الموضوع: صيانه 10000 بيجو 301 (مع تحديث softwear)

المشاركة الأصلية كتبت بواسطة ahmed amin

دا اللي ناس بتفهمه بالعكس دايماً من كلامك,, أنها وحشة علي السرعات وعلي الملفات أو بتعوم,
كويس أنك وضحك النقطة دي.

وكدا يبقي أنا فهمتك صح وممكن يكون عندك حق في النقطة دي,
عشان عفشة البيجو 308 أو 307 أو رينو ميجان أو ستروين c4 أفضل بكتير في مطبات الهواء ومكلبشين في الأرض فعلاً عن ال 301,
ودا اللي أنت بتحسه ومنتظره دلوقتي ومش بتلاقيه,,

ال 301 تصميمها قريب شوية من البومة كدا, أو السيراتو القديمة نفس الجسم وخفيفة زيهم,
فا ممكن تحس برد فعل منها مع مطبات الهواء عشان الوزن وتجميع العربية السريع, هيحسسك بنطة بسيطة من علي الأسفلت,
مع أن mohjarr كان طالع من سيراتو وكان قايل إن ثباتها أحسن من السيراتو وميتقارنوش ببعض.

اللي ركب الحاجات الأوروبي الأعلي شوية مش هيحس لا بنطة ولا بهزة ولا الهواء حتي,
وهيحس بفرق لما يركب حاجة تانية, ودا اللي أنا بحسه لما بركب الانسر علي الدائري مش ببقي مبسوط زي زمان وببقي قلقان من الغرز,

ايوة بقي؛ اخيرا فهمتني يا نجم :)
بص يا احمد؛ انا مش عايز اسوأ سمعة العربية او اخلي الناس متشتريهاش بالعكس دا انا برشحها لاي حد بيسألني بس بكون عارف هو محتاج اية من العربية. هي عربية مناسبة جدا لاي اسرة واسعة و مريحة و شيك و فخمة كدة و طول منتا سواقتك محترمة هتبقي مبسوط منها؛ انا في العادي بيروح معايا واحد صاحبي من الشغل مبعديش بيه ال١٢٠ لاني ممكن اخاطر بنفسي و عربيتي آه انما اخاطر بحياة الناس التانية لأ فهو مبسوط من العربية آخر انبساط؛ انما تيجي لسواقة جري و شد عربيات و غرز (و انا لوحدي) هتزعلك في نقطة الثبات دي مع انها ما شاء الله طلقة في السحب بس الحلو ميكملش بقي.
انا عن نفسي مهتمتش اسأل علي اي حاجة قبل ما اشتري العربية لو تفتكر في الموضوع بتاع مهاجر غير عن الثبات فبصراحة لو كنت عارف انها كدة مكنتش جبتها؛ فعايز اي حد يكون مقبل علي قرار بفلوس كتير مش لعبة يكون عندة كل المعلومات و هو ياخد القرار اللي يناسب احتياجاتة

طيب ما الصيانة ب600 ج اهو اومال بقوا بيستهبلوا ليه