الموضوع: شكلي هانضم لمجموعة البيجو و محتاج اسأل في 307

الف الف شكر
بجد متشكر جدا

المشاركة الأصلية كتبت بواسطة ahmed amin

أهلا بيك,
العربية أخر موديل ليها 2008

المراكز اللي قريبة من مدينة نصر,
أوتو سرفيس:

• العنوان:طريق النصر - بجوار نادي السكة الحديد - مدينة نصر
• التليفون: ٠٢٣٤٢٧٥٧٥

وفيه كمان
مودرن سرفيس:

• العنوان:طريق السندباد - خلف سوق القنال الدولي
• التليفون: ٧٧ / ٠٢٦٢٢٥٥١١

بس أفضل أتنين من وجهة نظري ومن تعاملي معاهم هما,
المركز الرئيسي في غمرة. وصلاح سالم,


الحاجات المهمة للتغيير بعد الشراء؟ خصوصا المرتبطة بالكيلومترات؟
هتكون سير كاتينة والبليتين, وسير مجموعة وزيت الفتيس, وتغيرهم بيبقي كل 60 ألف كيلو,,

ولو اللي هتشتري منه كان مغيرهم في التوكيل ومعاه الفواتير هيبقي وفر عليك,,


الصيانات المهمة و أسعارها خصوصا المرتبطة بالكيلومترات؟
الصيانات المهمة هيا صيانة ال60 ألف بس,, وبتتكلف في حدود 2000 جنية,
باقي الصيانات هيا تغير زيت بس كل 10 الأف, وفلاتير هوا وتكيف وتيل فرامل وبوجيهات كل 30 ل 40 ألف


الأسعار معقولة ممكن تراجعها من الموضوع دا لأن ال 307 وال c4 عربية واحدة بس أختلاف في الجسم الخارجي
http://www.nilemotors.net/nile/373359-c4.html



متوسط السعر دا علي حسب الحالة,, ممكن من 80 لو عايزة شوية شغل,, لحد 90 أو 100 لو فابريكة برة وجوة وعاملة كيلومتر قليل,,


دا كان تقرير عنها,
http://www.nilemotors.net/nile/128989-307sw.html




راجع كونتاكت كارز عشان تشوف اللي معروض للبيع,,
http://bit.ly/1antlyu

موسوعة ما شاء الله ربنا يكرمك

طيب سؤال كمان بعد اذنكم
لقيت اعلان عن عربية عاملة كيلوات قليلة, بس هوة كاتب أعلى فئة بانوراما و الصورة فيها الكاسيت من غير السي دي تشينجر
لما كلمته قالي أعلى فئة توكيل ماكانش فيها.
يا ترى ده صح؟ و لو صح, ايه تاني ناقص منها؟

و بالنسبة للبانوراما؟ زجاج السقف لو اتكسر, بيتغير بكام؟

شكرا جدا
بس كلام حضرتك ان التوكيل بينزل ب سي دي تشينجر, و ده عكس كلام صاحب العربية!