سكودا فليشيا موضوع للمناقشة(زيت البوجيهات طقم شنبر ولا جلد صباب؟؟؟)

**sakr_skoda** · 16-11-2013 07:24 PM

السلام عليكم ورحمة الله وبركاته
الموضوع اليوم حبيت اخلية موضوع للنقاش حتى نتوصل الى اسباب تكتل الزيت على شموع الاحتراق (البوجيهات)
نشوف الصورة دى الأول....

زى مهو واضح فى الصورة دا وش السلندر من اسفل اى ما ناحية البستم وهى كما ترون هو مقسم الى اربع غرف وهى غرف الاحتراق....
ولكل غرفة بوجية كما ترون قريب جدا من الصبابات....

بكل غرفى عدد 2 صباب احدهما يسمح بخروج العادم والثانى يسمح بدخول الواقود ....

طيب كلنا كدا اخدنا فكرة عن الموضوع طيب بخصوص الزيت اللى بنشوفه على البوجيهات انهى نقطة اقرب لتسريب الزيت اليها؟؟؟
طبعا الصباب وعلشان نمنع تسرب الزيت من الصباب ودا الزيت اللى بينزل من غرفة التاكيهات بيركب جلد صباب لمنع نزول الزيت على البوجية....

يبقى احنا كدا فهمنا ان ممكن يكون السبب جلد الصاباب وغالبا ما يكون هو....*

طيب لو الزيت طلع مع البستم بسبب تلف الشنبر نتخيل كدا الزيت بيندفع مع حركة صعود البستم ليستقر الزيت فى غرفة الاحتراق ....

يعنى ايه يعنى لو الزيت دخل الى غرفة الاحتراق اكيد سيتم حرقة ويظهر العرض المعروف وهو دخان ابيض من الشكمان....

يبقى احنا اتمال كبير جدا يكون الزيت اللى بيعيق عمل البوجية متسرب من ساق الصباب والصورة واضح فيها صحة العملية....

ياريت نشترك جميعا فى بحث الموضوع حتى نتعرف اكثر عن المرض الذى ياعنى منه الكثير وكثيرا ما نقع فى فخ المهندسين وعلى طول عمرة ياباشا ولو راجل عنده ضمير نصف عمرة طيب لية مهمو ممكن يكون حاجة بسيطة....

**ha elshorbagy** · 16-11-2013 07:39 PM

وش السلندر الى فى الصورة حافظ عليه شكلو كويس ^ـــ^
انا عنيت مع المشكلة البوجيهات والزيت ركبت بوجيهات سن صغير قعدت بتاع شهرين ورجعت المشكلة تاني
لقيت المشكلة فى الشنبر وركبت جلد الصباب بس المشكلة دي غالبا فى جميع السيارات واغلبها بتكون شمبر على حد علمي

**sakr_skoda** · 16-11-2013 07:45 PM

المشاركة الأصلية كتبت بواسطة ha elshorbagy

وش السلندر الى فى الصورة حافظ عليه شكلو كويس ^ـــ^
انا عنيت مع المشكلة البوجيهات والزيت ركبت بوجيهات سن صغير قعدت بتاع شهرين ورجعت المشكلة تاني
لقيت المشكلة فى الشنبر وركبت جلد الصباب بس المشكلة دي غالبا فى جميع السيارات واغلبها بتكون شمبر على حد علمي

طيب انا ملاحظ ان لما بتغيير شنبر بتغير جلد صباب طيب ايه العلاقة جلد الصباب دا لمنع تسرب الزيت من غرفة التاكيهات وهى فى الأعلى اما الشنبمر هذا يكون على البستم اى الشغل من اسفل يعنى ممكن نغير طقم الشنبر وايضا البستم وايضا الشمايز دون التعرض لفك الصبابات واخراجها من على التاكيه....

طيب لو كنت غيرت الشنبر فقط وشوف هل امتنع الزيت اما لأ لأنى شايف الان الموضوع منفك هذا الجزء العلوى وش السلندر بمحتويته بما فيها جلد الصباب والجزء الثانى السفلى وهو البساتم والشمايز والبيلات والكرنك....*

**sakr_skoda** · 16-11-2013 07:57 PM

المشاركة الأصلية كتبت بواسطة elmkaneeki

صباب العادم هو الكبير مش العكس

لالالالالالالالالا صباب العادم هو الصغير على فكرة انا لا اقول شئ الا ان اطلع عليه بعينى يعنى انا معايا فى ذات اللحظة وش سلندر وممكن اصور لحضرتك مخارج العادم المانيفود لترى صحة كلامى....

**sakr_skoda** · 16-11-2013 08:07 PM

شوف الترتيب الاول من على اليمين والأخير عن اليسار كلهم مخارج عادم وارجع بقة للصورة الاولى لترى حجم الصباب الأول من على اليمين والاخير من اليسار

**aw2100** · 16-11-2013 10:13 PM

المشاركة الأصلية كتبت بواسطة sakr1964

طيب انا ملاحظ ان لما بتغيير شنبر بتغير جلد صباب طيب ايه العلاقة جلد الصباب دا لمنع تسرب الزيت من غرفة التاكيهات وهى فى الأعلى اما الشنبمر هذا يكون على البستم اى الشغل من اسفل يعنى ممكن نغير طقم الشنبر وايضا البستم وايضا الشمايز دون التعرض لفك الصبابات واخراجها من على التاكيه....

طيب لو كنت غيرت الشنبر فقط وشوف هل امتنع الزيت اما لأ لأنى شايف الان الموضوع منفك هذا الجزء العلوى وش السلندر بمحتويته بما فيها جلد الصباب والجزء الثانى السفلى وهو البساتم والشمايز والبيلات والكرنك....*

ا/ صبحى وظيفة جلد الصباب مش علشان الزيت يخش منه للسلندر بالعكس هو بيمنع خروج الغاز اللى فى البستم مع الضغط العالى وانفجار البنزين من خلوص الصبابات للزيت وده اللى بيسمية الميكانيكى نفخ الموتور وده بيعمل دخنة زيت من الفايظ ومايبقاش فية دخنة من الجكمان لكن الزيت اللى على البوجيهات بيبقى سببة الرئيسى هو تهريب الزيت من الشنابر وخاصة شمبر كسح الزيت الشمبر السفلى
بالنسبة لتركيب البستم فى الشميز لازم يركب من الأعلى من تحت الوش علشان زرجينة الشنابر بتربطها على البستم وبعدين بتسقط البستم من فوق الشميز لكن من تحت مش حتعرف تركبه حتى لو الموتور خارج العربية وده على حسب معلوماتى وممكن تغير الشنابر دون التعرض نهائى لوش السلندر يعنى تفك الوش وتركبه تانى بعد ماتركب الشمايز وده لو حالة الوش سليمة بس اغلب الميكانيكيه مابيرضاش !!!

-

-

الموضوع: سكودا فليشيا موضوع للمناقشة(زيت البوجيهات طقم شنبر ولا جلد صباب؟؟؟)

LinkBack

أدوات الموضوع

عرض

سكودا فليشيا موضوع للمناقشة(زيت البوجيهات طقم شنبر ولا جلد صباب؟؟؟) - انشر الموضوع فى :

-

-

-

المواضيع المتشابهه

سكودا فليشيا تقرير 500 كيلو بعد تغيير طقم شنبر وجوان وش السليندر

تنبيه هام للاعضاء قسم سكودا فيفوريت و فليشيا بخصوص انشاء موضوع جديد هام جدااااااااااا

طقم شنبر ( برازيلى )لسكودا فليشيا موديل 1997

اويل سيل صباب ولا شنبر ؟؟؟

شنبر ولا جلده صباب

الكلمات الدلالية لهذا الموضوع

المفضلات

المفضلات

ضوابط المشاركة