ساعدوني وانقذوني مالمشكله ده

**Ahmed Amin** · 13-11-2013 02:40 PM

المشاركة الأصلية كتبت بواسطة Abdo Taha

طب يا جدعان عربية والدي فيكترا سي 2008 و عاملة دلوقت 128 الف كيلو و للأسف كنا بنغير زيت في التوكيل اللي هو موبيل 1 و عايزين نغير لأنو صوت الموتور عالي حبتين ايه افضل نوع ليها و افضل لزوجة و هل كده موتور العربية اضرر و لا مش قوي و هل افضل حاجة للموتور دلوقتي النصف تخليقي ؟

كان في chart عند شيل ومعظم بتقول إن بعد 100 ألف كيلو ممكن المفروض من زيت تخليقي كامل لنص تخليقي,, أو بعد 5 سنين المفروض تحول لنص تخليقي,,
أنا شايف أنو ممكن تمشيها سنة كمان بزيت تخليقي لو الموتور بيحافظ علي لزوجة الزيت ومعدل البخر مش عالي,,
أما لو كنت حطيت لها قبل كدا نص تخليقي أو معدني,, يبقي تكمل علي نص تخليقي أفضل لك,,

وأقراء المشاركات اللي في الموضوع دا هتفيدك لأنه شامل تجارب كتير لكذا نوع عربية وكذا زيت,
http://www.nilemotors.net/Nile/375062-a.html

المشاركة الأصلية كتبت بواسطة speed_magnum

هو الناس ليه ما بتحبش موبيل 1 انا بجيبه من التوكيل من خمس سنين فاتوا للتويوتا
وبنزله على 10000 كيلو وما فيهوش مشاكل
ليه الناس ما بتحبوش مع انه كفاءته عاليه
وبيستحمل ؟؟؟

لو أنت مرتاح مع موبيل وشايفة بيستحمل,, حطه في عربيتك براحتك ومتزعلش من الناس اللي مش بتحبه أو بتقول أنو وحش لأن دا رأيها ودي تجاربها,,

أنا عن نفسي جربت موبيل مع التوكيل طول فترة الضمان, كان صوت العربية عالي,,
وكانت دايماً بتسخن بسرعة وبتطلع هبو جامد من الكبوت وتقيلة في السحب ولازم أدوس لها كتير عشان تجمع علي السرعة,, وكانت بتسقف كتير في المشي جوا البلد,,

من ساعة ما غيرت لزيت شيل وانا كنت بستعمله قبل كدا في كذا عربية تانية,
الصوت بقي أهدي جداً,, الموتور بقي يستجيب من أقل لمسة علي السرعات البطيئة أو العالية والحمدلله,, التسقيف مبقاش موجود زي الأول,,
وعرفت ساعتها الفرق ما بين زيت موبيل وزيت شيل,,

موبيل من وجهة نظري, او من تجربتي ليه هوا أسوء زيت في مصر من الزيوت اللي جربتها,,
وبرضه أعرف عربيات ماشية بيه كويس بس معايا كان سئ جداً,,

وبرضه ممكن تقرأ تجارب الناس ليه من الموضوع دا, وتشوف التصويت عامل أزاي عن تجارب ناس كتير,,
http://www.nilemotors.net/Nile/42130-a.html

ولازم تجرب نوع زيت تاني أو أتنين عشان تعرف تقارن ما بين اللي عندك والأختيارات التانية,

**Abdo Taha** · 13-11-2013 02:44 PM

المشاركة الأصلية كتبت بواسطة leitosr

كان في chart عند شيل ومعظم بتقول إن بعد 100 ألف كيلو ممكن المفروض من زيت تخليقي كامل لنص تخليقي,, أو بعد 5 سنين المفروض تحول لنص تخليقي,,
أنا شايف أنو ممكن تمشيها سنة كمان بزيت تخليقي لو الموتور بيحافظ علي لزوجة الزيت ومعدل البخر مش عالي,,
أما لو كنت حطيت لها قبل كدا نص تخليقي أو معدني,, يبقي تكمل علي نص تخليقي أفضل لك,,

وأقراء المشاركات اللي في الموضوع دا هتفيدك لأنه شامل تجارب كتير لكذا نوع عربية وكذا زيت,
http://www.nilemotors.net/nile/375062-a.html

لو أنت مرتاح مع موبيل وشايفة بيستحمل,, حطه في عربيتك براحتك ومتزعلش من الناس اللي مش بتحبه أو بتقول أنو وحش لأن دا رأيها ودي تجاربها,,

أنا عن نفسي جربت موبيل مع التوكيل طول فترة الضمان, كان صوت العربية عالي,,
وكانت دايماً بتسخن بسرعة وبتطلع هبو جامد من الكبوت وتقيلة في السحب ولازم أدوس لها كتير عشان تجمع علي السرعة,, وكانت بتسقف كتير في المشي جوا البلد,,

من ساعة ما غيرت لزيت شيل وانا كنت بستعمله قبل كدا في كذا عربية تانية,
الصوت بقي أهدي جداً,, الموتور بقي يستجيب من أقل لمسة علي السرعات البطيئة أو العالية والحمدلله,, التسقيف مبقاش موجود زي الأول,,
وعرفت ساعتها الفرق ما بين زيت موبيل وزيت شيل,,

موبيل من وجهة نظري, او من تجربتي ليه هوا أسوء زيت في مصر من الزيوت اللي جربتها,,
وبرضه أعرف عربيات ماشية بيه كويس بس معايا كان سئ جداً,,

وبرضه ممكن تقرأ تجارب الناس ليه من الموضوع دا, وتشوف التصويت عامل أزاي عن تجارب ناس كتير,,
http://www.nilemotors.net/nile/42130-a.html

ولازم تجرب نوع زيت تاني أو أتنين عشان تعرف تقارن ما بين اللي عندك والأختيارات التانية,

حضرتك ده نفس الموضوع اللي عندي في الفكترا دايما صوت الموتور عالي شوية و بيبقى فيه صهد كده

**Ahmed Amin** · 13-11-2013 03:12 PM

ممكن تستعمل Engine Flush مرة واحدة بس,
وتحط زيت شيل ألترا, اللي هوا الجركن الرصاصي تخليقي كامل, هيفرق معاك كتير,,

وتجيب الزيت من بنزينة شيل تكون كبيرة ونضيفة بلاش تجيب من التجار عشان مش مضمون زي البنزينة وعشان تتجنب الغش,

فيه كلام الفترة الأخير علي أن شيل أتباعت لتوتال,
بس القطاع الخاص بالزيوت دا منفصل عن محطات البنزين اللي أتباعت حصتة لشركة توتال,,

عموماً لو ملاقتش زيت شيل ممكن تحط زيت وولف ودا ناس كتير شكرت فيه وأنا هجربه الغيار الجاي عشان أشوف الفرق بنفسي برضه وأبقي جربت التلاتة,,
وأنا لحد دلوقتي مرتاح جداً مع زيت شيل.

**Ahmed Amin** · 13-11-2013 03:28 PM

محيـط - شركة شل: بيع محطات البنزين في مصرلا علاقة له بالاوضاع الحالية

توتال توقع اتفاقا لشراء أسهم شل في شركة (شل للتسويق - مصر)

وأوضح البيان أن شركة (شل للزيوت) ليست جزءا من هذا الاتفاق..
وستحتفظ (شل) بقطاع الزيوت والشحومات فى مصر كأحد أنشطتها كما أن جميع الأنشطة الأخرى لها ستستمر كما هى ولن تتأثر بهذا الاتفاق.

**Astra Lovers** · 13-11-2013 03:56 PM

والله انا مانا عارف اعمل ايه بجد
احط كاسترول واخلص

**Ahmed Amin** · 13-11-2013 04:03 PM

الموضوع مش صعب,, حط الزيت اللي يريحك, وجرب لحد ما تلاقي اللي يناسبك ويريح موتور عربيتك,,

أنا بس رديت علي أستفسارك,
وصححت المعلومات الغلط اللي أتقالت لك بخصوص بيع شيل وأنهم بيصفو الزيوت والكلام دا غير صحيح بالمرة,,

المشاركة الأصلية كتبت بواسطة opelcars

والكلام اللي اتقالي من شركة شلل انهم بيخلصوا الزيوت اللي عندهم عشان الشركه اتباعت لتوتال

وأدي التصحيح للمعلومات الغلط اللي أنت سمعتها, >>> أفتح اللنك دا أقراء تالت فقرة في المقال,
توتال توقع اتفاقا لشراء أسهم شل في شركة (شل للتسويق - مصر)

هتلاقي الفقرة بتقول,

وأوضح البيان أن شركة (شل للزيوت) ليست جزءا من هذا الاتفاق..
وستحتفظ (شل) بقطاع الزيوت والشحومات فى مصر كأحد أنشطتها كما أن جميع الأنشطة الأخرى لها ستستمر كما هى ولن تتأثر بهذا الاتفاق.

وأنا قلت لك علي الزيت اللي برتاح له وأديتك مواضيع تقرأ منها أكتر وتساعدك, واللي هما زيت شيل وزيت وولف,
بالتوفيق في أختيار الزيت المناسب ليك,

**Astra Lovers** · 13-11-2013 04:36 PM

طب اجرب ووللف وخلاص وربنا يسترها معانه بس كنت عاوز اعرف مش اكتر احط الزيت دا وانا متطمن لان كان ناس كتير اشتكت من فالفولين وللاسف هوه هوه نفس الوكيل بتاع وولف يعني وكيل وولف دلوقتي كان وكيل فالفولين ونفس الحملات الاعلانيه والسبورت بتاع ا كريم منير وا وا وا
انا ابتديت اخس اننا بيتضخك علينا

**Ahmed Amin** · 13-11-2013 05:19 PM

بص أنا عمري ما جربت فالفولين ولا ليكوي مولي ولا أرتحت لهم من أول مانزلو والناس قعدت تتكلم كتير عليهم,,
عشان كدا كنت بخليني دايماً في المضمون وأحط شيل,,
خصوصاً إن زيت شيل فعلاً ممتاز, وسمعة شيل كشركة بترول وزيوت متقلش عن موبيل برة وكمان موبيل كازيوت مش حلوة في مصر,,

بالنسبة بقي لموضوع الوكيل بتاع فالفولين, أنت قلتها بنفسك دا وكيل,, يعني مش هوا اللي بيصنع الزيت سواء فالفولين ولا زيت وولف دلوقتي,
أنا مش بدافع عنه بس هوا بيستورد زيت ولو كان زيت فالفولين ممشيش معاه أو مع السوق فهو غير المنتج اللي بيتسورده,
وبرضه لو كان المستورد دا مش كويس أبسط واجب كان غير رقم التليفون وأسم الشركة ومافيش أسهل من إن بتوع الأستيراد والتصدير يعملو كدا,,

عموماً كريم منير بنفسه كان كاتب في موضوع خاص بالزيوت,
إن اللي يجرب الزيت من الأعضاء أو المشرفين يكتب رده بحياديه تامة,,,
يعني لو الزيت حلو قلو أنو حلو,, ولو وحش قول أنو وحش وأحكي تجربتك,
يعني مفيش مفيش غش ولا ضرر علي الأعضاء,,
دي شركة بتعرض منتجاتها عن طريق أعلان أو عضوية مدفوعة في المنتدي أو بكرة تعمل أعلان في الجرنان أو علي الطرق,

كلها طرق أعلان والجوهر واحد,, أنا وأنت كمستهلكين ميهمناش غير جودة المنتج دا,
وأننا نقرأ تقارير من أعضاء ومشرفين عشان نستريح نفسياً الأول,, بعدين نجرب بنفسنا مرة عشان نتأكد من صحة الكلام اللي بيقتال,,

وأنا عن نفسي أخر 3 سنين بحط زيت شيل بس عشان أتلاشي الهري اللي كان حاصل في السوق من فالفولين وليكوي مولي والكلام دا,,
وقبله كنت بحط موبيل ل3 سنين وندمت لأني حسيت بفرق السماء والارض بعد ما رجعت لزيت شيل,,
وناوي حالياً أجرب زيت وولف الغيار الجاي عشان أشوف نظامة أيه,,
أنت لو عايز تبقي في الأمان ممكن تجيب شيل وأنا أنصحك بيه عن ثقة وعن تجربتي ليه لأكتر من 7 سنين في 3 عريبات وهوا فعلاً أحسن زيت جربته لحد دلوقتي,,

دي وجهة نظري, أتمني أني مكنش طولت عليك.