الموضوع: صيانه 10000 بيجو 301 (مع تحديث softwear)

من تعاملي مع التوكيل من ساعة ما جبت العربية, التكلفة بتبقي كالأتي
تغيير الزيت بس بيتكلف 80 جنيه لو هتغير زيت وفلتر زيت فقط, والتكلفة دي بتقل ل 40 في مراكز الخدمة, بس شغلهم بيبقي كروتة وكمان التوكيل أضمن في أول تلات سنين عشان الضمان.
وتربيط العفشة ب 80 برضه تقريباً, لأن في مراكز الخدمة كان بيتحسب ب 40 جنية,
يعني كدا 160 جنية, وتنضيف فلتر الهواء حوالي 10 جنية
والسوفت وير متحسبش,,
كدا يبقي 170 ضريبة, ضيف بقي ال 10%
هتبقي 187 بالظبط.

وفي الصيانة الجاية لو هوا أخد معاه الزيت وهوا رايح زي زيت شيل مثلاً,
وطلب تغير زيت وفلتر بس, هيدفع 49+80=129 جنية,, اللي هما تمن فلتر الزيت بس والمصنعية.

وبعد الضمان ممكن يغير الزيت في البنزينة لأنه مش حوار كبير,,
ويتأكد منهم دلوقتي لو تغير الزيت هيخرجه من الضمان ولا لأ لو حد حابب يغير الزيت برة,
بس أنا أنصح بإن الواحد يستحمل أول كام سنة معاهم عشان الضمان, وعشان متضمنش لو عامل البنزين أو غيرة ركب لك الفلتر غلط هتبقي ف وشك..!

والرينج دا معقول بالنسبة لعربية أوروبي,
وألف مبروك علي الصيانة يا جيمي وعقبال صيانة ال 100,000 ألف.

وخد بالك العربية بتاخد 3.5 لتر زيت بالفلتر,,
عشان ميحطوش ليك 4 لتر زيت لأنها حصلت معايا كذا مرة,,
أطلب أنك تاخد باقي الزيت اللي فاضل من الجركن معاك واللي بيكون نص لتر, ممكن تحتاجة لو الزيت بخر شوية بعد 7 أو 8 الأف كيلو,

مبروك تاني علي الصيانة وبالتوفيق,

مبروك ...اختيار ممتاز