والي بتنبهك لي اقل حاجه كبنزين او باب مفتوح او اي عطل
المميزات كتير والحمد الله

معني كدة ان الصوت متغيرش بعد الصيانة؛ خسارة انا كنت مستني الصيانة عشان اغير الزيت و الصوت يهدي شوية!

اللي انا مستغربلة بجد ان كل الناس بتشكر في ثبات العربية الا انا؛ انا حتي شكيت في نفسي و خليت واحد جاري معاه ماتريكس يسوقها قالي العربية زي الفل لحد ما كسر ال١٢٠ و خد مطبات هوا اتخص من العربية و قالي فعلا مش stable خالص. طبعا دة اول موقف بحس العربية مش ثابتة فية؛ سرعة عالية و مطبات هوا.
الحالة التانية المزعجة جدا لو انت شادد بالعربية و بتaccelerate علي rpm عالي؛ طبعا بتبقي العربية رامية center of weight بتاعها علي ورا و محملة علي العجل الوراني و تعالي بقي اضرب غرزة او غير الlane بسرعة؛ العربية فعلا بتنط من حارة لحارة بصورة صعبة بجد و لو مش مسيطر علي العربية كويس ممكن تعوم منك جامد.
انا متهيألي مش هوصل لحاجة تريحني في الموضوع دة غير لما نعمل مقابلة و نسوق عربيات بعض؛ هنعرف ساعتها لو في عيوب فردية في اي عربية ولا كلة كدة و الموضوع اختلاف احساس بالعربية

المشاركة الأصلية كتبت بواسطة abomo3az hasbo

ايه الكلام الجديد ده بقي

مش كلام جديد و لا حاجة؛ لو دخلت علي رابطة الملاك هتلاقيني بشتكي من قصة الثبات دي من اول يوم بينما الناس كلها بتشكر في ثبات العربية؛ فواصح كدة ان في حاجة عندي مش مظبوطة رغم اني روحت التوكيل بتاع ٣ مرات و مركز الخدمة بتاع ٣ مرات تانية ما بين الصيانة و ما بين المرتين اللي العربية اتخبطت فيهم و كل مرة بيكشفوا علي العربية سواء في الصيانة او الاصلاح و مش بيلاقوا حاجة؛ عشان كدة بقول مش هوصل لخلاصة الكلام في موضوع الثبات دة غير لما نتقابل و اشوف عرببتي انا بس اللي كدة و لا انا اللي متعود علي ثبات عالي اوي من ايام الميجان عشان زي ما حضرتك شايف في الموضوع كل الناس بتقول العربية معاهم زي الفل

المشاركة الأصلية كتبت بواسطة ahmed amin

منصحكش بدا عشان أنت عايز تجرب العربية علي سرعة,,
ولو حصل موقف مش لطيف بسبب غلطة منك أو مش منك هتبقي وحشة في حقك وهتزعل الزميل اللي هتجرب عربيته.
لأن الطرق كلها مفاجئات, وممكن بسبب أي حد يطلع لك علي الطريق تحصل حاجة.
يعني لو تفتكر خبطت الدائري مكنتش بسببك بس قدر الله وماشاء فعل, والطرق الفاضية ساعات بيكون عليها مفاجأت كتير برضه.

من رأيي تستني لحد ما حد من أصحابك أو من قرايبك يشتري البيجو أو الستروين الأليزيه,
أو لما يتوفر منها إيجار لأنها من أرخص العربيات اللي في السوق دلوقتي وأعتقد هنلاقي من البيجو 301 مانيوال أو الاليزيه عربيات أيجار كتير.
وساعتها تقدر تبقي تجرب براحتك.

ووطبعاً ثبات ال 301 ميتقارنش بالبيجو 308 أو 307 أو رينو ميجان أو ستروين c4 لأنهم هيبقو أفضل شوية عنها,
وأنت مشكلتك أنك من يوم ما جبتها بتقارنها بيهم.!! وبتقول ثباتها وحش,

مع إن كل الناس اللي طالعة من كوري وياباني ئلي البيجو 301 بيشكرو في ثباتها جداً,,,

يعني بتاع الماتريكس دا ممكن يكون قال لك كدا لمجرد أنو مش بيحب الأوروبي, ولأن الكلام مش منطقي,
الماتركس مهياش عربية صالون زي البيجو دا أولاً,
وكمان الماتركس كاوتشها صغير جداً أصلاً 13 تقريباً ؟؟ وقاعدة العجلات بتاعتها صغيرة مش زي البيجو,
مش فاهم ثبات أيه اللي بيقولك عليه في الماتريكس أحسن من البيجو بعد ال 120 دا !!
بصراحة كلام غريب,,

شكلي مقدميش غير كدة فعلا؛ اشوف حد بياجرها و اتعامل انا. انا كان فعلا مش هيجيلي قلب اجيب سرعات بعربيات ناس تانية؛ انا لما بسوق عربية اي حد من صحابي بحسس عليها فعلا.
هي فعلا الطرق ملهاش كبير بس في اوقات معينة بتبقي فيها الدنيا فاضية علي الدائري ما بين السلام وطريق السويس تعمل فيها اللي انت عايزة؛ عامة ربنا يستر طريقنا كلنا
لا هو جاري مش بيكرة الاوروبي ولا حاجة بس انا خليتة يجرب لانة بيسوق من قبل مني و في نفس الوقت هو راكب ماتريكس فمتعود علي العربيات الخفيفة و احنا مكناش بنقارنها بالماتريكس بالعكس هو فضل مبسوط بيها وبيقولي العربية زي الفل و مفيهاش حاجة لحد اما كسر ال١٢٠-١٣٠ بدأ يحس باللي انا كنت بقول علية. يالا يمكن ربنا يكون بعتهالي سبب عشان يتوب عليا من الجري ؛)

المشاركة الأصلية كتبت بواسطة maio_do

العربية ثباتها زى الفل مفيش اى شكوى منه بالعكس ده معجب بيه جداا غريبة مشكلتك!

خطبه اية اللى حصلت معاك؟

مهو دة اللي انا بقولة الناس كلها بتقول العربية زي الفل الا انا و ٢ تانين شفتهم في التوكيل و انا بعمل الصيانة؛ انا في الاول كنت شاكك ان عفشتي مش متربطة بس كل مرة بيشيكوا عليها و بيربطوها و ضغط العجل اتاكدت منة في Bridgestone بتاع ٣-٤ مرات و دايما مظبوط. هو الcommon factor في كل اللي اشتكي من الثبات انة يا اما ركيب اوروبي من زمان او نازل من اوروبي عالي شوية؛ يعني باختصار حد مستني اداء عالي اوي في نقطة الثبات دي و لقاة ثبات كويس بس؛ فحصل سنة disappointment
و لزيادة التوضيح برضة عشان الناس اللي حاجزة بتقلق علي طول؛ انا باخد ملفات الدائري الواسعة علي ١٤٠-١٥٠ كمان من غير مشاكل او تعويم؛ المشكلة كلها بقي لما تاخد مطب هوا علي سرعة زي دي او لما تكون بتسحب جامد بالعربية ساعتها بتكون العربية رامية علي ورا و توزيع الوزن مش مظبوط؛
بمعني اخر العربية stable لحد لما انت او الطريق يعملها destabilization.